Information of pending cases in respect of Shri V.Zirsanga
“Mizoram mipuiin inthlanna felfai kan kalpui thei a ni tih lantira a awm kha a ropui ka ti” – Lalruatkima, Adviser, MNF Gen. Hqrs.
Mizo National Front
General Headquarters
Mizoram : Aizawl
PRESS RELEASE
“Mizoram mipuiin inthlanna felfai kan kalpui thei a ni tih lantira a awm kha a ropui ka ti” – Lalruatkima, Adviser, MNF Gen. Hqrs.
Vawiin November ni 17, 2023 Zirtawpni hian Mizo Hnam Runah chhung inkhawm neih a ni a. Hun hnihna Political session-ah MNF Adviser leh RD Minister ni bawk Pu Lalruatkima chuan thu a sawi. Pu Lalruatkima chuan Inthlan buaipuitu zawng zawng- election officials te, MPF, kohhran, tlawmngai pawl leh venhimna hna thawktu police zawng zawng te inpekna a lawmawm tih sawiin an chungah lawmthu a sawi a. “Mizoram mipuiin inthlanna felfai kan kalpui thei a ni tih lantira a awm kha a ropui ka ti bawk” a ti.
MNF Adviser chuan ‘Pathian leh Kan Ram Tan’ tia beitu MNF sorkar chu harsatna tinreng paltlang chungin, mipui nitin mamawh erawh hnianghnar takin a pe thei a. ‘Min dintu Pathian hian kawng lak lawhah min kalsan lo ang tih ka ring tlat a. Hlauthawng miah lovin MNF hian sorkarna kan lak leh hi ka ring tlat a ni. Hnehna kan chang a nih chuan mipuite hnenah lawm thu sawi hi kan tih tur hmasa ber a ni ang’ a ti.
Pu Ruatkima chuan ‘Sorkarna siam zo an awm lo ang. Thawkho sorkar a din a rinawm’ tih hi inthlan kan hriat tawh thlir letin a dik ngai lova. Party te zawkin a lian zawk behchhana mipui hruaikawi tuma an campaign auhla mai a ni. Inthlan zawh hnua thawhhona (post poll alliance) hi din chawp ngaiin a la thleng ngai lo. Mizoramah Sorkar inthlak a awm apiangin party leader te an dinnaah an tla thin. Kan leader Pu Zoramthanga hi a tlin loh hlauhna nei tumah an awm lo. Chuvangin he ram leh hnam tan hmachhawp hrang hrang kan neihte a hlawhthin theih nan Pathianin hun tha min pe anga, Zoram mipuiin hun min pe leh anga, sorkarna kan chang leh ngei ang. A chhan chu inthlan zawh takah khan MNF Party te hi a thawkrim leh taima, ṭangrual tha ber kan ni. Party ngelnghet kan nihna leh thawhrimna te chhunzawm zel ila Pathianin mal min sawm zel ang tih ka ring tlat a ni a ti.
MNF Adviser chuan ‘MNF hi Mizo nationalism bulpui, a kungpui neitu kan ni. Engtiklai mahin a nghing ngai lo. MNF in hnam thuthlung, Mizo Nationalism chawikangin hmala lo sela chuan hnamdang thlah fa kan hmeichhiaten an awi hle ang tih a rinawm. Chumi hlau chuan MNF in Mizo nationalism kha a chawisang a ni. Kan ram inrelbawl dan leh suk thlak han en hian, Israel fate ang maiin kan hnam lungphum Mizo Nationalism, Pu Laldenga leh hnam sipaiten an lo tuh kha thangtharte hnenah a thara pholang turin kan inbuatsaih chhoh zel a pawimawh a ni a ti.
Pu Ruatkima chuan Party thenkhat chu lal tum hrim hrim tumin an hmanhlel a. Anmahni ni lo zawng chu dik lo, fel lo, Pathian pawl pawh ni lo angin an chhuah a. Sorkarna chelh tawhten engmah ram tan tih nei lo angin an chhuah bawk a. Kohhran, Tlawmngai Pawl, Zirna in lian leh khawtlangah inlungrualna an tichhe nasa em em a. MNF chuan kohhran leh pawlah inlungrual lohna thlen turin hma a la ve ngai lo. ZPM party chuan Soviet Union Communist sorkar ang kha entawnin, Politburo ang chiah Thlan ve loh thuneitu sang VUC an din bawk a. Central India rama Communism awn party hoin “Non Congress Non BJP” din tuma hma an la ang chiahin Mizoramah pawh “non congress non MNF” tih chu an auhla a ni leh zel a. ZPM kalphung leh hlimthla thlir hian Communism chawisangtute ziarang vek an lachhawng a ni a ti.
