MARCH 1

Mizo National Day – MARCH NI 1, 1966: Tharum thawh lova MNF–ten zalenna atana an beihna chu nuai chimit turin India sorkar chuan 18th Assam Rifle Bn. leh a dangte Mizoram–ah a rawn tirh lut belh ta zel a. Tichuan MNF hruaitute chuan March ni 1, 1966 khan Mizoram chu India awpbehna hnuai atanga zalenna neia mahni kea a lo din theihnan Independence (self declaration of Independence) an puang ta a. Chu Thupuanchhuahah chuan MNF hruaitu mi 61 ten Mizo mipuite aiawhin hming an ziak (signed) a, anni ho hi signatories kan tih te chu an lo ni ta a ni. Hemi ni hi Mizoram Independance Day tih a ni thina a, tunhnu ah hian  Mizo National Day tia hman a ni zui ta ani.

Tichuan MNF Volunteer–te chuan Mizoram–a India Sipai Hqrs. leh post hrang hrangte chu lak tumin Feb. 28, 1966 zanlai dar 12 chu Zero Hour a hmangin an bei ta a. Camp engemawzat chu lain silai leh a mu tam tak an man a ni. Tin, Treasury te pawh beiin pawisa engemawzat an la bawk a ni. Silchar lam atangin India sipai tam zawk lo chhoin Mizoram chu zalenna suala indona chuan a chilh hnan ta a.