Mizo National front
General Headquarters
Mizoram : Aizawl
Press Release
HMUNPUI RAMAH RAW CHI THA KUNG SING NGA CHUANG A PUITLING MEK
Vawiin ni 14.02.2023 Thawhlehni khan Ex-MNA Multi-Purpose Cooperative Society hmalakna – Hmunpui rama Ex MNA Bamboo Plantation tlawh a ni a. He hunah hian Ex-MNA hruaitu, MNF Media Dept aiawh leh Journalist thenkhatten an kal a, mau kung sing nga sang nga chuang a to tawh a, a puitling mek tih a hmunah an finfiah.
Hmunpui rama bamboo plantation hi hectare 170-a zau a ni a. Ex-MNA Multi-Purpose Cooperative Society chuan a tirah mau kung 80,000 vel an phun atangin kung dam, puitling mek 55,000 – 60,000 inkar a awm a, mau chi hi D. Brandisii leh D. Sikkimensis niin, July 2021 khan an phun tan a ni.
Tunhnai khan MPCC-ten he lai hmun chungchangah bamboo plantation area chhung luhchilh tak tak lovin – a ram hmawr, huan lu lam hmun sam fai lai thla lain ‘mau phun puitling a awm lo, sum siamna mai a ni’ an ti a. Tin, ZPM-te pawhin a hmun tak tak lut lova an ralkhat beih avangin February ni 14, 2023 hian Ex-MNA, MNF Media & Publicity Dept aiawh leh Journalist-te chu a hmunah kalin mau hmun hi an tlawh a, a hmun enkawltute sawi angin mau phun nung – puitling mek kung 55,000 chuang a awm tih finfiahin, a hmunhmate an tlawhho bawk a ni.
Bamboo plantation enkawltute sawi danin mau nghah puitlin chhungin bamboo shoot preservation atan khawl bun tura ruahman a ni a, rawtuai tin siam thlengin hmachhawp a ni a. Hei bakah charcoal briquette siamna khawl bul tum a ni a, hemi atang hian mau vinegar lain damdawi atan hman tum a nih thu an sawi a. Rua hi a puitlin tak tak hunah chuan bamboo processing industry din tura hmachhawp a ni a, Central sorkar lam pawh biak an ni tawh tih an sawi bawk.
Hmunpui ram bamboo plantation tlawhnaah hian Ex-MNA President Pu C. Zama, GS pahnih – Pu Lalsangzuala leh Pu VL Rengliana-te bakah, MNF Media & Publicity atangin Pu VL Krosshnehzova, GS leh hruaitu dangte an tel bawk a. Journalist engemaw zat an tel bawk a ni.
Sd/-
(MALSAWMPUIA RALTE)
Jt. Secretary
Media & Publicity Department
Mizo National Front
Memo No. MNF/Media/04/2023/603
Dt. 14.02.2023