Vawiin July ni 18, 2026 (Inrinni) hian Ailawng Branch YMA rising day, vawi 80-na, OAK Jubilee (1946-2026) chu Khuangchera Hall-ah hman a ni a. He hun hi Dr. R Lalthangliana MLA, Dampa A/C chuan khuallian niin a hmanpui.

Khuallian bialtu MLA Dr. R Lalthangliana chuan YMA anga kohhran leh political party thliar ve lo, hlawh leh lawmman pawh phut lova chanhai leh riangvai tanpui ngaite tanpui thin pawl thianghlim leh pawl zahawm hi khawvel hmun dangah an awm ve loh thu a sawi. YMA-ah hian ṭawng khat hmangin, chhiat ni that ni, rikrum thilah che chhuak zung zung thin kan nei hi kan vannei a, khawvela NGO pawl nei tha ber kan nih ka ring, a ti. "Rising Day kum 80-na in hmang thei hi Pathian kaihhruaina vang liau liau a ni tih in hriat ka duh a, ka lawmpui che u a, duhsakna sang ber ka hlan che u a ni," a ti.

Dr. Thangtea chuan tun hma khan hnam dangte hian tlawmngaihna hi Mizo culture-a bet tlata ngaihna an lo nei tawh thin a, hnam dang hian mithi lumen naah pawh khawhar chhungte hnemna tur hla an nei ve lo. Chuvangin Mizote hi kan vannei chungchuang hle a ni. Thalaiteah Mizoram hi a chhiat a thatin mawh ka phur a ni ti ngam, Mizo nationalism-a chiang, hnam thinlung pu an lo pung thar ta hi lawmawm ka ti a. Central service hrang hrangah Mizote hi kan tlahniam ta hle mai a. Hnam dangte tih theih ang kan ti ve thei tih hria ang u. Sorkar hna sang hrang hrang hi hnam dangten min khalh ta zel mai a, zirna kawng hrang hrangah zirlaiten tan la thar ang u, taimakna nen theihtawp i chhuah thar leh tak tak ang u, a ti bawk.

Pu R. Lallawmsanga President, Branch YMA chuan kaihruaiin, Pu Lalchhuanvawra Branch Adviser chuan hunserh a hmang. Pu Lalthlamuana VCP, Ailawng pawhin thu a sawi bawk a. Member boral tate sunna hun hman a ni bawk.

Bialtu MLA hian Ailawng Branch YMA hi Dekchi bel lian, football, valley ball leh net bakah tangka fai pein a tanpui.

(R.LALHMANGAIHA)

Secretary

Media & Publicity Deptt

Memo No.506/2026/ Dt.18.07.2026