Aizawl West II MNF Candidate chuan inthlan kan zova, a tute pawhin beiseina sang tak nen inthlan result kan nghak mek tih sawiin, khawthlang lam leh chhim lam bial, minority te tamna bial 10 ah hian bial 5 aia tlem lo MNF in lak a beisei thu sawiin, “kan lak bang hi Congress leh BJP in an lak a rinawm a. Kan lak ngai lohna bialah kutzungtang kan thliak thei tawh dawn a, kan chak a rinawm. ZPM hian bial 30 la awm atangin majority an lak phak hi a rinawm lo a ni” a ti.
Vawiin Hnam Run chhung inkhawm hi Pu C.Zahmuaka, Adviser chuan a kaihruai a, Pu Rochungnunga, Gen. Secy., MNF Gen. Hqrs. Chuan hunserh a hmang.
sd/-LALLIANZUALA FANAI
Joint Secretary
Media & Publicity Deptt
Mizo National Front
Memo No.MNF/Media/04/2023/919
Dt.17.11.2023
ENG PAWH HMACHHAWN ILA PUITLING TAKIN I AWM ANG U: Pu Tawnluia, MNF Sr. Vice President
Mizo National front
General Headquarters
Mizoram : Aizawl
PRESS RELEASE
ENG PAWH HMACHHAWN ILA PUITLING TAKIN I AWM ANG U: Pu Tawnluia, MNF Sr. Vice President
Tun ministry-ah hian anti-incumbency lian tak a awm lova a lawmawm hle_
Vawiin ni 13.11.2023 Thawhtanni chawhma khan Mizo Hnam Run inkhawm neih a ni a. Pu Tawnluia, Dy CM & MNF Sr. Vice President chuan thusawiin inthlan result puan hmabakah eng pawh lo thleng se, puilting taka hmachhawn turin party mipuite a chah.
Dy. Chief Minister chuan tluang taka MLA Election 2023 neihna tura State election hotute leh govt official te, political party te, TV leh Print Media leh MPF-te thawhhonaah lawmthu a sawi a. Mizoram mipui 80% ten vote an thlak chu lawmawm a tih thu a sawi bawk.
ECI-in vote chhiar hun tura Pathianni a ruat chungchangah: “Party leh Sorkar ang chuan kan duh lo hle a, hma kan la zel a ni,” a ti.
“Tunah hian tupawh lo sorkar se an thiltih leh an hnathawhah teh thin ni se. Sorkar kal tawhten engmah ti lo ang maia an sawi thin hi a tha lo. Political party-ten manifesto kan duante hi inteh nan hmang ila a duhawm hle ang.”
“Kan hmabak vote chhiar hunah – Chak thei kan ni a; Chak lo thei kan ni bawk. Khawvela kan awm chhungin dam lohna leh harsatnate a awm thin. Hlimna leh lawm chang a awm bawk angin, eng pawh hmachhawn thiam turin i inbuatsaih ang u. Chu chu mi puitlingte tihdan a ni,” a ti a. “Hnehna kan chang a nih pawhin chapona leh midangte deuna a awm thei. Kan party chu puitling takin i awm ang u,” a ti.
MNF Sr. Vice President chuan MNF sorkar chu mipuiin an dem lova a hriat thu a sawi a. “Hripui te, raltlan leh harsatna hrang hrang kara sorkar hmalakna chu a tha thawkhat a. Lalpa hming lam theia kan awm hi a lawmawm tak zet a. Result chhiar hunah pawh lawm thiam turin i inbuatsaih ang u,” a ti.
Tuichang bial chungchang sawiin, a elpui lamah sum leh pai nasa chelek ni mah se, tling tura a inbeisei thu a sawi a. State sorkar siam tur pawhin MNF Party chuan majority a neih ngei a rin thu a sawi bawk.
