MNF General Headquarters in Aizawl khawpui chhung Block tlawhchhuahna hun a kalpui mekah vawiin September ni 30, 2026 hian Aizawl West-I Block-I tlawh programe chu Pu T.C Pachhunga, MNF Gen.Hqrs. Adviser In, Zotlang a neih chu, Pu Vanlalzawma, MNF Gen. Hqrs. Vice President ho a hun hman a ni.

MNF Vice President, Pu Zawma chuan thu sawiin, Block tlawhchhuah programe an hman kal mekah lawmna tam tak a hmuh thu sawiin, unit leh block hruaitu phur tak tak ka hmuh hian min ti lawm a. Headquarter hruaituten tih dik loh, tihsual tam tak kan neih insiamtha tura hma kan lak mekah ngaihtuahna thar min siam nasa hle a ni, a ti a. AMC inthlan a kan tlak hnuah unit leh block kan phur ta sauh zawk mai hi Pathian hnathawh a ni, a ti.

Pu Vanlalzawma chuan, ZPM sorkar chu tihbuai an ngai lo, anmahni hi an buai tawk em em a ni, tiin. Kum 1997 a Vanapa Hall a MNF party hruaitu tur an inthlanpui tuma Pu Lalduhoma ahmelhriat atang tawhin tuna a awm dan hi mak a tih tak loh thu te sawiin, ZPM a awm mek nghing nghing ho hi kan lamah an lo let leh mek a, inthlan lehah kan sorkar leh ngei dawn a ni, a ti.

Tunhnai Local Council by-election neihna a, Zotlang leh Luangmual a MNF party atanga thlantlin te chawimawina thuziak hlan an ni a, zawhna leh chhanna hun nen hun hlimawm tak hman a ni.

Inkhawm hi Pu P.C Lalhunmawia, Aizawl West-I Block-I President in a kaihruai a, party mi 100 chuang zet an kalkhawm a ni.

(LALTHAKIMA)

Jt.Secretary

Media & Publicity Department/ Mizo National Front

Memo No. 546/2026/ Dt. 30.09.2026