K.VANLALVENA’N TLAN TLIN ANIH CHUAN MIZO THALAI, KUT HNATHAWKTUTE LEH BORDER TRADE A NGAIH PAWIMAWH HMASAK TUR THU A SAWI

Mizo National Front
General Headquarters
Mizoram : Aizawl

Press Release
  • K.VANLALVENA’N TLAN TLIN ANIH CHUAN MIZO THALAI, KUT HNATHAWKTUTE LEH BORDER TRADE A NGAIH PAWIMAWH HMASAK TUR THU A SAWI
  •  DR.R.LALTHANGLIANA’N PU K.VANLALVENA VOTE VEK TURIN ZORAM MIPUI A NGEN
Vawiin April ni 12, 2024 (Zirtawpni) hian Parliament 18th Lok Sabha Election lo awm tura campaign mek Pu K. Vanlalvena, Mizo mipui MP candidate leh MNF Sr. Vice President, Dr. R. Lalthangliana te chuan Darzo, Hnahthial, Thiltlang, Pangzawlte leh Chhiahtlangte tlawhin thu an sawi a.

Mipui candidate Pu K.Vanlalvena chuan MP (LS) ah thlan tlin anih chuan hmalakna tam tak awm tur zingah a ngaih pawimawh hmasak tihhlawhtlin ngei a tumte a sawi a. Mizo thalaite eizawnna dapsak chungchang te, buh leh bala intodelh tura kut hnathawktute dinhmun chawisan te, ranvulh tute tana hmalakna tur te, border trade chungchang te chu a hna pui ber tur a nih thu a sawi. Mizoram tana ka hmalakna hrang hrangte tihhlawhtlin theihna tur chuan central sorkar leh ZPM sorkar pawh tha takin ka thawhpui ang, a ti.

Zoram thalai rual lehkha thiam leh thiamlote eizawnna a ngaih pawimawhzia sawiin, “Gujarat-a Diamond siamna hmunah ka kal a, ka be fo bawk a. Lehkha thiamlo tan pawh Diamond nawhtletin hlawh tam tak an hlawh thin, hetah hian Mizo thalaite training pe a, an luh theih nan hma ka la ang. India ram leh khawvel hmun hrang hrangah company leh hnathawhna hmun hrang hrangah an luh theih nan nasa takin ka bei ang. Sports lam kaihhnawihah thalaite tan eizawnna tlak hna a tam tawh em em a, Mizo thalai tam takin eizawnna atan an hman theih nan hma ka la ang a, hei hi ka ngai pawimawh em em a ni. Korean zaithiam, K-pop te hi thalaiten an ngainatzia kan hre theuh a, Mizoramah ko lutin Korean tawng zirna instituion din turin hma ka la ang,” a ti a.

Mizorama kut hnathawktute thawh chhuah tlemzia hian a rilru a tih nat thin thu a sawi a. Buh leh bal, thlai hrang hrang chingtu te, sawhthing, oil palm, aieng, hmunphiah, hmarcha chingtute tan minimum price support ngaihtuahsak ngei a tum bawk. Parliament session-ah Mizoram, Arunachal leh Nagaland ah oil palm hralhna a chhe lutuk a, kg ah Rs 10 aia tlem lova hralh ka rawt chu a hlawhtling a, session leh hunah a aia sanga an hralh leh theihna turin rawtna ka thlen leh ang. Kuhva chungchangah harsatna kan tawk fo a, heng atan pawh hian thlan tlin ka nih chuan nasa takin hma ka la ang,” a ti bawk.

Pu K. Vanlalvena hian Model Village a thlan zinga pakhat Pang khua chu khaw pawimawh tak, nakin zel atan thenawm ramte nen inkalpawhna kawng a puitlin huna ramri khua pawimawh em em tur anih avangin, Solar High Mast ka phun sak dawn a, ban eng zat nge phun tur chu ka sawi thei rih lo a, he ta tan hian cheng nuai 100 sanction a ni tawh a, inthlan puan avangin thawh theih a la ni lo a, inthlan zawhah thawh a ni ang. Sikul naupangte tan Solar water filter pawh dahsak ka tum a, hengte hi MP fund ni lo, central sum CSR atanga ka nawr chhuah a ni, a ti bawk. Assam lam nena buaina a awmin kan ei bar chawkluhna min hrek fo tihreh nan Kawrpuichhuah border trade te, Tuipui D lei dawh tur hmalakna kal mek leh muang lutukte chu thlan tlin a nih chuan chak zawka hmalak ngei a tum thu a sawi bawk.

Dr. R. Lalthangliana, Sr. Vice President MNF pawhin Pu K. Vanlalvena chu Zoram mipui vote vek tura ngenin, kan ram leh hnam, kan sakhua a him zel theihna tura thisen far tawp thlenga tang ngam tur a ni a ti.
Sd/-
(R.LALHMANGAIHA)
Secretary
Media & Publicity Deptt
Mizo National Front
Memo.N.64/2024
Dr.12.04.2024

Pathiana innghah tlat hi a fuh ber -Lalrintluanga Sailo, MLA

Mizo National Front
General Headquarters
Mizoram : Aizawl

Press Release

Pathiana innghah tlat hi a fuh ber -Lalrintluanga Sailo, MLA
ZPM party hi foundation neilo party a ni-Lalchamliana, Ex Minister

 
Vawiin April ni 12, 2024 (Zirtawpni) hian Mizo Hnamrun chhung inkhawm neih a ni a. Hun hnihnaah Pu Lalrintluanga Sailo, MLA, adviser MNF Gen. Hqrs. chuan thusawiin, “Kawng engkimah Pathiana innghatin, kohhran belh tlat mai hi a tha ber mai. Duhamna leh chapona hian mihring a hnukhniam thin. Mahni inen zel ila, Pathianin min chawisang mai thin. Pathian min hruainaah hian lawm hle tur kan ni. Kan hmalawka MP thlan lo awm turah pawh hian Pathiana innghat chungin hmachhawn ila, kan candidate in a zir bawk a, hnehna kan chan ngei a rinawm, “a ti.
Pu Lalrintluanga Sailo chuan, Dampa bial chhunga hriselna, inkalpawhna, hriselna, zirna, tui chungchangah hmasawnna tamtak kan hmu a. A bialtu ka nihna angin bial mipuite aiawhin sorkar hmasa lakah lawmthu ka sawi a ni. Bial chhung hmasawnna atana sum lokal ah cheng khat mah ka la lo, a ti.

