Pu Lalchhandama Ralte-in Tuivawl Bial MLA Cup 2026 kharna a hmanpui

May 1, 2026 Zirtawpni khan Tuivawl bialtu MLA Pu Lalchhandama Ralte chuan Multipurpose Centre, Darlawnah 7-Tuivawl MLA Cup Inter Village Football Tournament 2026 (April 13, 2026 - May 1, 2026) closing function-ah khuallian niin hun a hmanpui a. Tuivawl bial mipuite chu inelna thianghlim, inunauna tha leh hriselna lama hmasawnna an neih theihna tura ruahmanna siam a nih thu leh Tuivawl biala sports infrastructure tihmasawn tura theihtawpa hmalak a nih thu a sawi.

MNF Vice President & LoP Pu Chhantea chuan Tuivawl bial chhunga infiammite chu ram chhung leh pawn thlenga hlawhtlinna chang thei tura theihtawp chhuah tura fuihin MLA Cup 2026 closing function-ah hian thuchah tawi a sawi.

Tuivawl Bial MLA Cup Football hi Darlawn Zone Football Assn. & Sakawrdai Zone Football Assn. buatsaih a ni a, Village Council team 20 an tel a ni. Final match hi Zohmun leh Mauchar VC Team-ten an khel a. Pu Chhantea chuan Champion - Mauchar VC Team hnenah medal, trophy leh pawisa fai Rs. 1.5 lakh a hlan nghal bawk a ni.

(LALṬHAKIMA)

Joint Secretary

Media & Publicity Department/ Mizo National Front

Memo No. 479/2026/ Dt.01.05.2026