Press Satement of R Lalnunthari (Nunui Rualhleng), MNF AMC Candidate 11th, April 2026@Aizawl Press Club

Kan hriat angin Aizawl Municipal Corporation (AMC) inthlan chu kan lo hnaih ta hle a. MNF Party chuan theih tawp chhuahin hnehna chan tumin thianghlim tak leh rim takin a thawk mek a ni.

MNF chuan Aizawl hi hawisan kan tum lo a. Kan tum lo mai ni lovin, Aizawl hmasawn zawk, changkang zawk leh mipui mimir hrim hrim pawh dinhmun sang zawka hlankai tumin kan inruahman a ni.

AMC Election 2026-ah hian MNF Party-in Pathian leh mipuite zara sorkarna a siam chhunzawm leh a nih chuan Aizawl khawpui enkawl tura hmalak a tum dan pawimawh zualte chu hengte hi a ni:

1. AMC Inrelbawlna (Administration): AMC inrelbawlna tha zawk leh chak zawk siam tum a ni ang. Local Council leh Ward Committee-te mawhphurhna a lo mumal zawk theih nan ruahmanna siam a ni ang.

2. Kut tling leh belhchian dawla hna thawh: AMC hnuaia Deve-lopment hnathawh reng reng kut tling leh mawi, belhchian dawl a nih zel theih nan hmalak chhunzawm a ni ang.

3. AMC chak leh langtlanga hna thawh (transparent and efficient governance): AMC sorkar chak zawk leh langtlang din chhunzawm tum a ni a, thawktu indaih loh vanga hna muang thin tih ziaawm a nih theih nan thawktu lak belh tum a ni ang.

4. Aizawl khawpui chhunga chengte chhinchhiah: AMC huam chhungah khualzin leh pem lut kan pun zel avangin mumal zawka inawpna kan neih theih nan Aizawl khawpuia cheng dik takte chhinchhiahna (Population Registration) uluk zawka kalpuiin - nau piang, mitthi leh pem lutte chhinchhiah a ni ang.

5. AMC Licensing Regulation 2012 ennawn: Kan ram leh hnam himna tur leh Mizo sumdawngte tana hamthatna turin AMC Licensing Regulation hi ennawn a ni ang.

6. Luikawr tha zawk (Drainage System): Aizawl khawpui veng hrang hrangte leimin leh lei tlahniam laka a him zawk nan tuihawk luankawr (Drainage System/Link drain) \ha zawk leh a khuhna (drain cover) siam belh zel tum a ni.

7. Veng hrang hranga CCTV tam zawk dah: Aizawl khawpui a lo ralmuan leh zual a, rukru leh misual laka mipuite an him nan leh hnu chhui awlsam zawk nan Local Council area hrang hrangah CCTV tam thei ang dah belh zel a ni ang.

8. Aizawl khawpui cheimawi (Aizawl Beautification): Aizawl khawpui faina leh mawina (beautification) lam hawia hmalakna kal mek chhunzawm zel a ni ang a, Aizawl khawpui kawtchhuahah Aizawl Gate mawi taka siam a ni ang.

9. Bawlhhlawh paih leh sawngbawl: Aizawl khawpui bawlh-hlawh paih leh sawngbawl lamah tan lain bawlhhlawh tihral dan mumal leh tha zawka kalpui tum a ni ang. Aizawl khawpui veng thenkhat lirthei luh theih lohnaah bawlhhlawh paih dan mumal zawk ruahman a ni ang.

10. Aizawl khawpui 'Plastic Free City' a puan tawh hi a hlawhtlin zel theih nan chak leh felfai zawka hmalak chhunzawm a ni ang.

11. Solid Waste Management: Bawlhhlawh (Solid Waste) paihna hmun siam belh tura hmalak a ni ang. Tin, bawlhlawh tawih thei hmanga lei tha (bio-fertilizer) siam tura hmalak chhunzawm zel a ni ang.

12. Ran vulh leh khuahkhirh chungchang: Ran vulh leh ran khuahkhirh chungchangah Local Council-te be rawnin mipui zawh tawka hmalak chhunzawm zel a ni ang.

13. Sa leh Thlai thianghlim zawk zawrh a nih theih nana hmalak: Mipui kan lo hrisel zawk nan Aizawl khawpuiah sa leh thlai thianghlim chauh zawrh a nih theih nan hmalak zel a ni ang.

14. Aizawl veng hrang hranga Bazar hmun tam zawk leh changtlung zawk siam: Aizawl veng tin deuh thaw hian veng chhung Inrinni zing bazar kan nei tawh a. Hei hi veng mite eizawnna leh innghahna pakhat a nih tawh avangin mipuiten awlsam zawka chawhmeh kan lei theih nan veng chhung Bazar tam zawk siam tum a ni ang.

15. Septic Tank khat tawh tih fai leh ek paihna (Disposal of Waste/Septage): Aizawl khawpuia Septic Tank khat tawh paih faina/ek paihna hmun siam belhin tuna kan neih mekte hi tih-changtlun a ni ang.

Aizawl mipuite zawng zawngte in vote hlu tak MNF min hlan theuh turin thinlung takin kan ngen che u a ni.

Issued by: MNF Publicity Board