Mizo National Front
General Headquarters
Mizoram : Aizawl

Press Release

Zalenna sual a nih dan thudik lo a kaihlek ching an awm-Lt. Col. Ramnundanga

Vawiin June 16, 2023 (Zirtawpni) hian Mizo Hnam Runah chhung inkhawm neih a ni a, hun hnihnaah Lt. Col. Ramnundanga Adviser , MNF General Headquarters chuan thusawiin, “Zoramin zalenna a sual thu a sualtute ngei leh a sual ve lemlo mithiam zir miten thahnem ngai takin an lo ziak tawh thin a. Zirmi mithiam ziak zingah zalenna sual hre ve phak lo ten zalenna sual an kaihlek hmuh tur a awm zeuh zeuh thin hi a rilru nat thlak hle a ni, “a ti.

Lt. Col. Ramnundanga chuan, “Kum1966 ah Mizoram chu rambuai ah puan a ni a. Pu Laldenga kaihhruaina hnuaiah Hnam Sipaite chu zalenna sualin an rammu a. Rambuai vangin nunna, in leh lo, sum leh pai tamtak Mizoram mipuiin an chan a, hmasawnna a awm hleithei lova. Sipai awpna hnuaiah hunkhirh takah kum 20 chhung zet kan awm hnuah, kohhran hote tawngtaina vangte, ram mipui leh sorkar ruahmanna vang te in June 30, 1986 khan rermna thuthlung ziak a ni ta a. Mizoram leh India sorkar in remna an ziak hi khawvela remna ziak tawh zingah a hlawhtling ber te zing a mi a ni” a ti.

MNF Adviser chuan, “Rambuai hrehawmzia leh runthlâk zia hre pha tute phei chuan kumkhuain remna hlutzia an sawi bang tawh lo ang. Remna leh muanna a lo awm theihna tur hian kan mi hmasa hote khan tha leh zung tam tak an sêng a, kan ram leh hnam tana zalenna beitute rilruah kan châm tir reng a pawimawh hle a ni,” a ti.

Hnam Run chhung Inkhawm hi Pu R.Zoramthanga Adviser, MNF General Headquarter chuan kaihruaiin, Pu Sanghlira Adviser, MNF chuan hunserh a hmang a ni.

Sd/-
LALTHAKIMA
Joint Secretary
Media & Publicity Dept.
Mizo National Front
Memo No.MNF/Media/04/2023/743
Dt.16.06.2023