Mizo National Front
General Headquarters
Mizoram : Aizawl
Press Release
*DISTRICT COUNCIL AREA A MLA SEAT 5 AWM HI MNF IN LAK VEK TUM ANG U* – RRR
27.4.23: Vawiin hian Lawngtlai East bial chhunga North leh South Block Joint Conference, Sangau-III Community Hall-a neih chu DCMA Minister Pu Robert Romawia Royte leh Bialtu MLA Dy Speaker Pu H.Biakzaua ten an hmanpui a ni.
Khuallian MNF Adviser Pu Robert Romawia Royte chuan thusawiin Lawngtlai East mipuite chu Bialtu MLA tha tak Pu H.Biakzaua an neih avangin bial mipuite a lawmpui thu a sawi a. Chief Minister in a rin ngam Dy Speaker a a ruat hian he bialin term tharah pawh hmabak duhawm tak in nei dawn tih a tilang a ni, a ti.
Minority Affairs Minister Pu Roberta chuan MNF leh India sorkar Inremna thuthlungah pawh Mizoram a minority te hmasawnna ngaihtuah chu MNF duh anga ziahlan a ni a, Pu Zoramthanga kaihhruai sorkarin kum 4 chhunga ADC area chhunga hmasawnna hnathawhte a ropui a, MNF Election Manifesto 2018 tihhlawhtlinna a ni.
MNF Adviser chuan kum tawpa MLA election lo awm turah hian 6th Schedule area a MLA bial 5 hi MNF in kan lak vek theihnan theihtawp chhuah vek ang u, heng bial 5 ah te hian MNF chance a tha em em a ni a ti. Sports Minister nibawk chuan Lawngtlai district hmasawnnan a department kaltlangin Rs 13000 lakh chuangin hna a thawk ve tih a sawi.
Bialtu MLA & Dy Speaker Pu H.Biakzaua pawhin thusawiin a bial mipuiten amah an finchhuahna leh tawiawmnaah lawmthu a sawi a. Bial mipuite hmasawnna atan theihtawp a chhuah zel tur thu a sawi.
Thusawitu dang Pu Lalzahawma Chinzah President MNF Lawngtlai District Hqrs chuan Lawngtlai West bial hi kumin kumtawp atangin MNF MLA kutah a awm dawn chiang a, Lawngtlai East bial pawh MNF tan bial him a ni bawk.
CM zahawm takin Pu H.Biakzaua Dy Speaker a a chawisan avangin CM chungah Lairam mipuiin lawmthu kan sawi a ni a ti.
He Conference ah hian Mizoram kaihhruai tura CM Pu Zoramthanga sorkar leh an bialtu Pu H.Biakzaua rintawkna leh 2023 kumtawp election a hneh taka a tlin theihnan theihtawp chhuah zui turin resolution an passed a. Pu Nolo Solo,Siaha Dist MNF President, MDCs te leh LADC a EMs te leh MDCs te bakah palai 1500 chuan an pungkhawm a ni.
Sd/-
(LALTHAKIMA)
Joint Secretary
Media & Publicity Department
Mizo National Front
Memo No.MNF/Media/04/2023/680
Dt 27.4.2023