SEDP (POLICIES & PROGRAMMES)

Mizote hnama min dintu Pathian tih leh rawn chunga Mizoram leh a mipuite rawngbawla hnam thil hlu leh ro te vawnghim tlat turin Pathian leh kan ram tan Mizo National Front hi din a ni.

Mizo hnam Party ni tura Pathianin a din leh buatsaih a nih avangin a din tirh atanga tun thlengin hawi zawng leh kal tum dan mumal tak nei (movement) niin hmalam pana thang zel tur Party a ni. Hnama min dintu Pathianin min pêk Mizoram venhim leh tihhmasawn te, kan sakhua leh hnamzia chawisan leh vawnnun te, hnam puitlinga dinchhuak tura Mizofate buatsaih te, zohnahthlak ram bung hrang hranga thendarha awmte rorelna pakhat hnuaia awmmkhawm tir leh hi MNF thiltum bulpui a ni.

Mizoram hi Pathian ram thlenna hmun, ram nuam leh zalên, chhuan lo awm zel tur te tân pawha chhenfâkawm ni tura buatsaih hi MNF Party innghahna a ni.