MNF adviser chuan, opposition kan nih hnuah, unit level atanga Gen. Hqrs. level thlengin party mi nghing sawitur an awm manglo ang. Mi nghet kan ni a. Pathian leh kan ram tan kan tih tak tak angai a ni, a ti bawk.

Thusawitu dang Pu Lalchamliana, ex minister chuan, “Parliament hi tawng thiamte invawrhna tur leh, tawng thiamte thusawi tam na hmun a ni lo a. MP te quality zawk a pawimawh ber. Ram leh hnam veimi, sakhaw himna ngai pawimawh tu an nih a tul hle. Rem leh remlo chunga house chhung leh pawna ram leh hnam, Zofate tana auchhuak thin, Pu K. Vanlalvena hi MP tha anih zia kan hre tawh a. Ani tluk tur hi an awmlo, “a ti.

MNF adviser Pu Chama chuan, ruling lai te hian MP inthlan ah hian chak an in beisei hle anga, amaherawhchu, an chak dawn tih a chianglo hle. Hun hmasa lamah opposition lamin MP ah chakna an la fo. Chuvangin, beiseina sang tak kan nei a ni. ZPM party hi foundation neilo, midangte thiltih sawisel thiam em em, party hrang hrang leh pawl hrang hrang kalkhawm an ni a. Rei an daih a rinawmloh. MNF erawh chu martar te thisena nemngheh, ram leh hnam tana zalenna sual ngam kan ni. Mihuai kal hmasate hniakhnung zui zel ila, nghet leh rinawm takin hmalam i pan zel ang u, a ti bawk.

Mizo Hnamrun chhung inkhawm hi Pu K. Vanlalauva, Adviser MNF Gen. Hqrs. chuan kaihruaiin, Pu C. Lalnunmawia, President, Mission Veng Unit (S) chuan hunserh a hmang.

Sd/-
(PETER CHHANGTE)
Jt. Secretary
Media & Publicity Department
Mizo National Front
Memo No. 65/2024
Dt. 12. 4. 2024

MP INTHLAN LO AWM TURAH HNAM THINLUNG PUTE I TANGRUAL ANG U: LALCHHANDAMA RALTE

Mizo National Front
General Headquarters
Mizoram : Aizawl
Press Release

MP INTHLAN LO AWM TURAH HNAM THINLUNG PUTE I TANGRUAL ANG U: LALCHHANDAMA RALTE

Mizo National Front, General Headquarters, Vice President Pu Lalchhandama Ralte MLA chuan Chalfilh bial chhung khaw hrang hrang Phullen, Phuaibuang, Khawlian, Zawngin, Suangpuilawn, Lamherh leh Vanbawng te tlawhin hun a hmang mek a, heng khaw hrang hrang a tlawhna ah hian Pu Chhantea chuan, Mizoram in MP inthlanpui kan hmachhawn turah Mizo mipui hnam thinlung pu zawng zawngte tanrualpui ah a sawm a ni.

MNF Vice President Pu Lalchhandama Ralte chuan, Lok Sabha inthlanpui vawi-18 na kan hmachhawn tur hi hun danga MP inthan kan lo neih tawhte aiin a pawimawh bik hle a, kan ram leh hnam, kan sakhua humhim tura mi huaisen, vaiho hma ah pawh zamlo a dingtur Mizoram in a mamawh hunlai ber a ni, a ti a. Mizo mipui leh thalai zawng zawngte’n political party a tanzawng kan lo neihte dahtha in, tun tum MP inthlan kan neih turah hi chuan Zoram mipui candidate Pu K. Vanlalvena vote vek turin ka sawm che u a ni, a ti.

Pu Chhantea chuan, Mizoram in Lok Sabha MP inthlanpui a lo hmachhawn tawh ah sawrkar lai candidate ringawt hi thlantlin an ni ngailo a ti a, hei hian a hunlai ram boruak ang zelin mipuiten MP inthlan ah sawrkar lai candidate ringawt thlan an tumloh zia a tichiang a ni, a ti bawk.
ZPM party chu an MP candidate ruat chungchang ah an lungrual lo hle niin a sawi a, an party MP candidate hi thlak leh theih ni se, minute 1 pawh inngaihtuah lovin an thlak leh duh nghal ka ring a ni, a ti a. Tuna kan ram dinhmun ah Mizoram hian vai mizia hria aiin vai ngam MP, Mizopa huaisen tak kan mamawh zawk a ni, a ti.

