New Delhi-a cham mek Pu Zoramthanga, MNF President leh Pu Amit Shah, Union Home Minister te chu nimin June ni 12, 2026 tlai khan Union Home Minister Office-ah khunkhan takin an inkawm a. Ram chhung politics leh thil pawimawh dang tam tak an sawi dun.

MNF President leh Union Home Minister inkawmnaah hian NDA Conclave thlirletna bakah Sorkar laipuiin India Independence kum 100-na, kum 2047-ah India ram chu 'developed country' a nih theihna tura roadmap a siam 'Viksit Bharat 2047' chungchang te, ram chhung leh ram pawn politics bakah Kaladan Multi-Modal Transit Transport Project (KKMMTTP) hnathawh mek chungchangte an sawi dun a. Kum 2028 Mizoram State Inthlanpui chungchang pawh sawi dunin, thil pawimawh dang tam tak an sawi dun bawk a ni.

June ni 2, 2026 khan MNF President Pu Zoramthanga leh National Security Advisor (NSA) Pu Ajit Doval te chu NSA Office-ah inhmuin, inkawmna an lo nei tawh a. Thil pawimawh tak tak, a bikin Myanmar leh Bangladesh chungchanga an lo sawi dun tawh bawk.

MNF President Pu Zoramthanga hi Er. K. Lalsawmvela, MNF General Secretary chuan a ṭawiawm a. Kar tharah hian Mizoramah an rawn let leh hman beisei a ni.

(R. LALHMANGAIHA)

Secretary

Media & Publicity Department/ Mizo National Front

No.496/2026/ 13.06.2026