Mizo National Front
General Headquarters
Mizoram : Aizawl
PRESS RELEASE
ZPM sorkar hian thil thar an hawng chho zel dawn a; mahse, chutiang bul tantu chu MNF sorkar kha a ni zel ang.
– K.Vanlalauva, Treasurer, MNF.
Vawiin January ni 19, 2024 Zirtawpni hian Mizo Hnam Runah chhung inkhawm neih a ni a. Hun khatnaah hian Upa J. Lalchhanhima, Adviser, MNF Gen. Hqrs. chuan hunserh a hmang a. Hun hnihna (Political session) ah Pu K.Vanlalauva, Treasurer, MNF chuan thu a sawi.
Pu K.Vanlalauva chuan ‘Inthlana tlak hi MNF tan thil thar a ni lova, kan paltlang fo tawh thil a ni’ a ti. Tuna sorkarte auhla- Kalphung Thar tih leh ‘min enchhin rawh u’ tih hi thil thar a ni lova, ZNP auhla kha ZPM in an chhawm mai a ni a ti.
MNF Treasurer chuan MNF chu Mizo Nationalism kengtu leh chawitu a ni a. Ram tan theih tawp chhuahin hna a thawk thin a ti. Aizawl By-pass road pawh MNF in a buaipui char char a, sorkar thar hunah thawh tura tihfel a ni ta a ni. ZPM sorkar hian thil thar an hawng chho zel dawn a; mahse, chutiang bul tantu chu MNF sorkar kha a ni zel ang. Vawi 4 tla tawh MNF hian ram tan hna a thawk tak tak tih hriat a ni zel ang a ti.
Pu Auva chuan MNF sorkar kalta kha kum 2 chuang zet Covid in a bawhbuai chungin, Mizoram tan hna tam tak a thawk tih hi Zoram mipuiin an hre deuh deuh dawn a ni a ti.
Vawiin chhung inkhawm hi Pu L.Ramkinlova, Adviser, MNF Gen. Hqrs. chuan a kaihruai a. Pu VL Kroshnehzova, Gen. Secretary, MNF Gen. Hqrs. hnen atangin zin report ngaihthlak a ni.
Sd/-
LALLIANZUALA FANAI
Joint Secretary
Media & Publicity Deptt
Mizo National Front
Memo No.07/2024
Dt.19.01.2024