MNF sorkar hmalakna sawiin, “Kum 20 chuang kan buaipui tawh Bru raltlante chu Tripura-ah dah ngheh an ni a. Ramri chungchangah pawh kan Chief Minister hi a huai a ni. Tunah chuan silai ni lovin dawhkana chingfel turin kan inrem thei ta,” tiin Assam border chungchang a sawi a. Assam Rifles sawn phei chu a khirh lutuk a, Pu Laldenga interim sorkar hunlai atanga hmalak a ni tawh thu a sawi.
Pu Tawnluia chuan MNF leadership chungchang a sawi a. “Pu Laldenga awm loh hnuah Pu Zoramthanga’n min hruai a. Party chhungah vawi khat chu amah challenge-tu vangin vote kan thlak a (vote sang chuangin a hneh). Kha bak kha vote thlakin hruaitu kan thlang leh tawh ngai lo. Kan president hi Pathian tih mi leh tawngtai mi a ni a. Mahni inthunun thei, mi taima leh huaisen a ni a. Tin, hmachhawp nei mi – ‘a man of vision’ a ni. Hmalam hun kum 10/20 thlirin min kaihruai thin.
“Tuna ministry a kaihhruainaah pawh mipuiah anti-incumbency (sorkar lai thlak duhna) lian tak a awm lo hi a lawmawm hle a. Mizo nationalism keng nungtute hi mipuiten kan kutah sorkarna an dah leh ngei dawn a ni, a ti bawk.
Hnam Run inkhawmah hian MNF MLA Candidate – Dr. ZR Thiamsanga (Champhai N), Pu K. Vanlalvena (Azl S-I), Pu R. Lalzirliana (Azl N-I), Er. K. Lalsawmvela (Azl W-III), Pu Lalmalsawma Zasai (Siaha AC) leh Pu J. Malsawmzuala Vanchhawng (Serchhip AC)-te pawhin chak ngei tura an inrin thu an sawi theuh bawk a ni.
Inkhawm hi Dr. ZR Thiamsanga, MLA & Adviser (MNF GHQ)-in a kaihruai a. Dr. H. Lallenmawia, Adviser (MNF GHQ)-in hunserh a hmang bawk a ni.
Sd/-
(MALSAWMPUIA RALTE)
Jt. Secretary
Media & Publicity Department
Mizo National Front
Memo No. MNF/Media/04/2023/917
Dt. 13.11.2023
PATHIANIN MNF A HRUAI ZEL- Pu Zoramthanga
Mizo National Front
General Headquarters
Mizoram : Aizawl
Press Release
PATHIANIN MNF A HRUAI ZEL- Pu Zoramthanga
Vawiin November ni 10, 2023 (Zirtawpni) hian Mizo Hnam Run chhung inkhawm neih a ni a. He hunah hian MNF President Pu Zoramthanga Chief Minister chuan thusawiin MLA Inthlan 2023 chu tluang tak leh harsatna lian tham awm lova kan nei thei chu lawmawm a tih thu a sawi a. MNF Official Candidate zawng zawngte an tlin theih nan thei tawp chhuahtute chungah lawm thu a sawi a ni.
Pu Zoramthanga Chuan “MNF chu Pathian remruat ang zelin kan kal a, kawng engkimah Pathianin MNF chu tha a tih ang zelin hun min ruatsak zel a, a remruatna tuma dal theih a ni lo a, Pathian in tha a tih ang zelin kan chungah rem min ruatsak a ni” a ti. MNF kan sorkar chhungin Covid19, Lirnghing, Ramri buai, Ram buai etc. in min chimbuai lai pawh khan kan tan Pathian in rem min ruatsak angin MNF Party chu mipuite tan ding kan nihna angin mipuite tan a harsatna awm lo thei tur ang berin kan kal a, Pathian in tun hun hi min hruai thleng ta a ni, a ti.
MNF President chuan, “Pathian leh mipui zarah pawh kan sorkar leh ngei ang a, Chak zawkin ram hi kan kai huai leh ngei ang” a ti.
He hun hi Pu Lalliankima NCC member MNF Gen Hqr chuan kaihruaiin, Pi Lianzuali Adviser chuan hunserh a hmang bawk a ni.
