Vangchhe High School Golden Jubilee

Vangchhe High School Golden Jubilee

Mizo National Front
General Headquarters
Mizoram : Aizawl

Press Release

Pu Ramthanmawian Vangchhe High School Golden Jubilee Khuallian niin a hman pui.

Dt. 26/04/2023 ( Wednesday) Vawiin khan Pu Ramthanmawia, MLA & Vice Chairman Bamboo Link Road Board chuan Vangchhe High School Golden Jubilee Khuallian niin a hman pui.

Thusawiin Khuallian Pu Ramthanmawia chuan High School tha tak mai an neih avanga Vangchhe khawtlang a lawmpui thusawiin Vangchhia High School in Silver Jubilee hial hmang thei a Pathian hruaina a chang chu lawmawm a tih thu a sawi a. High School tha tak mai nei thei tura hruaitu hmasa leh Zirtirtu lo ni tawh te thawhrimna a fakawm a tih thu a sawi bawk.

Khuallian chuan MNF Sorkar chuan zirna leh kawng a ngai pawimawh thin. Tunah chuan kawngpui te a tha tawh a, tun hmaa rei tak tak tlan ngai thin kha tunah chuan hun rei loteah kan tlan thleng zung zung thei tawh a ni, Kan bialin zirna kawnga hma kan sawn theih nan Zirtirtu thar tam tak Sorkarin min pe a. Nu leh pate leh Sorkar nen tangrualin zirna kawngah hma kan sawn theih nan theih tawp kan chhuah a. Chutiang theih tawp kan chhuah zarah School naupang pawh kum tin an pung chho zel a, School khar mai tura ngaih tawh pawh kan chhanchhuak nual a ni a ti bawk.

Khuallian Pu Ramthanmawia chuan Tunlai hian Social Media ah te mi thatna, rinawmna leh an hna thawh that sawi aiin a chhe lai hlir la chhuaka sawi ching kan awm a. Hman atanga kan ram hruaitu lo ni tawhte, UT hunlai leh a hnu zel a kan hruaitu zawng zawng te, Kan ram tan thi leh thau pawlh a lo thawk tawh tute hi engmah an ni lo hna thawh leh tih that engmah an nei lo tiin, Kan hruaitu kal tate leh ni mekte ngaihsan lohna chi an tuh mek a. Eng mah thil tha ti ve lo ang maiin an chhuah mek a ni. He zirtirna hi a hlauhawm em em a rah tha lo tak chhuah thei a nih avangin keini chuan i ching ve lo ang u a ti a, Kan ram hruaitu Ch Chhunga te, , Ch Saprawnga te , Pu Thena te, Pu Hawla te Pu Dengate khan tha leh zung tam tak sengin thil tha tam tak kan ram tan an lo ti tawh a, Heng kan ram hruaitu lo ni tawh te avanga tun hun hi thleng thei kan ni tih hria ila, An mahni rel leh sawi chhe reng lovin i chawimawi zawk ang u. Kan ram leh hnam tana an hnathawh te avangin chawimawi leh zah hi an phu a ni a ti bawk.

Khuallian Pu Ramthanmawia hian Vangchhe High School Silver Jubilee lungphun hawnna leh Souvenir tlangzarhna a nei bawk. Jubilee lawmna Programme hi Vangchhe High School ah Khawtlang huapa neih niin Pu F Malsawmtluanga VCP & Jubilee Organising Chairman in a kaihruai a, Pu T Lalthanzama Headmaster Govt M/S in hunserh a hmang a, Vangchhe High School chanchin Headmaster Vangchhe H/S &Jubilee Organising Committee Secretary Pi T Lalpekthari hnen atangin ngaihthlak a ni. Khuallian Pu Ramthanmawia bakah Champhai DEO atangin thusawi ngaihthlak a ni bawk.

Vangchhe High School hi kum 1998 ah din niin, Kum 1999 ah Permission an hmu a. Kum 2003 ah Lumpsum Grant in Aided ah hlan niin kum 2008
Adhoc Grant-in- Aided ah hlan kai leh a ni. He School atang hian Zirlai 160 in HSLC Exam hmachhawnin heng zinga Zirlai 114 in HSLC an passed chhuak tawh a ni.

Nimin khan Sesih khua in an khawtlang tana hna thawhte avangin East Tuipui bialtu MLA Pu Ramthanmawia hnena lawmthusawina leh chawimawina hun an nei bawk. Sesih khawtlangin he hun hi an hlut hle a. Sesih Community Hall-a leng lo khawp mipui kal khawmin, Tlai lamah ruai thehin hun hlimawm tak an hmang a ni.

Sesih khawtlang hruaitute chuan Sesih Khawtlang tana a hna thawh sak ropui tak takte avanga chawimawina leh lawmthu sawina hun hi buatsaih an nih thu an sawi a. Bialtu MLA Pu Ramthanmawia tluka Sesih khawtlang hmangaihtu leh duhsaktu an neih leh an rin loh thu an sawi a ni.

Pu Ramthanmawia pawhin thusawiin amah chawimawina leh lawmthu sawina hun Sesih khawtlangin an lo buatsaih chu lawmawm a tih rualin phulo a in tih thu sawiin he hun in lo buatsaih hian nasa leh zual zawka Sesih khawtlan tana tan la turin min fuiha, nangni nen tangrualin Sesih khawtlang hian hmasawnna tam tak kan sual chhuah zel ka beisei a ni a ti a. Politics ruihchilhna bansanin tu nge kan khawtlang tan tha ber anga min hmangaih ber ang tih ngaihtuah chungin tawngtaina nen vote i thlak thin ang u a ti bawk.

Pu Ramthanmawia hi MNF Gen Hrqs hruaitu Pu R. Lalthansanga, Gen Secretary , Pu PB Lalduhawma Secretary, Pu C Lalropeka Secretary, Pu C Vanlalhmachhuana Jt Secretary ten an tawiawm a ni.

Sd/-
(F LALBIAKZAMA)
Secretary
Media & Publicity Department
Mizo National Front
Memo No.MNF/Media/04/2023/673
Dt 26.4.2023

Leave a Reply

Your email address will not be published. Required fields are marked *