Vawiin chawhmaa Mizo Hnam Run chhung inkhawm neihah MNF Senior Vice President Dr.R. Lalthangliana MLA chuan thusawiin, Aizawl Municipal Council hi MNF kutchhuak a ni a, rorelna dik tak nena kal tlanga MNF din liau liau a nih thu a sawi a. Tun AMC inthlanah hian kan Candidate-te kan uluk hle a, sorkar lai hi chak turah an inngai ngawt thin a, sorkar lai anih avang ngawtin Municipal Election-ah hian an tlin phah dawn loh thu a sawi a, India ram khawpui tam takah ruling party ni lote pawhin Municipal-ah hian hnehna an lo lak tawh thin tawh dan a sawi. ​MNF chu sorkar lai ni lo mahse, he inthlanah hian hnehna an chan ngei a rin thu a sawi. "Kan tling anih chuan AMC corruption free sorkar kan din ang," a ti.

Dr.R.Lalthangliana chuan ZPM sorkarin Lunglei khawpui hmasawnna tur LMC sum chu a zawnin (2024-25) ah cheng 9,23,120000 leh (2025-26) ah 9,46,80000 belhkhawmin cheng vaibelchhe 18, nuai 69, sing kua leh sang 2 lai anih thu a sawi a. LMC hian MNF sorkar hun lai kum 2023-24 chhunga an hmuh cheng 6,35,44,000/- (cheng vaibelchhe 6, nuai 35, sing 4 leh sang 4) bak finance commission sum pek an la dawn loh thu a sawi bawk. "Tun financial year tawpah sorkar inthlahdah vangin SASCI sum cheng nuai 11152 a lapse bawk a, ZPM Sorkar financial management thiamlo tak hi AMC-ah thlan tlin chi an ni lo," a ti bawk.

Health Minister hlui Dr.Thangtea chuan, "MUHCS hi mipuiin kan thlamuanpui lo a, min um chiai mek a. Pensioner phei chuan tunah hian MUHCS 2.0 an zawm duh lo a, sorkarin an nawr mek a. Mizoram sorkar hnathawk Medical Reimbursement tibovin, an hlawh cut luihsakin MUHCS an zawmtir vek a, in ziah luh man a sang em em hi miretheite phurrit a ni. Private Hospital thliar bik neiin MUHCS kalpui a ni a, party pakhat chuan scam lian tak a awm e, an ti mek bawk," a ti.

Chhung inkhawm hi Pu H. Vanlalrawna

Gen. Secy., MNF GHQ - in a kaihruai a. Pu David Lalremtluanga Jt. Secretary, MNF GHQ chuan hunserh a hmang a ni.

(LALTHAKIMA)

Jt. Secretary

Media & Publicity Department: Mizo National Front

Memo No. 473/2026/ Dt. 17.04.2026