Sd/-
(LALTHAKIMA)
Jt. Secretary
Media & Publicity Department
Mizo National Front
Memo No. MNF/Media/04/2023/916
Dt. 10.11.2023
Mizo National Front
General Headquarters
Mizoram : Aizawl
PRESS RELEASE
MNF-IN PI VAILI THINLUNG TAKIN A SUN
Mizo National Front, General Headquarters, Aizawl Mizoram chuan November ni 13, 2023-a boral, vawiin November ni 15, 2023-a vui liam tak, Mizorama chanchintha hriltu hmasate zinga mi, Siaha District, Serkawr (Saikao) khua Rev. Violet Louise Annie Mark (Mizoten Pi Vaili kan tih mai) chu thinlung takin a sun a, a ui takzet a ni.
Mizoram chhung Mara chenna hmuna Sap Missionary lut hmasa ber Rev. Reginald Arthur Lorraine tunu, Pi Vaili kum 85 hi kum 1977-a an mission a tawp hnuah pawh an ram lama haw duh lo a, Mizoramah Lal Isua chanchintha hril chhunzawm zel a, a hun tawp a hmang hi Zofate thinlungah a dai ngai tawh lo ang. Hei vang hian Pi Vaili hi MNF chuan ngaihsan awm a tiin a ngaihlu em em a, a hnathawh hi ropui a ti takzet a, thinlung takin a sun a ni.
Sd/-
(R.LALHMANGAIHA)
Secretary
Media & Publicity Deptt
Mizo National Front
Memo No.MNF/Media/04/2023/918
Dt.15.11.2023
MIZO NATIONALISM KENGTU MNF A SORKAR LEH NGEI A NGAI: LALCHHANDAMA RALTE
Mizo National Front
General Headquarters
Aizawl: Mizoram
Press Release
MIZO NATIONALISM KENGTU MNF A SORKAR LEH NGEI A NGAI: LALCHHANDAMA RALTE
Vawiin 28, 2023 Zirtawpni hian Tuivawl bialah Pu Lalchhandama Ralte chuan campaign rusum a thlak zui zel a, Darlawn MNF campaign office-ah MNF party worker-te nen inkawm khawmin party member thahnem tak an tel a. He hunah hian Pu Lalchhandama Ralte MNF candidate chuan mithar 35 MNF party-ah a lawmlut.
Pu Lalchhandama Ralte chuan thusawiin, “Kumin inthlanpui kan neih turah hian MNF party chuan hnehna chiang takin kan chang leh dawn a ni” a ti a. Pu Chhantea chuan MNF sawrkar hian harsatna tam tak kan lo paltlang tawh thin a, hun harsa tawk fo mah ila Pathianin mak takin min chawisang leh thin, a ti a. Kan sawrkar chhung hian COVID 19, ramri buai, lirnghing leh Zofa hnam hrang hrang harsatna ten min delh rit thin hle a. Mahse, kan CM hoa theihtawp kan chhuah avangin kan miten harsatna lian lutuk tawk loin heng harsatna te hi Pathian kaihhruainain kan paltlang theia kan lawm hle a ni, a ti bawk.
Pu Lalchhandama chuan MNF party chu hnam thuthlung kengtu leh chhawmnung zel tur a nih thu sawiin, Mizo nationalism vanga piang a ni a, Mizo hnam nihphung leh sakhua venhim chu a mawhphurhna a ni a, a tlanchhe ngai dawn lo a ti a. Kan unau, Burma, Bangladesh leh Manipur-a awm ten harsatna lian tak an tawh lai pawhin MNF sawrkar chu an kiangah a ding tlat reng a, sawrkar laipuiin kan mite thawn haw tur leh chhinchhiah bikna siam tura min nawrluih viau pawhin MNF sawrkar chuan a dodal tlat a, kan unaute hi kan hum tlat a ni a ti a. MNF sawrkarin INPUI nih tlin taka a hlen chhuah avang hian Zofa hnam hrang hrang te MNF sawrkarah hian an thlamuanhin an lawm hle a ni. Hetianga kan hnam a insing sak mup mup lai hian Mizoramah hian Zofa hnam hrang hrang te huap zo taka kuah khawmtu tur sawrkar a awm zel a ngai a. Kumin inthlanpui kan hmachhawn turah hian Mizo mipui ten uluk takin an ngaihtuahna hmang se a duh thu sawiin, “Mizo nationalism keng nung tlattu MNF party hi a sawrkar leh ngei ngei a ngai a ni,” a ti.