Mizoram hi kan pi leh pute’n luchhum banchhum huam a an sahzau, hnamdang lak atanga an nunna hial hlan a an lo venhim ram a ni a, thangthar ten a humhalh leh venhim chu kan mawhphurhna a ni. Hunrei tak chhung YMA chuan ‘Ram leh hnam humhalh’ tih chu kumpuan atan a lo hmang tawh a, kan ram hmalam kalzel tur thlirin tuna MP candidate te hi uluk taka kan thlir chhian a ngai a ni, a ti bawk.
Sd/-
(LALṬHAKIMA)
Joint Secretary
Media & Publicity Deptt
Mizo National Front
Memo No. 66/2024
Dt.12.04.2024

MP ATAN MI THA, HUAISEN LEH SAWISEL KAILO THLAN I TUM ANG U -Robert Romawia Royte,MNF Adviser.

Mizo National Front
General Headquarters
Mizoram : Aizawl


Press Release

MP ATAN MI THA, HUAISEN LEH SAWISEL KAILO THLAN I TUM ANG U -Robert Romawia Royte,MNF Adviser.

MNF Candidate Pu K.Vanlalvena campaign puia Hachhek bial khaw hrang hrang fangkual mektu Pu Robert Romawia Royte chuan “Mizoram aiawhtu tur Lok Sabha MP kan thlang dawn a,Kohhran inzawmkhawm pawl te leh NGOs tepawhin an duh danin corruption laka fihlim,Christiante thlavang hauh ngam,ram leh hnam tana Parliament chhung leh pawna huaia taka ding ngam kan thlanchhuah a pawimawh tiin mi tha, huaisen leh sawisel kai lo, corruption laka fihlim fihlim i thlan hi kan ram, kan hnam leh Sakhua a him nan i thlan ngam a pawimawh a ti.

Hachhek bialtu MLA & MNF Adviser nibawk chuan “Tuna MP Candidate 6 zingah mi tha tak tak lan nei mek lai hian sawisel kai an awm ni a social media a kan hmu chu vanduai thlak atih thu sawiin, Jail tang tur thlang chhuak dawn ila chuan vote a hlawm tha viau mai thei,mahse jail tang tur nilovin rorelna sangber Parliament a kan aiawha thu tur kan thlang dawn tih i hre reng ang u. Kohhran in Political Education nasa taka min zirtir tawh avangin kan aiawh tur hi mipui ten i duhtui ang u a ti. MLA Pu Roberta chuan ZPM Legal cell ten nimina Press meet an neih khan an MP Candidate nasa takin an timualpho zuala, Hnahlan Grape Winery chungchang an sawilan danah phei kha chuan sorkar sum a ni tih an hrelo em ni aw? tih mai tur an ni alawm mawle a ti.

Hachhek MLA hian Zomuantlanga Congress VC pumpui leh Congress Unit-I leh Conggress Unit-II office bearers te leh Members tam tak MNF ah a lawmlut a ni.
Sd/-
(PC LALRINHLUA)
Secretary
Media & Publicity Deptt
Mizo National Front
Memo No. 67/2024
Dt.12.04.2024
India ram inrelbawlna insingsa mek kara Mizoten aiawhtu huaisen leh rintlak…

India ram inrelbawlna insingsa mek kara Mizoten aiawhtu huaisen leh rintlak…

MIZO NATIONAL FRONT
GENERAL HEADQUARTERS
AIZAWL, MIZORAM

PRESS RELEASE

India ram inrelbawlna insingsa mek kara Mizoten aiawhtu huaisen leh rintlak kan neih chhunzawm chu kan ram leh hnam tan thil pawimawh em em a ni. -Lalruatkima, Ex-Minister,Treasurer, MNF

