March ni 28, 2026 khan MNF Sr. Vice President, Dampa bialtu MLA Dr. R. Lalthangliana chuan a bialchhung, East block huamchhung khaw hrang hrang, Bawlte, Darlung, S. Sabual leh Bawngthah khuate tlawhin a kal a.

Thusawiin Dr. Thangtea chuan, "Pathianin leilung hausakna leh ramtha min pek hi tangkai taka kan hmanthiam a tul a. Kuthnathawh hi ram siamna pawimawh berte zinga mi a ni, hei hi kan indawmkan theihna kawng pawimawhber niin ka hria. Aizawl tlang atanga bial mite mamawh leh tangkaitur ngaihtuah chiang manglova inpapek leh ngawt thin hi a dik ka ti lova. A hmun ngeia bial mipuiten zalen taka an mamawh tak an thlen theihna turin bial ka tlawhchhuak thin. Bial hi a theih anga tam tlawh ka duh bawk a ni. MLA fund hi hmasawnna tak tak, kan zavaia kan chhawr tangkai theihtur atana hmantur a ni," a ti.

Dr. Thangtea chuan, Dampa bial hmasawnna turin hmachhawp tamtak ka nei a, police thuamthat, health, education leh department dang dang ah hmasawnna tur tamtak ka hmu. Kawngpui tha kan neih theihna atana kan hmalak mekna hi chunglamin min hriatpui a, theihtawp chhuahin hnathawh hi vil zel ka tum a, bialtu MLA mawhphurhna niin ka hre bawk.

Heng bakah hian, mitam berte hi kuthnathawka eizawngte kan nih avangin, kan thlaitharte awmze nei leh awlsam zawka kan tihral theihnan leh, kan hnathawhna tur leilung tha kan pawh theihna turin, agriculture/horticulture link road kan neih tam a tul ka ti takzet a. Hei hi ka thupui ber leh ka vision pakhat a ni. Kan hnathawhna hmunah thlam nuam leh engtha kan neih theihnan hma lak a ni anga, working village kan din thei dawn niin ka hria. Hei hi khawvel hmundangah pawh hma a sawnna kawng pakhat a ni. Kan ram leilung mila thlai chintur kan thlan thiam pawh a tul ang. Hmana kan ropui thinna aiin tuna kan dinhmun hi a pawimawhber a ni, a ti.

MNF Sr. Vice President chuan, ZPM ten inthlan dawna an intiamna an ti hlawhtling lo nasa a, hei hian a vawlet mek a ni. Thianghlim leh felfai ber anga an insawi thin hi a zialo takzet a, mipuiin an tihloh tur an ti tih an hmu. Chuvangin, opposition nichungin Krismas kan hmanrei a rinawm tawh lova, bial leh ram hmasawnna dik siam turin kan inbuatsaih a tul.

ZPM sorkar hnuah inthlan awm apiangin kan hneh deuh zel a. Chuvangin, AMC dintu MNF ten inthlan lo awm turah pawh hian hnehna kan chan ngei kan beisei , theihtawp kan chhuah mek bawk a ni, a ti.

Dr. Thangtea hi Aibawk - Darlung kawng bialtu PWD hotute leh Rawpuichhip - Buarpui kawng siamhna thawh meka an hotuten an tawiawm a. Anni hnenah hian kawngtha zawk leh tlo zawk, a rang thei anga siam turin a chah a. Kawngchhiat vanga mipuiin harsatna an tawh zualpui sutkian anih theih dantur sawiho va enho a ni bawk. Dr. Thangtea hi party hruaitu thenkhatten an tawiawm a ni.

(PETER CHHANGTE)

Secretary

Media & Publicity Department: Mizo National Front

Memo No. 458/2026