MNF adviser Pu Lalchhandama Ralte chuan Tuivawl bialah pawh hnehna kan chan leh ngei a beisei thu a sawi a, inthlan puan a nih atanga vote thlak ni inkar a zim em avangin a bial chhungah campaign hun a ngah thei tak loh thu a sawi a. Tuivawl bial mipuite chu an chhenna inah tlawhchhuaka vote dil vek duh hle mah sela hun a nei tawh lo tih hriatpui a, kum 5 chhunga Tuivawl bial tana a hnawthawh chu Tuivawl bial MLA zel tlak a nih leh nih loh teh nana hmang turin a chah a. Kum 5 chhung khan kan ram leh Tuivawl bial tan theihtawpin hna ka thawk a,heng ka hnathawh hmang hian min teh rawh u, ka hnathawh hmang hian MLA zel tlak ka nih leh nih loh teh ka cho a ni, a ti.
Darlawn party office inkhawm hi Darlawn MNF group vice president pu Lalthakima’n a kaihhruai a. MNF general headquarter MNYF vice president pu Zodinpuia pawhin thusawiin Mizoram puma MNF party dinhmun report a pe a, MNF party-in sawrkarna a lak leh ngei tur thu leh Tuivawl bialah chuan Pu Chhantea’n Mizorama inhnehna sang ber a chan ngei a rin thu a sawi bawk.
Sd/-
(PC LALRINHLUA)
Secretary
Media & Publicity Department
Mizo National Front
Memo No.MNF/Media/04/2023/904
Dt 27.10.2023
MLA Fund hi Serchhip bial ZPM Party leh an MLA Pu Lalduhoma hian sum siam nan an hmang niah kan ngai
PRESS STATEMENT
VL Krosshnehzova
Media & Publicity
MNF Gen. Hqrs.
@Aizawl Press Club On 27.10.2023
MLA Fund hi Serchhip bial ZPM Party leh an MLA Pu Lalduhoma hian sum siam nan an hmang niah kan ngai
ZPM Chief Ministerial candidate leh Serchhip MLA ni bawk Pu Lalduhoma’n MLA fund atanga dam lo Zoremsangi, Serchhip Dinthar W/o. H. Zoramsiama a kan chungchangah dam lo Zoremsangi ka ngei atangin Serchhip MNF hruaituten Rs, 1000/- chauh a dawn thu a sawi a. A pasal Pu H. Zoramsiama’n Rs. 2,50,000/- an dawnloh thu a sawi Voice Record neih a nih tak bawk avangin, rintlakah ngaiin sum hi chheprelh a awm ni ngeiah kan ngai a. Sum chheprelh nia lang pekim tura thuthar lakhawmtute kaltlanga kan ngen hnuah Pu H. Zoremsiama, Serchhip Dinthar ZPM VCP chuan sum a dawn thu leh a account-a a luh ngei thu a sawi ta a. Sum hi an dawng kim tak tak a, an ta tak tak tur a nih chuan kan lawmpui hle a ni.
Pi Zoremsangi te hi an sum an account-a a luh tuk maiah Rs 2,30,000/- lakchhuah leh nghal a ni a. An account-ah chuan a lut ngei a, an mahni ngeiin an dawng tih an sawi na a, anmahni hrechiangte chuan an hminga pawisa lokal hi anmahni pual a nih loh an ring thup a ni. An account-a pawisa lokal hi anmahni pual a nih miau loh avangin “Pu Lalduhoma dam lo kanna hi Rs 1000/- bak kan dawng lo,” tia an lo sawi hi thil awm takah MNF chuan kan ngai a. An account-a an dam lo kanna hminga sum lut hi ZPM Party leh an MLA hian sum siam nan an hmang niah MNF chuan kan ngai a ni.
