Press Release

AMC INTHLAN LAWMTHU SAWINA

Aizawl Municipal Corporation Inthlan 2026 chu tluang takin neih zawh alo ni ta a. Mipui chanvo duhthlanna lantir a, Vote thlak zawng zawngte chungah MNF chuan lawmthu kan sawi a, Duhsakna nena MNF Candidate lo Vote tute chungah thinlung takin lawmthu kan sawi a ni. MNF candidate te tana theihtawp lo chhuahtu party mipui leh neutral atanga thahnem min ngaihpuitu, Aizawl chhung leh pawna tha thlah hauh lova thawktute chungah pawh kan lawm takzet a ni.

Hah taka Inthlanna buaipuitu DC, Police, MPF etc. te leh mipui hriat tur puangzartu Media mite chungah lawmthu kan sawi a, Inthlana Vote tla tlem erawh a pawi kan tiin, democracy rama mipuiin kan duhna kan lantirna kawnga thawkchhuak kan tlem hi Inthlanna buaipuitu Sawrkar hlawhchhamna kawng khatah kan ngai a. Mipui hriat tur puanzarna leh inzirtirna kawnga tih tur tih tawkloh vangah kan ngai a ni. Vote nei tura inngai, AMC E-Roll 2026-a awmlo, Vote thlak tura kal hawihai ta engemawzat awmte hi a pawi kan ti a. 61.14% chauh Vote thlak kan ni hian abak vote thlaklo 38.86% te duhthlanna ai a awh dawn tihna a ni a, a huapkim tawklo hle in kan hria a ni.

Tin, venhimna lam thawktu, State danga duty mek mi tamtak vote thlak thei lova siam an ni hi a pawi kan ti takzet a, rim taka kan ram himna atana thawktute dikna chanvo rahbehna leh Democracy kalphung zahlohna ah kan ngai tlat a, hetiang hi thleng nawn tawhlo se kan duh takzet.

Tluang tak leh him takin Vote chhiar a nih ngei kan beisei a, Vote tla chhe tak karah Pathian leh mipui duhsakna changin sawrkarna siam ngei kan inbeisei a. Mipuite lalna leh zalenna AMC din a nih ngei kan beisei tlat a ni.

Sd/-

(LALLENMAWIA JONGTE)

Secretary

Media & Publicity Department/ Mizo National Front

Memo No.476/2026/ 22.04.2026

Press Release

HSLC 2026 result tluang taka a chhuak hi lawmawm kan ti.

-MNF

Tau thla, vawiin ni 23, 2026 (Ningani) a Mizoram Board of School Education hnuaia, High School Leaving Certificate (HSLC) result tluang taka tihchhuah a ni chu MNF chuan lawmawm a ti hle a.

Zirlai hlawhtling zawng zawngte thinlung takin kan lawmpui a. Zirna leh nunkawng an zawh zelna turah duhsakna sangber kan hlan a ni. Zirlai pass hrihlo te pawh beidawng lova, tumruhna leh taimakna thar nena hmalam thlir chunga theihtawp chhuah chhunzawm turin MNF chuan a chah bawk a ni.

HSLC result tihchhuah anih theihna tura rim taka thawktu MBSE leh Education department thawktu zawng zawngte chungah lawmthu kan sawi a. Tihsual leh hmaih palh pawithei a awmloh kan beisei tlat bawk a ni.

Zirlai naupangten result tha an neih theihna atana rim leh taima taka thawktu zirtirtu zawng zawngte chungah lawmthu kan sawi bawk. An inpekna leh thawhrimna kan chhuang hle a ni.

(PETER CHHANGTE)

Secretary

Media & Publicity Department/ Mizo National Front

Memo No. 477/2026/ Dt. 23.04.2026