Mizo National Front
General Headquarters
Mizoram : Aizawl
Press Release
SORKAR HNA CHAUH NI LO, BUSINESS LEH ENTREPRENEURHIP LAMA HLAWHTING TUR CHUAN TAIMAKNA LEH REMHRIATNA A NGAI : Prof.F.Lalnunmawia, MLA.
June ni 20, 2023 (Thawhleh) zan khan Melthum leh Hlimen veng aṭanga kum 2023 HSLC & HSSLC Exam a pass-te lawmpuina hun chu Aizawl South III Bialtu MLA Prof.F.Lalnunmawia hova hman a ni.
He lawmpuina hun, Melthum Vantlang In leh Hlimen Presbyterian Kohhran Hall-a neihah hian Prof.F.Lalnunmawia hian HSLC leh HSSLC pass tharte hnenah lawmpuina citation a hlan a ni. Bialtu MLA chuan Hlimen leh Melthum bakah Aizawl South III bial chhung veng leh khaw hrang hrang atanga HSLC leh HSSLC Pass tharte chu a lawmpui takzet tih a sawi.
Prof Mawitea MLA chuan “Kumin HSSLC Exam-ah Class 12 (Arts) ah Hlimen atangin Topper bakah midang tha tak taka pass kan nei hi a ropui hle a. Central Service leh State Civil Service bakah sorkar hna ṭha tak thawk thei turin in tlin lohna tur bik a awm lo, tun aṭanga tih tak takna nena in beih phawt chuan in la hlawhtling ngei ang tih ka ring. Tun atanga kum 7/8 velah chuan kan bial aṭang hian Officer engemaw zat kan neih belh ngei ka beisei a ni” a ti.
“Vawiina zirlaite hi in nu leh pa te bakah khawtlang, ram leh hnam hmachhuan in ni tih hrerengin, chhawr tlak leh innghahna tlak ni ngei turin inbuatsaih ang che u” tiin Pathian ṭihna nen theihtawp chhuah turin a chah a ni.
Aizawl South III Bialtu MLA chuan, “Sorkar hna chauh nilo, Business leh Entrepreneurship lamah pawh hlawhtling tur chuan taimakna leh remhriatna a ngai a, mahni tui zawng hriat chian a tul hle a ni,” a ti a. Zirlaite chu tun aṭanga nih tum mumal tak nei tura chahin, zirlaite chu hriselna tichhetu ruihhlo, zuk leh hmuam laka inthiar fihlim turin a chah bawk a ni.
Hlimen a zirlai pass thar te lawmpuina hun hi Pu Lalhmingliana Local Council Chairman-in kaihruaiin Melthumah hian Pu Dengrotluanga MNF Unit President in kaihruai thung a ni.
Sd/-
(R.LALHMANGAIHA)
Secretary
Media & Publicity Deptt
Mizo National Front
Memo No.MNF/Media/04/2023/748
Dt.21.06.2023