Pu Lalduhoma hian a MLA fund atang hian 2021 – 2022 (kum 2) chhung lek hian dam lo kan nan cheng 16,42,000/- (nuai sawm paruk chuang) a hmang a. Pu Lalduhoma hian MLA fund hi dam lo kan nan a hmang tam hle a. Dam lohna chhuanlama hmangin hmasawnna hna thawhna tur sum, MLA Fund hi Serchhip bial ZPM Party leh an MLA Pu Lalduhoma hian sum siam nan an hmang niin MNF chuan kan ngai a. Society lem tam tak hmanga MLA fund thahnem tak thawk duh a nih avangin Pu Lalduhoma hian hetiang thil hi a ti duh ang tih kan ring nghet bur a ni.
MLA sum a hmanna leh a khawsak phunga insawifiah ngai reng MLA an nei hi Serchhip bial mipuite kan khawngaih hle a. Sihhmui vantlang tui a lo lak pen te, MLA zin loh Bill a la te, Sihmui daia tualthihnaa rinhlelh kai em em a ni te, Assembly House-a ngaihdam dil ngai a ni te, party workers hnena Zu man pe thin Kohran Upa, chhim leh hmara a thusawi danglam thin a ni te hian ngaihtuahna a ti thui a. Hetiang bialtu MLA, a tha lo lama sawi hlawh tak an nei hi Serchhip mipuite kan lainat hle a, Mizoram kaihruai tur phei chuan rinngam chiah MNF chuan k`an ngai lo a ni.
Issued by Media & Publicity Department,
MNF General Headquarters, Mizoram : Aizawl
MNF in champion belt kan humhim leh ang -TJ Lalnuntluanga.
Mizo National Front
General Headquarters
Mizoram : Aizawl
Press Release
MNF in champion belt kan humhim leh ang.-TJ Lalnuntluanga.
Nimin October ni 24, 2023 khan Kelkang, Champhai South MLA constituency ah inhmuhkhawmna hun hman a ni a. He hun hi Pu Zosangliana, Kelkang unit MNF President chuan a kaihruai. He hun hi Pu TJ Lalnuntluanga, Champhai South MNF official candidate, Adviser, MNF Gen. Hqrs. chuan hmanpuiin, “MNF in kan champion belt kan humhim a tul a ni. Midangte pawisawi lovin, cool takin i campaign ang u. Kan innghahna, Pathian leh kan ram tan, tih hi theihtawp chhuaha keng nungin kan tu leh fate uluk taka enkawl leh thunun hi kan rawngbawlna tur a ni, “a ti.
MNF Adviser Pu Manuna chuan, harhna ropui thlenna hmun Kelkang ah hian zantin Pathian biak inkhawmna hun a awm thei hi a lawmawm hle a. Rorelna fawng chelh mektu MNF hi, min khai chhuak theitu Pathian hian min khaichhuak leh ngei ang. Chapo tur kan awmlo a. Kan chapo loh nan Pathian in min chhuntu hling min pek chang a awm thin. Chu chu kan tana tha tur leh kan tana tha tur duhtu Pathian hnathawh a ni thin a ni.
MNF sorkar hnuaiah Champhai bialah sapthei sawngbawlna khawl bun anih theih nan hmalak a ni tawh a. Aieng, grape leh tomato sawngbawlna tur pawh hmalak fel a ni tawh. Tute emaw angin, kan ti ang, kan ti ve ngailo a, a takin kan thawk mai a ni. SEDP pawh hi kan sorkar tukah kan sem chhunzawm ang. Hei hi sem niloin, dingchhuak tura in tanpuina a ni.
Hmun tinah MNF thli a tleh mek a. Hemi keng nung tur hian kan inthlahdah a thianglo. Satel leh sazupui intlansiak ang mai kan nih loh nan, a tawp thlenga kan beih angai a ni. Eirukna lakah ka fihlim tih in hria a, kalphung thar nilovin, kan nihphung hi a tha a ngai zawk a ni, tiin kalkhawmte a fuih.
He hunah hian, Pu Malsawmdawngsanga, Kelkang Congress thalai president hlui chuan, kan bial min hmangaihtu ber ni a ka hriat chu Pu TJ Lalnuntluanga hi a ni a. Ani aia tha hi ka la hrelo. Zoram pum huapa harsatna leh buaina kan tawh apianga rorel turin MNF hi Pathian in a ruat zel a ni. Bible-a kan hmuh angin Pathian in mi rintlak leh a ko thin a, roreltute hi chunglam ordained an ni thin, a ti.
