Mizo National Front
General Headquarters
Mizoram : Aizawl
Press Release
MNF President, kan Chief Minister Pu Zoramthanga hi Hnam Movement keng chhuaktu a ni
-F.Aithanga PAC
Vawiin May ni 1, 2023 Thawhtanni hian Mizo Hnam Runah chhung Inkhawm neih a ni a, hun hnihna ah Pu F.Aithanga, Political Affairs Committee(PAC ), MNF General Headquarters chuan thusawiin, kan hun tawn hi ngaihtuah chian in Zoram mipuite hi kan ngawih mai mai a hun tawh lo a ni ati.
Pu F.Aithanga chuan, Remna Ni kan neih chhan pawimawhna hi mipuiten kan hriatchian atul a, Remna ni hi ‘Mizo National Movement in a hrin chhuah a ni’ a ti a; March ni 1, 1966-ah Mizo hnam a dinchhuaha alo zalen theihna atana bei turin Pu Laldenga, MNF President kaihhruaina in Independence puan a ni a, an rammu ta a.
Hei hi India chuan ‘helna’ (Insurgency) tiin kan Hnam Movement chu nuai chimih tumin sipai chakna (strong arm policy) hmangin a rawn bei let ta a. Mizoram chu indona leh harsatna nasa takin alo tlak buak ta a, chutihkarah chuan MNF te pawh an damkhaw chhuak (survive) thei zel a; a chhan chu khatih lai hunah khan Mizoram MLA Seat Pathum (3)-ah MNF ten MLA 2 an nei a, hei hi Politics ah popular support an nei tihna a ni a, mipui thlawpna an nei a ni, a ti a.
PAC member chuan Zoram ah hian Party hrang hrang a ding tawh a, MNF te Congress te, ZPM te leh BJP etc. te a ding a, heng Party hrang hrangah hian MNF tih loh chu nihna inchuh in an talbuai mek a ni. MNF erawh chu kan zoram khai chhuaktu leh sulsu pawimawh tak chelh tu a ni a, MNF hi a tlu chhe mai mai dawn lo a, Pathian hruaina hmang a Zalenna hruaitu dik tak a ni, a ti a.
Pu F.Aithanga chuan, MNF avangin zoram atanga state inkalpawhna kawng zawng zawng te a tlang vek a, MNF avangin khualkhua atangin kan inkalpawh zung zung thei tawh ani ati, Tun MNF sorkar kan ministry-ah pawh kan sorkar chhungin Covid in min tibuai mahse, kan Manifesto zawng zawng deuh thaw kan ti hlawhtling deuh vek tawh ani, a ti a. MNF President, kan Chief Minister, Pu Zoramthanga hi Hnam Movement keng chhuaktu Pathian tih mi a nih avangin Pathian pawhin ahmang nasa em em a, Hnam boral mai hi a phal lova, chuvangin Hnam zalenna sualtu Hnam Movement keng tlat tu te pawh hi mipuiten kan hriat a tul hle a ni ati bawk
Mizo Hnam run chhung inkhawm hi Pu T. Lalengthanga Adviser MNF Gen.Hqrs in a kaihruai a, Pu BC. Biakngura General Secretary MNF Gen.Hqrs chuan hunserh a hmang bawk.
Sd/-
LALTHAKIMA
Joint Secretary
Media & Publicity Dept.
Mizo National Front
Memo No. MNF/Media/04/2023/683
Dt. 01.05.2023