Mizo National Front
General Headquarters
Mizoram : Aizawl
Press Release
VAIRENGTE H/S -II PASS LAWMNA BIALTU MLA-IN HMANPUI
Vawiin 23.5.2023 (Thawhlehni) chawhma dar 11:00am hian Serlui Bialtu MLA Pu Lalrinsanga Ralte chuan
Vairengte High School -II Matric (HSLC) Pass tharte lawmpuina hun a hmanpui.
Matric Pass tharte lawmpuitu bialtu MLA, Pu Lalrinsanga Ralte chuan Vairengte High School -II chu Adhoc Aided School niin zirtirtu te inpekna leh thawhrinna avangin result duhawm tak an nei thei chu lawmawm a tih thu a sawi a. Distiction hial an awm chu ropui a tih thu a sawi bawk. Exam hmachhawntu School naupang 53 zingah zirlai 46 an pass thei leh, Pass Percentage 86.79% a tling thei chu an School Record ropui tak a nih thu a sawi. Pu Lalrinsanga chuan, kum danga a lo tih ṭhin dan angin serlui Bial chhung school aṭanga Distinction-a Pass te chu Laptop a pêk zêl tur thu leh, Serlui MLA Bial chhûng aṭanga Matric Top Ten-a lang pha te chu Scooty a lei sak zel tur thu a sawi bawk.
Serlui bialtu MLA chuan High School -II chu kum 1992-a din tawh ni mah se, MNF Sorkarah malsawmna an dawng ṭhin tih a sawi a. Private School aṭangin kum 2003-ah Lumpsum Grand in-Aid-ah dah a nih thu leh MNF Sorkar ah vek, kum 2008 khan dinhmun ṭha zawk Adhoc Aided School ah hlankai leh a nih thu a sawi a. Tunah hian MNF Sorkarin School engemawzat Provincialise a tum a, chumia tel ve ngei tur chuan theihtawp kan chhuah a, a hlawhtlin ngei theihna turin nasa lehzualin ka umzui dawn a ni, a ti.
Pu Lalrinsanga Ralte chuan Assam nen ramri buaina kan neihin khaw pawimawh chu Vairengte a ni a. Covid-19 a lo thlen pawhin state boundary-a awm kan nih angin khaw pawimawh kan ni. Hengah te leh bial hmasawnna turah ka tlanchhe ngai lo, ka theihna apiangah hma ka hruai ve ṭhinin ka hria. Kan khawtlang leh bial mipui tana thawk tur leh rawngbawlna ‘Mission Field’ ang maiin kei leh kan chhungkua chuan kan bial hi kan thlang tawh a. Kan bial tan hian ka engkim ka hlan zel dawn a ni, a ti.
Pu Lalrinsanga Ralte MLA chuan Vairengteah College nei turin kan buaipui ngai kan ti fel thawkhat a. Session thar atan Class ṭan turin ruahmanna kan siam a. Principal tur pawh kan be fel tawh bawk a. College Session thar (July to December 2023) atan Zirtirtu hlawh zawng zawng ka tum sak vek dawn a ni, a ti bawk.
Pu Lalrinsanga MLA hian Vairengte School -II tan hian Electric Water Filter leh School Library-a dah tur lehkhabu chi hrang hrang 7 (a vaiin bu 40) leh Silpauline bakah pawisa fai cheng sing khat (₹ 10,000) a pe a ni.
Vairengte High School -II HSLC Pass tharte lawmna hun hi Pu Peter Lalchhanhima Sailo, Senior Teacher-in a kaihruai a. Pu Z. Lalremliana Headmaster leh School Managing Board Chairman Pu B. Lalnuntluanga te paw’n thu an sawi a ni.
Sd/-
(F LALBIAKZAMA)
Secretary
Media & Publicity Department
Mizo National Front
Memo No.MNF/Media/04/2023/714
Dt 23.05.2023