Sd/-
(PETER CHHANGTE)
Jt. Secretary
Media & Publicity Department
Mizo National Front
Memo No.MNF/Media/04/2023/901
Dt.25.10.2023
Information regarding candidate with criminal caseviz. shri V.Zirsanga
Shri Vanlalzawma, Vice President of MNF informs the Secretary,Election Commission of India, Nivachan Sadan,, Ashoka Road, N.Delhi110001 that Shri V.Zirsanga, official candidate of MNF for AC37Lawngtlai West is having criminal case pending against him on 5th October 2023 .
Thangtharte chhawmdawlna tur kan manifesto-ah dah a ni: MNF President
Mizo National Front
General Headquarters
Mizoram : Aizawl
Press Release
MNF DINCHAM TUM 62-NA LAWM A NI
Thangtharte chhawmdawlna tur kan manifesto-ah dah a ni: MNF President
Vawiin hian MNF dincham tum 62-na lawmna hun Mizo Hnam Runah neih a ni a, he hunah hian Pu Zoramthanga chuan thusawiin, “Thangthar zelte hnam thutlungah an harh thar mek hi lawmawm ka ti tak zet a. Ram hrang hranga kan unaute’n beih an tawh mek lai hian
Thangtharte’n Nationalism an champion pui zel ang,” a ti a. “Thalaite pawimawhna hriain kan manifesto-ah pawh an mahni chhawmdawl a, hmalam an pan theihna tur kan dah a ni,” a ti bawk.
MNF President chuan MNF chu mi tlawm te tein October ni 22, 2961-a Pu Laldenga In, Tuikhuahtlanga an din a nih thu a sawi a. “MNF hi Pathianin ropui taka ram hruai tura a duan a ni mai lo a, hreawm tam tak tuar tura a duan a ni. MNF Party hian hreawm tam tak a tuar reng a, ram buai, inkah, President rule puan hnan leh thil tam tak a tuar a. Chuti chung chuan India rama party hlun leh nghet ber pawl ni turin kum 62 zet Pathianin a hruai ta a ni,” a ti a. “Pathian leh kan ram tan he party hian hmalam a pan zel dawn a ni,” a ti.
Pu Zorama chuan kan unau Myanmar leh Bangladesh lama rawn raltlante chu thawn kir tura Central sorkar-in an ti chungin an hum tlat tih a sawi a. “Ngheta taka nationalism vuantute sorkar lovin, tute emaw sorkar se chuan vauna nen sum nen an bei ang a, ‘in tih tlat chuan’ tiin kan unaute hi meitei ho tih angin an ramah an thawn let tawh ngei ang. Keini erawh chuan central sorkar thu zawm lovin kan hum tlat zel dawn a ni,” a ti a. “Assam ramri atanga Mizo Police inhnuklet tura tih kan nih pawhin, ‘CM atanga kan ban a ngai ang,’ tiin ka chhang a, min nawr zui ngam ta lo,” a ti bawk.
MNF President chuan, MNF boruak a tha chho zel tih sawiin, ” Hmun hrang hrangah nationalism thlipui a thleh thar leh mek a, MNF-in lawmluh kan nei nasa hle a. Kan bialah phei chuan lawmluh tur a inkahpupchaw nasa hle. MNF hi Pathianin kawng laklawhah min kalsan lovang, sorkar tura kan mamawh tawk MLA min pe ngei ang,” a ti.
He hunah hian Pu Zoramthanga, MNF President chuan Thalai Khawvar Society member te, Mesak VL Thlana Bungkawn leh a thiante leh Sihphir Venghlun Congress Mahila atangin voter 491 MNF-ah a lawmlut a ni.
Vawiin MNF dincham lawmna hun hi Pu Lalthlengliana, vice president-in a kaihruai a, martar-te sunna hun hman a ni.
Sd/-
(LALLENMAWIA JONGTE)
Secretary
Media & Publicity Department
Mizo National Front
Memo No.MNF/Media/04/2023/899
Dt 23.10.2023
