Mizo National Front
General Headquarters
Mizoram : Aizawl

Press Release

‘Sorkar duh vang ringawta Zoram chhe lailet der anga inpuh hi sim ang u’-Er.R. Rohmingliana, MLA

Vawiin March ni 15, 2024 (Zirtawpni) hian Mizo Hnam Run chhung inkhawm neih a ni a. Hun hnihna political session-ah Er.R.Rohmingliana MLA chuan 9th Mizoram Assembly Budget Session report pein, tun tum Budget Session kha mipuiin an en nasat thu a sawi a. Quiz ni ta se, MNF MLA-ten an chhan dik nasat tur thu leh ZPM MLA-ten an chhan dikloh nasat tur thu a sawi. Budget kha kum 2024-2025 atan cheng vbc 14412 a ni a, hmuh tur leh hmanral tur zat a inang thlap tur a ni, a ti.

Sorkar duh vang ringawta Zoram chhe lailet der anga inpuh hi sim ang u, thangtharte moral tihchhiatna a ni, sorkar kal tawh zawng zawngten theihtawp an chhuah vek a ni. Kan ram than chhohna turin dawtsawi mam tumte hi sim tawh ang u. Hniak phawi map lova dawtsawi house leader kan nei kha a zahthlak a. Kan Mizo pui IR police-te pawh ‘ kan ta a ni lo’ tihte kha a pawi hle a ni. Home Minister-in House ah Jail tangte a sawi dan pawh kha a nuihzat thlak hle a ni, a ti bawk.

Pu Lalrintluanga Sailo resolution putluh, ‘Mizoram sorkar hian MSSSB thiah a tum hi ennawn ni rawh se’ tih chu debate-ah chuan kan hneh a, vote-ah kan hneh lo a. Chutiang bawkin, ‘Mizoram sorkarin ni 100 chhunga a thawh hi ropui kan ti’ tih rulling lam put luh pawh debate-ah chuan kan hneh a, vote-ah kan hneh lo, a ti. Stamp Act amendment 3% a tihsan kha keini chuan kan duh lo a, sang over kan ti hle a ni, a ti bawk.

Pu Rohminga chuan, “MNF sorkarah khan CM-in Adviser 2 a nei a, ZPM sorkar thar inrenchem sawi reng si hian CM-in Adviser 5 lai a nei a, sawi loh ang zelin an awm a ni. Sorkar tharah mipuiin beiseina sang tak nen an thlir thup a, hmunphiah chungchangah a chingtute an tibeidawng nasa hle a. Cheng vbc 200 chiah thlai thar lei nan budget tharah an dah a, an flagship programme berah an dah tlem hle a. MNF sorkar hnutchhiah thlai thar lei nan cheng vbc 110 leh health care-ah cheng vbc 40-te hi kan hotute kutchhuak vek a ni,” a ti a. Mit thi ruang phurh nan cheng vbc 5 leh old age pension cheng 100 atanga 1000 ah an tipung erawh a lawmawm hle a ti. Gender budget a hrana an dah hi chu Central-in ti tura a tih vang a ni, a ti bawk

He hun hi Pu K.Vanlalauva Adviser, MNF General Headquarters chuan kaihruaiin, Upa Dr.H.Lallenmawia, Adviser, MNF General Headquarters chuan hunserh a hmang.

Sd/-(R.LALHMANGAIHA)
Secretary
Media & Publicity Deptt
Mizo National Front
Memo No.40/2024
Dt.15.03.2024