Mizo National Front
General Headquarters
Mizoram : Aizawl
Press Release
PU ZOTHANTLUANGA’N PTC LUNGVERH TO SAKAWRTUICHHUN ROAD SIAM MEK A TLAWH
Vawiin 21.6.2023 hian Pu Zothantluanga (Valtea) MLA chuan a bial chhunga hnathawh mek PTC lungverh (Sahuan) atanga Sakawrtuichhun kawng PCC Bypass road siam mek chu a hmunah tlawh a, a thawktu RATNA Company hotute leh Pu Stephen Vanlalpianpuia JE PWD ten an lo dawngsawng a ni.
Pu Valtea chuan RATNA Company te hnathawh tawh chu tha a tih thu sawiin tha tak a thawk zel turin a chah a. PTC atanga Company peng inkar leilung chhiatna avang a harsatna awm thinah pawh he lai kawng pawimawh zia kan hmu a, kan bial chhung chauh pawh ni lo, Zoram mipui tan a kawng pawimawh zingah a tel a ni, a ti.
Pu Valtea chuan, “Airport panna kawng leh Mizoramin ei bar phai atanga kan chawk luhna kawng pui ber Company peng atanga PTC inkar kawngpui hi chhiatna hrang hrang avang a kawng block a awm palh thin, chutiang chhiatna a lo thlen thilah chuan he lai kawng hi kan luhka a nih tel avangin ka ngai pawimawh em em a, SASCI phase hmasaah kan siam ta a ni. He lai kawng hi KM 7 zet a thui a ni a, tunah hian KM 3 siam a ni dawn a, SASCI atang bawk hian heng thawh hmabak zawng hi siam tur a ruahman a ni tawh bawk a ni,” a ti.
He lai kawng siam mektuten MLA bula harsatna an lo thlen zingah hna thawh laklawh lai a road block chu mi thenkhat ten an paltlang lui ṭhin tih an sawi a. Hei hian kawng quality a tih that loh thin thu te, heng bakah kawngpui siamna a tan a an hman side shuttering chu 28 lai mai, Rs nuai 1.8 man zet an ruk bo sak avang a an hna a khaihlak thu an sawi a. Zonuam Outpost-ah FIR an thehluh tawh thu te hrilhin, mipuite pawn heng thil bo hi lo thli thlai sak turin ngenna an siam nghal bawk a ni.
Kawngpui pangngai a tlang tawh avangin he lai kawng hi hnathawh zawm leh tur a ruahman a ni a, labour te pawh chah belh niin road block turin thuneihtute hnenah thlen a ni.
Pu Valtea MLA hi a bial chhung MNF hruaitu ten an tawiawm a ni.
Sd/-
(THANGKIMA)
Secretary
Media & Publicity Department
Mizo National Front
Memo No.MNF/Media/04/2023/747
Dt 21.06.2023