Mizo National Front
General Headquarter
Mizoram : Aizawl

PRESS RELEASE

Vawiin ni 18, July 2022 (Thawhtanni) hian Mizo Hnam Run-ah chhung inkhawm neih a ni a, he hunah hian Pu Vanlalzawma Ex-MP, MNF Vice President ni bawk chuan thu a sawi.
Pu Vanlalzawma chuan khawvel changkang tawh zia sawiin, social media kan hman nasat tawh zia leh awmhmun leh mut hmun atang pawhin politic a khelh theih thu a sawi a, Internet khawvelah kan cheng tawh a, tute emaw party-in thu tawi te te hmangin thu diklo thehdarhna kawngah tan an la nasa tawh em em a. An thu post hi mipui ten thu dik zik tluak a ni em? tih kan hriat chian a pawimawh a ni, a ti.

Pu Zawma chuan, ramdang thlirin Singapore ram hruaitute an tlak theih miah loh nachhan leh an chak zel nachhan a sawi a, an party inkaihhruaina a that zia leh an beih nasat zia a sawi a. Chuvangin, MNF party pawh hi kan thawh hona a that a, theih tawp a kan tan tlan chuan kan tlin lohna chhan tur a awm lo a ni a ti. Kan hruaitu hmasaten thih ngam lu puin chawi ei hman lo in theih tawp in kan ram leh hnam tan an bei a, an hmalakna te zah tak chungin an hnung kan zui zel dawn a ni, a ti.

MNF Vice President chuan, MNF party chu kan hawiherah leh kan nihnaah kan chian a, kan party zah pui lo a, kawng engkimah miten min hriat nalh nalh theih tur a kan awm a pawi mawh hle a. Kan hnathawh pawh party then khat hmalak aiin a that zia hmuh tur tam tak a awm bawk tur a ni, a ti a. Contract leh hnathawh ringawt beisei lo a, MNF tana dinga Pathian leh kan ram tan theih tawpin tan kan la ang a, mipui duhsakna in kan tlin leh ngei ka ring a ni, a ti bawk.

Chhung Inkhawm hi Pu BC Biakngura, Gen.Secy. MNF Gen. Hqrs. chuan kaihruaiin, Upa Denghmingthanga Adviser chuan hunserh a hmang a. Pu David R. Lalsawmtluanga Secy leh Vanlalhriatrenga Jt.Secy. MNF Gen. Hqrs hnen atangin MNF Legal Board hmalakna leh zin Report ngaihthlak a ni bawk.

Sd/-
LALTHAKIMA
Joint Secretary
Media & Publicity Dept.
Mizo National Front
Memo No.MNF/Media/03/2022/471
Dt.18.07.2022