MNF Senior Vice President Dr R. Lalthangliana MLA chuan vawiin April ni 2, 2026 (Ningani) zing kar khan AMC election campaign-in Ward No 10, Pu TC. Pachhunga In Zotlangah te, vawiin chawhnu hian Ward No- 8 & 9, Saron veng Local Council Hall-ah leh nimin chawhnu khan ward No.4, Ramhlun South Local Council House-a MNF hruaitu kalkhawmte hmaah thu a sawi.

Dr R. Lalthangliana chuan ZPM kum hnih leh a chanve dawn sorkarah thil thleng danglam tak chu an sorkarna hnuaia inthlan awmah an tlak deuh zel thu a sawi. MNF leh Congress sorkar lai khan VC/LC leh inthlan hrang hrangah sorkar lai party chuan 70% chin emaw, a aia sang an lak zel chungchang te, Covid lai khan MNF chuan Local Council 85 awmah 78 an lak thu a sawi bawk.

Dr. Thangtea chuan, "ZPM sorkar hlimah Sinlung Hills Council inthlanah MNF kan sorkar a, VC leh LC term an duh danin thla 6 in min pawh tawisak a, chance nei tha an intih lai berin kan inthlang a, 50% pawh an la tling mumal lo, Dampa by-election result kan hria a, Phunchawng LC seat 5 awmah seat 4 MNF-in kan la a, nikum kum tawpah LADC-ah MNF-in seat kan la tam ber a, ZPM chu pathumna an ni. Tun hnaiah Zemabawk West Local Council thar an siam a, vote pawh 900 chuang vel chauh awmnaah chhungkaw 100 zet, In hmun tihfelsak tiamin CM leh Revenue Minister-in an thutchilh reng a, hengah hi chuan ZPM chu an vaia tlin vek awm tak, party dang pawhin chuh loh law lawna tham a ni a, an solid lo kha mipui mak tih a hlawh hle a. AMC inthlan tur nen inzawmna a nei lo a, he lai chu lawmthusawi inthlanna mai a ni e," a ti bawk.

Dr. Thangtea hian Zemabawk West LC inthlan ruala inthlang ve tho, Hachhek bial chhunga New Kawnpui Sub-Village Council election seat 3 awmnaah ZPM an nil thu leh MNF an solid thu a sawi a. ZPM sorkar hnua inthlan awm tawhna hrang hrangah MNF-in hnehna vawi-9, ZPM-in vawi-3 leh BIP-in hnehna vawi-1 an chan tawh thu a sawi bawk. Heng thil lo thlenna chhan hrang hrang khaikhawmna chu Mizo mipuiten kan enchhin fuh lo hle tih an hmu chiang a, inthlan awm apiangah mipuiin an hnawl zel a ni, a ti.

(R. LALHMANGAIHA)

Secretary

Media & Publicity Deptt: Mizo National Front

Memo No.460/2026/ Dt.02.04.2026