Mizo National Front
General Headquarters
Mizoram : Aizawl
Press Releas
Political party zinga Nationalist ber chu MNF- Pu R. Lalzirliana, Adviser, MNF
Vawiin May ni 15, 2023 (Thawhtanni) hian Mizo National Front Tawi East block media & political training, Keifang YMA Zawlbukah hman a ni a. He hunah hian Pu R. Lalzirliana, Minister P&E etc, Adviser, MNF Gen Hqrs ni bawk chuan khuallian niin a hmanpui a. Thusawiin, “Party zinga nationalist ber, India pawh kap ngam MNF sorkar lai hian Pathianin thil ropui tak min tihsak a tum niin ka hria. Kan chipuite tawrh ai tuar ngam Chief Minister Pu Zoramthanga kan nei hi Zofate kan vannei hle a ni. Hun khirh tak tun term chhunga kan tawh ah, kan hotute chak hle lo se tun ai hian kan tlachhia ang,” a ti.
Pu Zira chuan, ram leh hnam chhanna kawngah kan huai tur a ni a. Kan huai ngamlo anih chuan kan dik tawklo tihna a ni. Kan dik chuan tanpuitu kan nei mai zel a. Tuna Manipur buainaah an sorkar leh official lam te an demawm hle. Manipur Zofate khi Meitei rama awm an ni lova, hmakhawsang atanga an lo awm tawhna a ni zawk a. Kan humhim tlat angai a ni, a ti.
MNF Adviser chuan, “MNF party ruhkawl hi a lian ber a, inthlanpui hmachhawn turin lungrual takin kan inbuatsaih a hun tawh a ni. Politics ah chuan mahni inhmuh dan aiin midang min hmuhdan a pawimawh ber. Party leh pawl hrang hranga kalkhawm ZPM hi an inrelbawl dan a mumal lo hle. An Chief Ministerial candidate ber pawh party-a a dinhmun a chianglo. Party President anih laiin ban a tawk tawh a, MP anih laiin ban a ni tawh bawk. ZPM hi an sawidan angin an awmlo zel a. An MLA te pawhin, designation plate an lirthei ah an tar ve reng tho a, hlawh leh hamthatna dang pawh an insawi ang niloin, midangte lak ang tho an la ve mek a ni. Sum hmachhuan ve lo tura insawi chungin sum an khawn a, sum thianghlim leh thianghlim lo thliar lovin a neinung deuh ni a langte an sawm lut mai thin. Sorkarna siam ta se, an sechal kal ngalh ngalh ang.
Vairam ang maiin tualthihna chhuichhuah loh te a thleng ta fo a. Hetianga inhnamhnawih ni a langte chu rorelna khawla an tel ve Pathianin a remtih ka ringlo. Huaisen tur chuan dik angai a ni, a ti bawk.
He training program hi Pu Lalremtluanga, Chairman, IT & Publicity, Tawi East Block chuan kaihruaiin, Pu F. Lalbiakzuala, Treasurer, IT & Publicity, Tawi East block chuan hunserh a hmang a. He hunah hian Tawi East block huamchhung atangin member thahnem tak an kal khawm a ni.
Sd/-
(PETER CHHANGTE)
Joint Secretary
Media & Publicity Deptt
Mizo National Front
Memo No.MNF/Media/04/2023/704
Dt.15.05.2023