Mizo National Front
General Headquarters
Mizoram : Aizawl

Press Release

PU ZORAMTHANGA’N SERIOUS CRIMINAL CASE A NEI LO

Dt 13.04.2023-a ZONET chanchin thar-in a puan, NGO pakhat Association for Democratic Reforms ADR) ten India rama State Chief Minister hrang hrangte sum lakluh leh thubuai an neih theih dan a zirchiannaah, Mizoram Chief Minister Pu Zoramthanga chu serious criminal case nei angin tarlan a ni a. ZONET chanchin thar puan, ADR zirchianna hi thu belh chian dawl lo a ni tih MNF chuan kan sawi duh a ni.

Mi thenkhat ten thu belhchian dawl lo hmanga kan ram hruaitute tih mualpho tum a, kawng hranga an beihna te kan Chief Minister ngei pawh hian nasa takin a tawk thin a. Chuti chungin, an puh hmingchhiat tumnaah court in thiam a chan tir daih tawh avangin tunah hian eng Serious Criminal Case mah a nei lo a. Chief Minister hi NGO/ARD thenkhat ten puh hmingchhiat tum thin mahse Pathian leh kan ram tan theih tawp chhuahin chak takin ram leh hnam a kaihhruaina hnuaiah Mizoramin hmasawnna rahbi a chuang kai mek zel a ni.

Pu Zoramthanga MNF President leh Chief Minister ni bawk hian dawt leh tih hmingchhiat tumna hrang hrang karah eng thubuai mah a nei lo tih mipuite kan hriattirin kan puang e.

Sd/-
(VL KROSSHNEHZOVA)
General Secretary
Media & Publicity Department
Mizo National Front
Memo No.MNF/Media/04/2023/657