Vawiin ni 9, April, 2024 hian Aizawl Municipal Corporation huamchhunga Mizo National Front Local Council Member te chu inhmukhawmin, Aizawl khawpui enkawlna kawnga Aizawl Municipal Corporation hnuaia Local Council ten hna an thawh dan hrang hrangte an thlir hova, MP(LS) inthlan lo awm tur te ngunthluk takin an thlirho bawk.
He hunah hian Pu Lalruatkima, Treasurer MNF leh Vice Chairman, MNF MP(RS) Election Campaign Directorate chuan thusawiin, Aizawl chhunga Local Council tinte mipui tana an inpekna leh veng tin hmasawnna atana an hnathawhte fakawm a tih thu sawiin, hun harsa leh khirhkhan kara mipui aiawh zo taka hruaitu hna an thawh chu mipuite tan malsawmna a ni a ti. Veng tinin hmasawnna tha leh mipui thlamuanna kan mamawhin kan duh theuh a, chutiang a thlenna tura MNF sawrkar lai hun leh tun ZPM sawrkar tak hnu hi thil inthlak duaai lo se a duhthu a sawi a, Mipui mamawh te hnianghnar chhunzawm zel se a duh thu a sawi bawk.
Pu Ruatkima chuan MP Inthlan kan hmachhawn turah kan ram, kan hnam leh kan sakhaw himna kan dah pawimawh a tul thu sawiin, Pu K. Vanlalvenan chakna a chan ngei theihna turin kil tinah theihtawp kan chhuah a tul thu sawiin, Aizawl Munipal huamchhunga Local Council member tinte chu theihtawp chhuah turin a sawm a, India ram inrelbawlna insingsa mek kara Mizoten aiawhtu huaisen leh rintlak kan neih chhunzawm chu kan ram leh hnam tan thil pawimawh em em a ni a ti bawk.
Kalkhawmte chuan heng a hnuaia Resolution tarlante hi lungrual takin an pass a ni.
1. AMC huamchhunga veng hrang hrangten MNF Ministry hnuaiah nitin mamawh chi hrang hrang – Gas, Tui, Buhfai etc. hnianghnar taka kan hmu thin kha lawmawm kan tiin
ZPM Sorkar hnuaiah Aizawl Khawpui in hun hmasa lama Tui hnianghnar leh Gas/Buhfai Supply kan dawn thin ang dawn leh kan in beisei tlat a, Fur leh Thal lo thleng turah hian ruahmanna fel tak lo nei lawk turin kan beisei a ni.
2. MP(Lok Sabha) Inthlan lo awm tura Zoram Mipui Candidate Pu K. Vanlalvena, mi huaisen leh hrat khawkheng, hnam pasaltha kan nei hi a lawmawm kan tiin, kan chhuang takzet a. MP(RS) a nih chhunga a hnathawh leh a chet dan en in MP nihna tihlutu a ni a, thlan tlin chakawm tak leh rintlak a ni, kan ti.
3. Mizoram mipui aiawha Parliament House a thu tur hian Pu K. Vanlalvena hi kan ring tawk a, Hnamdang kara zam hauh lova, a Mizo nihna leh Kristian nihna a lantir ngam te, Mizoram mai nilo, kan thenawm ramdang leh state danga awmte harsatna a taka hre chung a, an thlavang huaisen taka a hauh ngamte hi fakawm kan ti takzet a. A huna huaisen ngam MP neih chhunzawm zel hi kan duh takzet a ni.
4. Kan State thenawm(Assam) nena ramri nena buaina kan tawh chungchanga huaisen taka a auchhuak ngam kha ropui kan tiin kan chhuang takzet a, Assam Sawrkarin man tuma a police uisathiam nen an um rap rap na kara zam hauh lova a hmachhawn ngamte kha chhuanawm kan tiin, Mizoram tana Pasaltha nihna a nunpui ngamah kan ngai a, Nunpui chhunzawm zel turin hun tha Zoram tana thawk zel turin kan duhsak takmeuh a ni.
5. Sakhaw tlem zawk leh hnam tenau zawk kan nih avanga India ram chhunga nekchep kan nih mekna kara huai taka ding chhunzawm ngam tur MP kan neih chhunzawm ngei hi kan duh takzet a ni.
6. He inthlan lo awm turah hian Zoram puma hnehna kan channa tura Aizawl khawpuiah hian hnehna sang tak kan chanpui theih nan theihtawp chhuah kan inhuam a. Kan ram, kan hnam leh Sakhaw him nan Zoram Mipui zawng zawngte Pu K. Vanlalvena Vote vek turin kan sawm tak meuh a ni.
He hun hi Pu Tawnluia, Chairman, MNF MP(RS) Election Campaign Directorate chuan kaihruaiin, Pi Vanlalbuki, Secretary MNF & Vice Chairman, Mission Vengthlang LC chuan hunserh a hmang a ni.
Sd/-
(LALTHAKIMA)
Joint Secretary
Media & Publicity Deptt
Mizo National Front
Memo No. 60/2024
Dt.9.04.2024

THU DIK LO HMANGA MIPUI BUM TUMTU CHIEF MINISTER DEMAWM KAN TI

Mizo National Front
General Headquarters
Mizoram : Aizawl

Press Release

THU DIK LO HMANGA MIPUI BUM TUMTU CHIEF MINISTER DEMAWM KAN TI
ZPM-in Lok Sabha MP inthlanna neih tura Campaign Kick Off an neih tuma Chief Minister Pu Lalduhoma’n ‘MNF MP te chu NDA Parliamentary Whip in a thunun avanga mahni duhnaa vote thlak thei lo’ anga a sawi kha amah ngei pawhin thudik lo a ni tih a hriat chian sa, langsar taka dawt hmanga mipui bum tumna a ni a. Chief Minister meuh tih atan chuan hniam kan tiin thil zahthlak takah kan ngai.

Ni 1.4.2024-a ZPM Party in Vanapa Hall-a Campaign Kick Off an neih tum khan Chief Minister Lalduhoma chuan MNF MP te chu NDA Parliamentary Whip thununna hnuaia awm anga sawiin, NDA Whip kalha vote an thlak chuan MP aṭanga ban tir (disqualify) theih ang leh chumi avanga duhnaa vote thlak thei lo thin angin sawi a. Hei hi politics khelh dan ṭha lo ber chi, hre reng chunga mipui bum tumna a ni a. MNF MP te hi MNF party ticket-a thlan tlin an nih avangin eng Whip mahin a thunun lo a, NDA kalha vote an thlak avanga disqualify theih pawh an ni lo a, Mizoram, Mizo Hnam leh Sakhua himna khawih thilah te chuan huaisen takin central sorkar pawh an dodal thin tih a taka hmutu leh hretu chu mipuite an ni.

Chief Minister Pu Lalduhoma hi Whip tih tawngkam behchhan ber India danpui, Constitution schedule 10-na hmanga MP leh MLA aṭanga disqualify lo tawk tawh, he Dan hrechiang bertu tur a ni a, he Dan hi thlan tlin an nih hnua party dang zawmtu, anmahni candidate-a vawrh chhuaktu party duh dan kalha vote thlaktu, MP leh MLA te disqualify theihna a ni a, UPA emaw, INDIA emaw, NDA emaw anga party hrang hrangte awm hona ang chiah Whip a awm lo a, Party mal tin inkhuahkhirhna a ni zawk tih pawh a hrechiang ber tur chu Chief Minister Pu Lalduhoma hi a ni. Hetihlaia MNF MP te NDA Whip thununna hnuaia awm ang leh an duhdan kalha vote thlak thei lo anga a sawi hi hriat sual palh vang ni lovin, hre reng chung si-a langsar taka dawt hmanga mipui bum tumna, politics khelh dan tha lo ber chi, mipuite pawhin an hnawl tawh hnu a ni a, Chief Minister meuh thusawi atan chuan hniam kan tiin zahthlak kan ti hle a ni.

