Mizo National Front
General Headquarters
Mizoram : Aizawl

Press Release

Vawiin ni 14.6.2024 Zirtawpni hian Bungtlang Educational Service Association (BESA) chuan an khua Bungtlang zirlai tithate an chawimawina hun an hmang. He hunah hian Bungtlang a piang leh MLA hmasa ber Er. R. Rohmingliana MNF Legislature party Secretary ni bawk chuan khuallian niin a hmanpui.

Khuallian Er R.Rohmingliana chuan thusawiin,, Taimakna, Tumruhna leh Pathian thuawihna hi hlawhtlinna bul a nih thu a sawi a, retheihna leh harsatna tawhte hi chapopui awl tak a nih thu sawiin, chapona hi Pathian huat zawng tak a ni, a ti.

Er. Rohmingliana chuan kawng engkimah kan hma zawnah theuh beidawn phatna hi a awm vek a, chutiang paltlang peih lote chu an hlawhtling ngailo in, paltlang tum tlatten paltlang ngei zelin hlawhtlinna ah a hruailut ziah thin a ni a ti a, mahni nawm hmasak duhtute chu hrehawm reina a niin, mahni inkhawngaihna hi mahni hmelma lian tak a ni, a ti bawk.

MNF party Legislature Secretary chuan, Kan Zoram hian Social media hman thiam hi kan mamawh hle niin a sawi a, kan kutah khawvel tukverh a dahchhuah theihna kan hum ta fur mai si a, khawvelah hian thil tha leh thil thalo a inpawlh nawk mai bawk si nen, thil thalo lam leh kan mittlaina lam ngawt kan thlir chuan zoram hian kan chhiat phah a hlauh thu sawiin, a thalam zawng chauha hmang turin zirlaite a chah a ni.

He huna an chawimawi te hi, MBSE result hnuhnung bera Distinction leh First Division a passed-te bakah, Ph.D degree hmuthar, MA Gold medalist, UMAI National MUAYTHAI, 2024 Gold Medalist leh Bungtlang School hrang hranga Exam hnuhnung ber a Class tin a pakhatna te an ni.

He hun hi Pu J. Lalthangkhuma, Vice President, BESA chuan kaihruaiin, Pi Vanlalpari Sailo, Govt.P/S-I chuan hunserh a hmang a. Zirtirtu leh zirlai atangin zaithiam tak tak te an zai bawk a ni.

Sd/-(B. LALHMANGAIHZUALA)
Secretary
Media & Publicity Deptt
Mizo National Front
No. 107/2024
Dt. 14.06.2024