CM PU DUHOMA'N AMAH PAWHIN A AWIH LOH TAWP TUR, THU ATTHLAK LEH MAK PUI PUI, TUN HMAA A THUSAWI THIN LETLING THAWKIN THU A SAWI A, A BIKIN GENT Z TE NGAIHTUAHNA HRUAI KAWI TUMIN A HMANHLEL : VICE CHAIRMAN, LEGAL BOARD MNF

Vawiin August ni 17, 2026 (Thawhtanni) hian Mizo Hnam Runah chhung inkhawm neih a ni a. Hun hnihnaah General Secretary, Pu Lalpianfela Chawngthu Vice Chairman, Legal Board chuan Chief Minister Pu Lalduhoma chu amah pawhin a awih loh tawp tur, thu âtthlâk leh mak pui pui, tun hmaa a thusawi thin letling thawka thu a sawi thin thu leh a bkin Gent Z te ngaihtuahna hruai kawi tuma nasa taka a hmanhlel thu a sawi.

Pu Mapiana chuan, 'Tun hnaiah Mizoram CM Pu Lalduhoma chuan an party chhugkaw boruak chhe tak leh a kaihhruai sorkara eirukna thubuai lian tak Lengpui ram hralh chungchanga mipui rilru hruai kawih nan amah pawhin a awih loh tawp tur thu atthlak leh mak pui pui, ram leh hnam tana pawi thei tak, tun hmaa a thusawi thin letling thawk sawiin a hmanhlel mek. ILP leh Article 371G chungchang leh Mizoram Peace Accord chungchangah te MNF dah hniam tum ran leh khanglai hun hre phak lo Gen Z te ngaihtuahna hruai kawih tuma heti taka a hmanhlel hi a pawi takzet a. Ngaihdam dil se, duhtawk tawh se ama zahawm nan pawh a tha hle ang," a ti.

MNF Legal Board Vice Chairman chuan, "Mizoramin Human Rights Commission hlau CM, Human Rights awmzia pawh man lo, CM Law Minister ni bawk kan nei hi kan vanduai hle a. Ram changkang apiangah dan a lal a, dan rorelna humhim a nih bakah mipui an zalen thin a ni. Kum 1215 khan English ho chuan rule of law, Lal meuh pawh dan rorelna chungah a awm thei lo tih an buaipui tawh lai leh chumi atanga kum 800 chuang a ral tawh hnu kum 2026-ah pawh kan CM leh Law Minister ni bawkin dan piah lama chetna - mob rule la duh zawk niawm taka thu a la sawi hi a pawi em em a, a zahthlak bawk a ni. Kan Law Minister hi 'Law Minister' ni tlak pawh a ni lo va, 'Low Minister' a lo ni zawk tih a lang chiang hle a ni," a ti bawk.

Gen Z te hi kan duh emaw, duh lo emaw nakin lawka kan ram hruaitu turte an ni a, an ni chho mek bawk. Dikna an duh a, corruption an duh lo a, dik lo taka induhsakbikna ang chite an duh lo bawk. Hruaitu tha an mamawh a, an zawng mek bawk. Mizoram tha zawk an duh a, chutiang tur chuan keini tuna politics khawvela awm mekte hi min beisei a, an beisei ang taka kan awm leh ram kan kaihhruai hi a ngai a ni. Gent Z te hi naupang chhia an ni tawh lo a, ngaihtuahna puitling tak neiin hma an la a, an ni ang kumah hian kan hnam Pa Pu Laldenga leh a thawhpuite khan Mizoram tan zalenna an lo sual tawh a, hnam movement lian tak an lo kalpui tawh a ni," a ti bawk.

Chhung inkhawm hi Pu Lalawmpuia Secretary, GHQ chuan a kaihruai a, Pu C.Manliana Adviser, GHQ chuan hunserh a hmang.

(R.LALHMANGAIHA)

Secretary

Media & Publicity Deptt / Mizo National Front

Memo No.518/2026/ Dt.17.08.2026