MNF MP te hi MNF Ticket hmanga inthlanna chuh an nih thin avangin MNF Whip tih loh pawl dang reng reng whip in a thunun lo a. Tunhnai maia thil thleng, Biren Singh-a kaihhruai, Manipur BJP Sawrkar hnuaia Kristian te Biak In tam tak hal a nih vanga Parliament-a eptuten Central sorkar paihthlakna tur motion an putluh pawh khan Mizoram MP pahnih Pu K. Vanlalvena leh Pu C. Lalrosanga te chuan lansar taka thlawpin, kan ram, kan hnam leh kan sakhaw humhimna turin nasa takin an ṭang tih Mizoram mai ni lo, India mipuiten an hria a. Ramri buainaah te, Myanmar leh Bangladesh atanga kan unau Mizorama rawn tlan lutte lo tuam hlawm kawngah te leh UCC dodalna kawngah te MNF MP te hi huai takin Zoram leh Mizo mipuite tan an ding zel a, hun lo la kal zel turah pawh, ‘Kan Ram, Kan Hnam leh Kan Sakhua’ himna khawih thilah reng reng MNF leh MNF MP te hi pen khat pawhin kan hnung tawlh ngai dawn lo tih Zoram mipuite min hriatpui reng turin kan ngen a ni.

Sd/-

(LALLENMAWIA JONGTE)
Secretary
Media & Publicity Deptt
Mizo National Front
Memo No. 55/2024
Dt.05.04.2024

K.VANLALVENA TLUKA ZORAM MIPUIIN AN THLAMUANPUI HI AN AWM LO – Pu Tawnluia, MNF Adviser

Mizo National Front
General Headquarters
Mizoram : Aizawl

Press Release

 

K.VANLALVENA TLUKA ZORAM MIPUIIN AN THLAMUANPUI HI AN AWM LO – Pu Tawnluia, MNF Adviser

Vawiin ni 5.4.2024 Zirtawpni hian Mizo Hnam Run-ah chhung inkhawm neih a ni a, Pu Tawnluia, MNF MP(LS) Election Campaign Directorate Chairman & Adviser MNF chuan thusawiin, Mizo Nationism kan thalai ten kan atchilh tawh hle a, thalaite kan thangharh telh telh tawh a, Nationalism hnam thinlung kan pu nasa tawh hle a ni, a ti.

Pu Tawnluia chuan, Kan hma lawkah hian Lok Sabha MP thlanna kan hmachhawn dawn a, Party tin pawn Candidate neiin kan insul pel suau suau tawh a, MP inthlanna turah hian mitha tak, midik leh huaisen kan thlanchhuah a pawimawh hle a ni a ti a. Lok Sabha MP hi ram mipui zawng zawng ten kan thlan tur anih avangin apawimawh dawn hle a, chuvangin Pu K.Vanlalvena hi MP Candidate turin kan thlang chhuak ta a ni a ti. Pu Vena hi MP kan neih tawh zingah chuan Experiance nei tha tak mai, Hnamdang karah pawh zam ngai lo leh atul hun a ram tan a ke pen chhuak ngam , kan nei hi a ropui ka ti hle. Chuvangin, Zoram mipui te MNF Official Candidate, Pu K Vanlalvena vote theuh turin ka sawm che u a ni, a ti.

Pu Tawna chuan, K.Vanlalvena tluka Zoram mipuiin an thlamuanpui hi an awm loh thu sawiin, Kan MP candidate Pu K.Vanlalvena chu fak hranpa ngailo leh Zoram mipuiin an hmelhriat sa a ni tlat. Hma alo lak tawhna te hre reng chungin, ngaihtuahna mipui ten kan sen a hun tawh hle a, Assam ramri buaite, CAB leh UCC a do hlawhtling na te Manipur raltlan leh Myanmar raltlante tan Parliament-ah huaisen takin a au tawhna te kha a ropui in hle a, hetiang mi zoram mipui tana candidate kan nei hi a ropui hle a ni a ti. Pu Tawna chuan, Party thenkhat chuan nihna te chanvo hlu tak tak an inchuh thin a, keini party erawh chuan kan ti ve ngai lo a. Nationalism takin kan kal a ni Candidate tha tak Pathianin min pe a ni, a ti.

Beirapatha Khaila, MZU Virthli, 2024 Best Dabator & Mizoram Youth Parliament, Best Parliamentarian, 2022 pawhin Hnam Runah hian thusawiin, Politic-ah hian kan ram leh hnam siam tha turin mitha hi lut zêl sela, kan ram politcs dinhmun chhe mek hi rawn siamtha zêl se la. Sawisel leh diriamna kârah pawh chhel takin kal zel se a duh thu a sawi bawk a ni.
Hnam Run chhung inkhawm hi Pu Lalruatkima, Treasurer chuan kaihruaiin, Upa C. Zairemmawia’n hunserh a hmang a ni.

