Vawiin October ni 3, 2026, (Inrinni) chawhnu dar 3:30pm hian MNF Senior Vice President Dr R. Lalthangliana MLA chuan Ex-Mizo Army Association (Ex-MNA), Peace Accord MNF Returnee's Association (PAMRA) leh Mizoram Under ground Returnees Association (MURA) hruaitute chu a chenna In, Chawnpui vengah inkawmhona neih puiin, hmalak dan tur leh thu pawimawh hrang hrangte an sawi hova, 'meeting' pawimawh tak an nei.

Meeting-a telte hian kum 1966 atanga kum 1986 inkara Mizoram tana zalenna sualtu Mizo hnam sipaite kha an chungah Lalpa mit a fu bik tih an sawi a, inremna ṭha tak an nei thei leh State ralmuang ber kan ni thei chu lawmawm an ti a. Mizoram tana zalenna sual ṭheuh ṭheuhte chu Kristian ten Lal Isua Krista Lal-ah an pawm ang hian, MNF party-ah lungrual taka thawkho mai tur an ni tih an sawi. Bawm pakhat zawna intungding leh tura theihtawp an chhuah tur thu an sawi a, lungrual taka hma la a, thawhhona leh inpumkhatna tha zawk nena kal zel an tum a ni. Heng pawl pathumte hian thawhhona tha tak 'Co-ordination Committee' lungrual takin an lo din tawh bawk a, MNF tan theihtawpa hmalak leh thawhho zel an tum thu an sawi. Zalenna sualtu kan ni a, political party dang leh pawl dangte nen ang khata en chi kan ni lo an ti.

He hun hi Pu Vanlalbiaa Co-ordination Committee Chairman chuan a kaihruai a, Former Deputy Chief Minister Pu Tawnluia Working President leh Pu K. Vanlalauva Ex-Minister, NCC te pawhin an tel pui bawk a ni.

Meeting-a telte hi Dr R. Lalthangliana hian zanriah tuihnai tak a buatsaih sak nghal a ni.

(R. LALHMANGAIHA)

Secretary

Media & Publicity Deptt / Mizo National Front

Memo No.549/2026/ Dt.03.10.2026