TUIKUM BIALAH MI THAR 283 IN MNF ZAWM THAR

Kan thu laimu chu Zofate zawng zawng insuihkhawm a ni – Er.Lalrinawma, Minister

Vawiin ni 21September, 2023 (Ningani) hian Er. Lalrinawma, Adviser MNF General Hqrs., Hon’ble Minister Social Welfare leh 27th Tuikum A/C bialtu MLA ni bawk chuan Chhiahtlang MNF Joint Committee buatsaihin Community Centre, Chhiahtlangah mithar duhawm tak tak, Congress aṭangin voter 156, ZPM aṭangin voter 39, Neutral aṭangin mi 23, PC aṭangin voter 3 leh BJP aṭangin voter 2, an vaiin voter 283 MNF-ah Pathian leh kan ram tana thawk turin a lawmlut.

Er. Lalrinawma chuan thusawiin, MNF chu Mizo nationalism kengtu kan ni a, kan hnam, kan ram leh kan sakhua a him zelna tura thawktu kan ni. Kan innghahna thupui chu Pathian leh kan ram tan, tih a ni Pathianin Kan party hi min hruai zel dawn a ni a, han kal sual chang han nei mahila, Pathianin min hruai zel avangin kan kang leh thin a ni a ti.

Pu Rinawma chuan, ‘Eng eng emaw harsatna neuh neuh karah kan hotute’n ngaihtuahna fim tak karah ruahmanna an siam a. Vawiin ni chuan kan Party-in sân lam a pan chho ta zel a. Hnam Party kan nihna hi a hlu in a pawimawh em em a ni’ a ti. Kan thu laimu chu Zofate zawng zawng suihkhawm a ni. Burma lama kan unau te, Bangladesh lama kan unau te, Manipur lama kan unaute’n harsatna an han tawk a. Chutah chiah chu kan Party thuthlung chu vawng rengin kan kalpui ta a. MNF Sorkar kaltlangin Zofate suihkhawm zai relin a awm chho mek zel a ni, a ti bawk. Covid a lo leng a, Biak In zawng zawng khar a ni a, kan nunphung leh khawsak phung a buai a ni. Khawchhak lamah Lirte a lo nghing a, Inte pawh a sawichhia a ni. Chutih laiin vawk hri a lo leng a, kan ram economy a sawichhiat dan chu rapthlak tak a ni. Chumai a ni lo, ramri avanga buaina nen silai hial hmehpuah a ni a. Chutiang harsatna hrang hrang karah chuan kan Chief Minister kaihhruaina hnuaiah hmasawnna hrang hrang nen vawiin ni hi kan thleng thei a ni, a ti. Inthlan kan lo hmachhawn leh dawn ta a, harsatna hrang hrang kan hmachhawn karah Pathianin hun ṭha hi min pe leh dawn a ni tih hi ka ring tlat a. Chumi atan chuan taima takin theihtawp kan chhuah tlang leh dawn a ni, a ti bawk.

He hun hi Pu T. Sangzuala, MNF Tuikum Block President-in a kaihruai in, Evan H. Lalngaihzuala an hunserh a hmang a ,Pu R. Lalremchhunga’n lawmthu sawina in hun a khar a ni.Khuallian hi MNF General Hqrs. atangin hruaitu thahnem takin an tawiawm bawk a. Tlaiah Mithar lawmluh te pualin chawhlui kilhona ruaipui buatsaih a ni bawk.

Sd/-

(LALTHAKIMA)

Jt Secretary

Media & Publicity Department

Mizo National Front

Memo No.MNF/Media/04/2023/851.

Dt.21.09.2023