Sd/-

(LALTHAKIMA)
Joint Secretary
Media & Publicity Deptt
Mizo National Front
Memo No. 54/2024
Dt.5.04.2024

MP(LOK SABHA) ATANA THLAN TLIN KA NIH CHUAN KAN HNAM LEH SAKHAW TAN KA THAWK ANG A

Mizo National Front
General Headquarters
Mizoram : Aizawl

 

Press Release

 

MP(LOK SABHA) ATANA THLAN TLIN KA NIH CHUAN KAN HNAM LEH SAKHAW TAN KA THAWK ANG A, STATE SAWRKAR NEN HRUIKHAT VUANIN RAM TAN KAN THAWK ANG -K.Vanlalvena MP (LS) Candidate

Vawiin, ni 4.4.2024 chawhma dar 10:30 khan Pachhunga University College Students Union hruaitute nen inkawmin, Pu K.Vanlalvena, MP(LS) Candidate chuan Pachhunga University College-a Students Union hruaitu a lo nih tawh dan te leh MP (RS) a nih chhunga ram leh hnam tana a thawhte sawiin kum 2024 MP(LS) atana thlan tlin anih chuan State Sawrkar nen ram hnuk khawihah chuan hruikhat vuana an thawhdun theih tur thu a sawi.
Pu K.Vanlalvena chuan, “MZP hruaitu kan nih laia Mizorama hnamdang sumdawngte zalen taka an inbun tur theihtawpa kan lo dodal thin khan vawiinah hian sumdawnnaa kan hnam chimrala kan awmlohna turin rah a lo chhuah reng a. Hnam thil avanga tan in bang ka lo zut thin te kha a hlawkna ka hmu a ni,” a ti a.
Zirlai hruaitute zawhna chhangin, “India sawrkar hian kan unau Myanmar atanga rawn ral tlan te hi refugee-ah ala pawm lo a. Unau kan nih tlat avangin MNF Sawrkar kalta khan India Sawrkar thu leh hla dodal in kan unau rawn tlante chu hmangaih takin a lo enkawl a. An tana thlamuanna nih ve zel hi ka tum a. India Sawrkarin a remtilo chung Parliament-ah pawh ka auchhuahpui nghe nghe anih kha,” a ti bawk.
NDA-a BJP nena thawhho chungchangah Pu K.Vena chuan, “NDA thawhpui chung khan kan hnam leh sakhaw chungchangah chuan BJP thil tum dodaltu awmchhun ka ni a. MP(LS) atan hia mipui khawngaihna avanga thlantlin ka nih chuan he ram leh hnam tan hian ka dinna ala pangngai reng a, kan sakhua leh hnam pawi sawina tur chi chu ka do zel ang,” a ti bawk.
Pachhunga University College abtlawh hnu hian Mizoram University tlawh lehin zirlaite leh zirlai hruaitute nen hun tha hnuaiah an inkawm bawk a ni.
Pu K.Vanlalvena hi Pu J.Malsawmzuala Vanchhawng, Adviser, Pu Lalnunmawia Pautu, Secretary, Pu Lalawmpuia Khiangte, Jt Secretary bakah MNYF Headquarters hruaituten an tawiawm a ni.
Sd/-
(PETER CHHANGTE)
Joint Secretary
Media & Publicity Deptt
Mizo National Front
Memo No. 51/2024
Dt.04.04.2024

ZPM SORKAR CHHUNG REILOTEAH MIZORAM GST A TLAHNIAM NASA;LOK SABHA MP ATAN PU K.VENA A THA BER: RRR

Mizo National Front
General Headquarters
Mizoram : Aizawl

Press Release

ZPM SORKAR CHHUNG REILOTEAH MIZORAM GST A TLAHNIAM NASA;LOK SABHA MP ATAN PU K.VENA A THA BER: RRR

Hachhek 4th April 2024: Hachhek bialtu MLA & MNF Adviser Pu Robert Romawia Royte chuan a bial chhung khaw hrang hrang fangkualin Lok Sabha MP inthlan tur atan a campaign mek a.Vawiina Darlak,Tuidam leh Kawrthah a tlawhnaa a thusawina hmun hrang hrangah a bial mipuite chu Lok Sabha MP thlang turin ngaihna fim tak hmang tur leh party politics dahbovin Kohhran,Ram leh Hnam leh hnuaihnung leh tlem zawkte humhalh ngam Pu K.Vanlalvena vote theuh turin a sawm.
Hachhek bialtu MLA Pu Robert Romawia Royte chuan Pu K.Vena chu Mizo mai nilo North East Tribal dangte pawhin an ngainat leh an thlamuanpui em em a ni a ti a,Pathian tih em emtu,mi rinawm leh huaisen;sum leh a nundanah sel tur awm lo hi Mizoram aiawhtu atan a tha ber tih hriat chian sa hi vote theuh ang u a ti.
Hachhek bialtu MLA chuan ZPM Sorkar chu sum enkawlah an fail tih sawiin ni 100 chhungin Mizoram sum lakluhna lianber Goods and Services Tax(GST) atanga sorkar sum lakluh chu nasa takin a tlahniam a.Kum 2023 February a Mizoram in GST atanga sum a lakluh chu 14%(-14%) in a tlahniam a.March 2024 ah phei chuan March 2023 aiin 29%(-29%) in a tlahniam ta duai a ni,March 2024 a States & UTs GST Report tharberah chuan Mizoram chiah hi India ram states leh UTs te zinga GST tlakhniamna awmchhun a ni a ti.
Hachhek bialtu MLA chuan a biala Hmunphiah hralhna hrelote tawrhna chu hmuh hrehawm a tih thusawiin Assembly Session-ah meuh pawh sorkar hotuten idawt an sawi thin chu pawi a tih thu a sawi bawk.
Sd/-
(LALṬHAKIMA)
Joint Secretary
Media & Publicity Deptt
Mizo National Front
Memo No. 52/2024
PRESS STATEMENT OF Er. K.LALSAWMVELA, ADVISER, MNF GEN.HQRS

