Mizo National Front
General Headquarters
Mizoram : Aizawl

Press Release

PU LALRUATKIMA’N A BIAL CHHUNG A TLAWH

“He sorkar hian kan hnam, kan sakhua himna leh ram hmasawnna hi a vei ber a ni”

Dt 27.4.2023 (Ningani) hian Pu Lalruatkima, I&PR Minister, Aizawl West II bialtu MLA ni bawk chuan a bial chhung Tuikual South a tlawh a. Tuikual South huam chhunga NGO hrang hrang hruaitu, VC leh MNF Party hruaitute hmasawnna hna thawh turte an enho a, a kalpui dan tur an sawiho a ni.

Pu Lalruatkima leh khawtlang hruaitute hian Tuikual lui kama Ralliana Basketball Court leh Rokunga Volleyball Court siam that dan tur an sawiho a. He hmunah hian Mini Sport Complex siam a, lian tham deuh zawka hmalak hmalakna kalpui an rel a. Chak taka hmalakna kalpui zui nghal nise an ti a, estimate-te siam fel a, hna tan nghal thuai tura tihtluk a ni.

Hemi hnu hian Tuikual South leh Khatla inrina ‘Char number tuikhur’ bawr vela hmasawnna hna kalpui dan tur an sawiho a. A rang thei ang bera hmalak nise, tih an rel bawk a ni.

He hmunah hian Pu Lalruatkima chuan thusawiin, “Mizoram hmun hrang hrangah hmasawnna hna kalpui mek zel a ni a, MLA bial hrang hranga khua leh veng hrang hrangte tuam mek zel a ni. He sorkar hian kan hnam, kan sakhua himna leh ram hmasawnna hi a vei ber a ni. Chu a thil vei tihlawhtling tur chuan theih tawpin hma lak mek zel a ni a, a rahchhuah pawh kan hmu tam tawh hle a, kan la hmu zel ang,” a ti.

Sd/-
(F LALBIAKZAMA)
Secretary
Media & Publicity Department
Mizo National Front
Memo No.MNF/Media/04/2023/676
Dt 27.4.2023