Vawiin ni 20.07.2026 (Thawhṭanni) hian Mizo Hnam Runah Chhung inkhawm a neih a ni a, hun hnihnaah Pu R. Lalzirliana, Ex-Minister, PAC MNF GHQ chuan ZPM sorkar tlinlohna leh eirukna a awm ngei nia a a hriat thu sawiin, "Tun sorkar (ZPM) hunah hian eirukna leh thutiam bawhchhiatna chiang takin a lolang a. Lengpui Airport ram chungchânga CBI case hial a awm dan te, Tourism Director leh OSD post chungchânga dân kalha hmalakna awmte hi MNF chuan pawi a ti hle a, Officer-te thurâwn ngaihsak lova mahni ṭanghma hai vânga hna pek leh hlawh lak tumna hian kan ram sorkar inrelbawlna a tichhia a ni a ti. "Ru rawh, mahse inman tir suh" ti a zirtîr hruaitute kan nei hi ram tân a pawi hle mai a. Thutiam a dinglo ZPM party sorkar kan nei hi a pawi tak zet a ni a ti bawk.

Pu R Lalzirliana chuan MNF sorkar hmasa khan Aizawl khawpui chhûng leh Mizoram hmun hrang hrangah hmasawnna ruhrel infrastructure mipuite hmuh theih leh hman theih tûr tam tak a lo din tawh a. Secretariat thar te, Terminal tharte leh kawngpui ṭha tak tak kan neite hi MNF sulhnu vek a ni tih hi mipuiten kan hriat a ngai a, Kan kuhmumah tun sorkar hi a lo par ve mai zawk chauh a ni a ti.

Chhung inkhawm hi ZR Thiamsanga Ex-MLA, General Secretary GHQ chuan kaihruaiin, Pi K.Remthangi Adviser, GHQ chuan hunserh a hmang.

(LALTHAKIMA)

Joint Secretary

Media & Publicity Deptt/ Mizo National Front

No. 507/2026/ Dt.20.07.2026