PRESS STATEMENT OF Er. K.LALSAWMVELA, ADVISER, MNF GEN.HQRS

PRESS STATEMENT OF Er. K.LALSAWMVELA, ADVISER, MNF GEN.HQRS
Thian duhtakte u,
03.04.2024
Vawiin hian in hmaah Pu Zoramthanga kaihhruai MNF Ministry-in Covid-19 avanga hna thawk thei lova kum 2 lai awm a, chumi nghawng avanga sum nasa taka harsa chunga kum 5 chhunga Road Infrastructure Development lama a hmalakna pawimawh thenkhat in hmaah sawi ka tum a ni.
1. Aizawl Bypass Chungchang: Aizawl helna (bypass road) Aizawl chhuah lama kan neihsa(world bank road kan tih mai) bakah a dang pahnih ruahman a ni tih kan hre tawh a, Chungte chu:
(1) ‘Aizawl bypass road on the western side’ kan tih, Airport kawng, Sihhmui atanga penga, Tlawng kamah, Samtlang leh Lungleng inkara phei a, Muallungthu rama Lunglei kawng pawh tur, Km 45 a thui sial nan, State Sawrkar rawtna chu pawmin PMDevIne hnuaiah Rs.500 Crore lai a hranpa ngatin Union budget-a dah a ni a. DPR February 2023-a thehluh chu mimal ram a sut tur compensation leh forest clearance tifel hmasa tura central-in a rawn tih avangin project a khawtlai lo thei lova. An duhdana tifel a, November 2023-a thehluh anih hnuah technical thil, new technology hmang tura December 15, 2023-a an rawn rawt thar leh avangin January 15, 2024-ah an duhdan ang thlapin revised DPR thehluh hnuah sanction hmuin March 9, 2024 khan PWD chuan double lane road turin tender a chhuah tawh a. April 30,2024-ah tender hawn a ni ang. He project pawimawh tak MNF Sawrkar ruahman, harsatna tam tak paltlanga hlawhtlinna lo awm ta hi lawmawm kan ti hle a. Sawrkar thar hian tha taka a hlen chhuah ngei kan duhin kan beisei a ni.
(2) ‘Aizawl Hmar lama Aizawl bypass’ Silchar-Aizawl four-lane road tawp, Sairang chhak atanga intan hi Contract package 3-ah siam a ni a. He kawng kaldan tur NHIDCL Consultant-in rawtna 3 a siam chu Chief Minister hova sawi hovin, CM duhdan tak chu NHIDCL lam pawhin pawmin, final a ni ta a. Khawmual chin, Package 1 leh 3 chu March 2023 khan Contractor hnenah hna pekfel a ni tawh a. Compensation leh forest clearance fel loh vanga hna tan hrih loh mai a ni a. a kawng kaldan tur chu kan hre tawhin ka ring a. Package 2 bik, Leiverh thu hi sawifiah tul a awm a.
Kan CM zahawmtak Pu Duha chuan 08.01.2024-a ZPM office-a a Delhi zin report a pek khan Leiverh bik hi harsatna deuh awm a, cancel hial an tum mek, Nitin Gadkari, MoRT&H Minister a sawipui hnua pawm leh ni ta angin a sawi a. Hei hi thangthat lak duh vanga mipui rilru dik lova hruaikawi tumna emaw, hriat chian loh vang emaw niin a lang. Thil awm dan dik tak, NHIDCL hotute hnen atanga kan hriat dan chu hetiang hi a ni: ‘Aizawl bypass tunnel hi, engtiklai mahin, khawi level-ah mah cancel emaw, enthat turin emaw rawtna a awm ngai lova. Package 1 leh 3 contract pek vek hnuah a lai a mi package 2
cancell hi thil tih chi hauh loh a ni a. Chu bakah tunnel pawh hi October, 2023- ah tender chhuah tawh a ni a. Mizoram Assembly Election Model Code of Conduct-in min phuar avangin kan chawlhsan hrih a. MCC phelh hnu December 6, 2023-ah high level meeting-in DPR pawm turin a rel a, formal approval la tura hma lak nghal a ni’ tih a ni. Pu Duha’n January 4, 2024 vela Highway Minister a zu hmuh hian sanction tura file hian Minister a thleng vela, a hnu lawkah tweeter hmangin approve anih thu Minister hian a tarlang ta mai niin a lang. Tu emaw zu sawi vanga sanction ni lovin, a hma daih atanga ruahmanna fel tak awm sa, Minister-in Jany 4 vela a pawm, January 15, 2024-ah official sanction lo chhuak ta mai niin alang e. He Leiverh hna hi tender chhang tu 17 atangin IRCON International Ltd chu pek a ni ta a. Kum 3 chhung thawkin, kum 10 chhung maintain zui tura tih a ni.
Tin, EPC mode contract hi ZPM Sawrkar-in kalpui an tum anih dan leh he Leiverh project EPC mode-a tih pawh hi Mizopram a vawikhatna nia hriat thu CM-in a sawi pawh kha hriat sual palh a ni. NH project-ah chuan 2018 atang khan State PWD hian a hmang tan daih tawh a. State PWD hna, Bamboo Link
Road pahnih pawh EPC mode a tender chhuah a ni tawh bawk. 2. Lunglei Bypass Road: Hemi atan hian Congress khan an thutiam kum 10 chhunga an ngaihsak loh kha 2018 inthlan hma lawk khan Km.19.20 lai kawng thui atangin Km.4.77 atan chauh Rs.900 lakhs an sanction thut a. MNF Sawrkar piang hlim khan ruahmanna felsa awm silo tih puitlin theih loh a ngaiin, a aia
grade tha zawk, DPR puitling, intermediate lane turin Rs.262.45 Cr a siam a.
Beisei anga sanction hmuh a nih mai loh avangin Pu Zoramthanga, CM chuan
