MSSB CHUNGCHANGAH CM-IN THIL HRE CHIANG LOVIN THU A SAWI

- Lalrammawia, Ex-Chairman MSSSB & Adviser MNF GHQ

Vawiin September ni 18th, 2026 (Zirtawpni) hian Mizo Hnam Runah chhung inkhawm neih a ni a. Hun hnihna 'political session' ah Pu Lalrammawia (MSS Rtd), MSSSB Chairman hlui leh Adviser MNF GHQ ni bawk chuan Mizoram Subordinate Services Selection Board (MSSSB) chungchangah Chief Minister Pu Lalduhoma thusawi, MSSB-in kum 2019-ah te khan hna tam tak an lo pending tawh a tih kha, a hma daih atanga lo pending tawh sa kha a ni a, MSSSB a function hnuah khan hna lak tur pending pakhat mah an neih loh thu a sawi. Chief Minister hian thil hre chiang lovin thu a sawi mai mai thin a ni, a ti. MSSB chu Govt.Notification No.A.12016/12019 - P & AR (GSW) dt.19.6.2019 a din anih thu a sawi tel bawk.

Pu Lalrammawia chuan, "MSSSB thiah anih chungchangah CM thusawi Vanglaini August ni 1, 2026 a chhuakah Chairman pakhat MZP-ten bang tura an nawr bang ta niin a sawi ringawt mai a. Kha Chairman kha recruitment-in condition a siam kum 65 aia upa lo tih a ni a, kum 65 a over tak avanga chhuak ta a ni zawk. MZP in an lungawiloh thu an sawi kha DP & AR in Rules & Regulation an han thlir a, khami tuma an select Mizo hnahthlak ziktluak lo tih thuah Rules & Regulation-in a phal huang chhunga mi Mizoram State mi leh sa, India khua leh tui mi a lo nih loh vanga Chairman kha ban tirna chhan tling a lo awm lo a. Amah kha superannuation age-a pension tur anih avanga chawl ta zawk a ni," a ti.

MSSSB Chairman hlui chuan MPSC leh MSSSB ten exam hun leh interview hun insu buai leh exam hall harsat phah nia Chief Minister thusawi pawh, MPSC leh MSSSB kha inhrethiam tawn taka an calendar neihte inrawn tawnin, insu buai lo thei ang berin routine pawh MSSSB-in a buatsaih thin thu a sawi a, MPSC exam hall pawh an hman hawh ve fo nghe nghe thu a sawi bawk. Chief Minister-in a sawi, examination evaluation chungchangah (MCQ) Negative Mark awma MPSC-in a hman tak avanga harsa zawk leh Negative Mark awm lova MSSSB-in Evaluation a hman chu awlsam zawka a sawi kha, khawl changkang OMR hmanga en ve ve anih avangin awlsam zawk leh harsa zawk a awm thei lo. OMR khawlah computerised command set fel anih tawh chuan result chu automatic-in a lo chhuak mai a ni, a ti.

ZPM chuan an sorkar hma atang leh an campaign laia an huat em em MSSSB chu an sorkar velah an thiat a. MNF-in an duhsak zawngte induhsak nan an hmang an ti a, MSSSB kha dik leh felfai takin a kal a, thil diklo leh fair lo pakhat mah a ti lo. Kum 2020 -2021 chhung khan board regular meeting vawi 251 an thu a. Candidate 717 Concern Department-ah Recommendation siamin appoinment pe tura thawn an ni a, kha mi kum khan sorkar hnathawk benefit tur hna pending tam tak chin fel a ni a. Khang hnate kha Officer & Staffs-te nen hlim leh lawm takin kum tluanin kan thawk ho va. Job Satisfaction Spirit neiin kum khatna bul kan tan a, hlawhtling kan inti ve hle a. Board Chairman leh Member-te khan Exam Question setter leh Examiner-te mimal tumah hriatpui an nei lova, DP & AR hriatpuinain List of approved Expert erawh chu kan nei, a ti.

MSSB Chairman hlui chuan CM-in a sawi tho, MSSSB ṭhiata MPSC-ah amalgamate-in accomodation senso belhchhah ngai MPSC Chairman-in a sawi bawk chu Driver room sak that bak sen belh tur a awm lovang tia a sawi pawh kha room nasa takin an renovate a, sum pawh nuai 100 chuang an sen belh leh bawk. MPSC building sak belh a ngai a, MSSSB erawh chu sorkar building awm saah buaipui ngai lovin tluang takin an thawk mai a. Economically pawhin nasa takin sorkar a hlawk zawk a, MSSSB thawh chhuah (production) a tam zawk a ni. Pathian leh mipui zarah MNF a sorkar leh ang a, MSSB kha kan hotuten an din thar leh ngei ka ring, a ti bawk.

Chhûng inkhawm hi Pu Phairothangthanga Adviser GHQ chuan kaihruaiin, Pu Hauthawmvunga General Secretary, MNSF chuan hunserh a hmang.

(R.LALHMANGAIHA)

Secretary

Media & Publicity Deptt / Mizo National Front

Memo No.532/2026/ Dt.18.09.2026