ZALENNA SUALA HNAM MARTYR-TEN ZAH LEH CHAWIMAWI AN PHU -Robert Romawia Royte, Sports Minister

20.9.2023: Vawina Mamit Central MNF Block in Marty Day leh Block Conference Mamit Chhimveng Hall a neih hman puitu Sports Minister Pu Robert Romawia Royte chuan Hnam zalenna suala Martyr-te hlutzia sawiin thangtharten an hlutzia kan hre chho mek hi a lawmawm tak zet a ni a ti a.Martyr te leh kan Hnam sipaite zarah India Danpui Article 371G hi MNF leh India Sorkar inremna thuthlung anga Danpuia dahluh a ni a.He danpui avang hian Mizo hnam dan,sakhuana leh ram in rochun chungchangah chuan India Parliament in dan a siam tepawh Mizoram Assembly in a duhloh chuan Zoramah a hman ngawt theihloh tih a sawi.Mamit biala Martyr 23 te zahna pangpar thi a hlan bawk.

Minister Pu Roberta chuan Mizoram sorkar leh Mamit bialtu MLA Er H.Lalzirlianan Mamit bial chhunga an hmalaknate chu ropui a tih thusawiin Mamit bial hmangaihtu,mithiam leh nachang hriain hmasawnna hna a thawhte chu mipuiin an hria a,MNF party members nilo Congress leh ZPM tepawh MNF a sawmlut zel turin MNF hruaitute a chah a ni.Vawiin hian ZPM,Congress,BJP leh Nuetral atangin MNF zawmthar 172 a lawmlut bawk.

He huna Khualzahawm Bialtu MLA Er H.Lalzirliana pawhin thusawiin MNF a sorkar leh ngei a rinawm a,Mamit bial pawh ruling bial ni zui turin tan la ho zel ang u a ti.

He Martyr Day puala meeting hi Pu Lalthlengliana Mamit Central Block President in a kaihruaia,MNF Gen Hqrs hruaitute bakah Mamit khawpui leh a chhehvel a mite an kal tha hle a ni.

Sd/-

(LALṬHAKIMA)

Joint Secretary

Media & Publicity Department

Mizo National Front

Memo No.MNF/Media/04/2023/850

Dt 20.06.2023