MoRT&H leh NHIDCL hnenah an enkawl tura hma la turin a ngen ta a. CM ngenna ngai pawimawhin NHIDCL chuan hma la in, tunah hian double lane tura DPR siam turin Consultant chuan hna a tan tawh a. Tun atanga thla 6 chhunga DPR peih tura tih a ni. State sumsen ngai lova double lane bypass road tha tak Lunglei khawpuiin an nei tur hi kan lawmpui hle a. Hei pawh hi MNF Ministry liam ta ruahmanna lo puitling chho mek a ni.
3. NH-6: Seling-Champhai Road: He kawng double lane tura sialtha tura NHIDCL-in kawng kal dan tur an ruahman mek dan a hriat chuan Pu Zoramthanga, CM chuan tha ti lovin, Khawzawl hela, Neihdawn lama kalin, grade tha tak, hnai zawk daihin Champhai a thleng thei tih hriain, NHIDCL hotute leh an Consultant kovin sawipui an ni a. Delhi lam thuneitute hnenah lehkha a ziak bawk a. PWD officer ten a hmunah enpui bawkin alignment tha tak ruahman a ni ta a. Kawlkulh hel avangin Km 12 chuanga hnai leh, Khawzawl hel avangin Km 16 chuanga lo hnai tain, tunah chuan Seling-Champhai hi km.29 laiin a hnaih phah ta a. Tunhma Aizawl-Champhai nileng deuhthaw kal kha, tunah chuan darkar 4-5 lekah a thlen theih ta. Hei hi kalkawng vei mi, ngaihtuahna tam tak hmang thin hotu kan neih vang a ni.
4. Myanmar ramri hrula kawngpui sial tur: Central Sawrkar-in NHIDCL kaltlangin Myanmar ramri hrul ah Defence Road double lane a sial dawn tih a hriatin, CM chuan NHIDCL hotute a kova, a duhdan a sawipui a. PWD hotute nen uluk taka kawng kalna tur (alignment) an sawiho hnuah, chu sawiho ang chuan NHIDCL Consultant chuan Survey hna an thawk ta a. Manipur ramri Tuivai Lei atanga intanin Mimbung-Hnahlan-Champhai chhuahlamah kalin, Khuangleng-Thingsai-Pangkhua-Chapui-Longmasu-Parva-II thlengin Km.750 a thui DPR peihfel a ni tawh a.He kawngpui pawimawh tak tur hi MNF Ministry lai a ruahmanpui a ni tih kan lo hriat lawk atan ka’n tarlang tel duh a ni.
5. Silchar-Sairang 4-lane package 7 & 8 via Mualkhang: 4-lane road ruahman, Lailapur atanga kawngthar vek tura ruahman si a, Khamrang -Sairang kawng pangngai zawh tura ruahmanna siam chu, Pu Zoramthanga chuan kawng hrang hrang a a that lohna tarlangin, Mualkhang lama kal a a hnaih zawk bakah a that zawkna tur tarlangin MoRT&H Minister hnenah rawtna a thlen a. Ngun taka an zir chian a, a hmuna kala an khaikhin hnuah, Km 3 laia hnai zawk, Km.3 lai compensation ngailo ram awl awm, gas bottling plant tih chhiat leh railway kawng kan leh leimin duhna hmun pumpelh chu tha tiin Mualkhang lam chu an pawm ta a. Tunah hian tender pawh tifelin, election model code of conduct hlih veleh contractor hnenah work order pek a ni ang. He 4-lane hi zawh anih hun chuan Aizawl-Silchar kawng hi Km.32 laiin a hnai dawn a ni.
6. Hunthar Veng Lei Tlahniam: He lai harsatna, in engemawzat thiatna hmun, kum tam fe kan buaina chu, MNF Ministry pian hnu lawk khan CM-in Delhi thuneitu hnenah umzuiin project an rawn sanction ta mai a. Covid-19 vangin khawtlai mah se, 2023 khan highway chhak lam chu tha takin Delhi mithiam ten an thawk zova. Kawngthlang lam erawh chu an sanction tel loh avangin SEDP sumin retaining wall leh kawr tha tak siama tihngheh a lo ni ta a. Kan khawpui kawtchhuah a kan harsatna lian tak thin chu chinfelin a lo awm ta a ni.
7. Aizawl Sustainable Urban Transport Project: MNF Ministry khan khawpui inkalpawhna siamtha a, lirthei tawt lutuk tih thawl nan Asian Development Bank pawisa hmanga hmalak nan 2020 khan ruahmanna a siam tan a. Finance Ministry leh ADB te nena inremna siamin, Mott McDonald Pvt.Ltd, Noida chuan Feasibility study an zova, DPR an siam leh mek a. Consultant mithiamte rawtna angin (a) Kulikawn-Bawngkawn kawng tih changtlun bakah (b) Bethlehem veng mawng, world bank road hrul atanga MINECO pawh tur Leiverh(tunnel) leh (c) Hmun thum laiah Ropeway siam turin ruahman a ni a. He project hi senso tam deuh mahse kan khawpui tan a pawimawh em avang leh tourist hip nan pawh a tangkai dawn em avangin kan Sawrkar thar hian chhunzawmin ti puitling hram turin kan ngen a, kan beisei bawk a. Hetiang project lian leh ropui tak hi MNF Ministry khan min lo ruahman sakin, hma a lo la a ni tih hi mipui hriat ah kan puang duh bawk a ni.
8. PMGSY-III project: PMGSY hnuaia Thingtlang khaw kawng awmsa, kawng 17, Km.487.50 a thui, upgradation & maintenance turin Rs.46,399.68 lakhs chu tunah hian tender chhuah mek a ni a; kar leh tawpa hawn tum a ni. Hei pawh hi MNF Sawrkar-chhunga a lo ruahman lawk bawk a ni’ tih ka’n sawi tel duh a ni.
Issued by MNF Publicity Board