Mizo National front
General Headquarters
Mizoram : Aizawl

PRESS RELEASE

RAM VEI KOHHRAN HRUAITU KAN NEI, SORKAR HI KAN TAWNGTAI CHHANNA: Pu K. Auva, Ex-Minister

Lawngtlai East leh West-ah kan chak dawn tih a chiang: President, Lawngtlai District MNF

Vawiin ni 08.09.2023 Thawhtanni chawhma dar 11 khan Mizo Hnam Runah chhung inkhawm neih a ni a. Thusawitu Pu K. Vanlalauva, Ex-Minister & MNF Treasurer chuan ram vei kohhran hruaitu kan neih avangin, kan tawngtai chhanna a kal zel a ti.

Pu K. Vanlalauva chuan: “Ram vei kohhran hruaitu kan neih avangin kum 2018 MLA inthlan dawnah khan kan tawngtai a. Tuna sorkar mek hi kan tawngtai chhanna a ni,” a ti a. “Tun dinhmunah kan Chief Minister hi dawt tinrengin bei thin mah se, kan tawngtai chhanna kal zel a la ni,” a ti.

Pu Auva chuan kohhranhoten subject siamin thusawitu an tirchhuak nasa tih sawiin, speaker-ten neutral taka political education an sawi theihna turin kohhranten theihtawp an chhuah a, thahnemngai takin ram khalh ngil hna an thawk a ti.

“Nakumah MP (LS) kan inthlang dawn a, state hrang hrangah rally nen campaign an bei nasa hle mai. An inbeihna pawh a na hle. Politics-a inbeihna tenawm tak tak karah Mizoramah chuan kohhranten inthlanna thianghlim a awm theihna turin hma an la.”

Ram hruaitu lu ber atan mipuiin tunge an duh? tiin, “Party awmna sawn laklawh chu an insawn reng mai a, leader an ni tak tak thei lo. Kan thalaite hian leader nghet leh rinawm an zawng. Pu Laldenga (L) khan a bial Bawngkawn – Chanmari jeep road a tihzauh dawn khan, kawng kamah mi an cheng vek tawh si a, ti lo turin thu kan rawn vek. Mahse, ram neitute kha a laih hna a pe a, kawng kama in nei tha hmasa an lo ni ta. Leader tha, mahni thuthlunga ding nghet chuan huaisen tak hma an la thin, Pu Auva chuan a ti a. “Ram hruaitu atan mi nghet i zawng zel ang u,” a ti bawk.

Thusawitu dang Lawngtlai District Hqrs President Pu Lalzahawma chuan Lawngtlai district-a MLA bial pahnih – Lawngtlai East leh West-ah MNF kan chak dawn tih a chiang, a ti a. “LADC-ah VC 92-ah MNF rorelna VC 90 a awm a. Khaw panga vote za awmnaah INC, khaw pathumah BJP VC. ZPM chuan khawiah mah rorelna an nei lo,” a ti.

LADC-a MDC post 25-ah MNF 20+1 (Ind), BJP 1, INC 1, ZPM 1 leh IND 1, bakah Nominated seat MNF 4 an awm tih a sawi a. Tunhnaia khaw 7 VC by election result-ah pawh khaw 4-ah MNF, khaw 2-ah MNF (uncontested) leh khaw 1-ah ZPM, hei pawh hi party dangten MNF an beihrawn vang a ni tih a sawi.

Pu Zahawma chuan, “LADC leh MLA thawhhona a tha a, tun anga thawhhona tha hi a la awm ngai lo. Lawngtlai District chhunga khaw hrang hrangah party dangten unit an nei kim lo, party dangte chu tang khawm vek mah se MNF min zat lo ang.

“Lawngtlai West bialah bialah hian mipui 90% ten MNF candidate a tlin an ring. Inhnehna sangber kan siam thei hial ang. Lawngtlai East-ah pawh inbeih rawn ni lo, kil thum atanga kan inbei a nih chuan kan chak chiang hle ang. ZPM chu an phir a, an inpui tawn thei tawh lo,” a ti bawk.

Inkhawm hi Pu LT Kima Fanai, GS MNF Gen Hqrs-in a kaihruai a, Pu R. Lalrinthanga, NEM MNF Gen Hqrs-in hunserh a hmang a ni.

Sd/-
(MALSAWMPUIA RALTE)
Jt. Secretary
Media & Publicity Department
Mizo National Front
Memo No. MNF/Media/04/2023/834
Dt. 08.09.2023