PATHIAN LEH MIPUI ZARAH KAN SORKAR LEH NGEI KAN BEISEI: MNF PRESIDENT

Vawiin Dt 3. February 2023 hian Aizawl West Joint YMA Multipurpose Hall-ah MNF National Executive Meeting neih a ni a. He hunah hian MNF President Pu Zoramthanga chuan thusawiin, “Kum tawp lama inthlanpui kan hmachhawn turah Pathian leh mipui zarah kan sorkar leh ngei kan beisei,” a ti.

MNF President chuan, “Pathian leh mipui zarah kan sorkar leh ngei kan beisei a. Pathianin MLA ṭha tak tak 27 min pe mek a, an ni hian an bial ṭheuhah theih tawpin ṭan an la a. Hmasawnna ropui tak an kalpui mek hlawm a ni,” a ti a. “He kan ministry hi Corruption leh thil dangah mualphona lian tham kan nei lo a. Covid hripui a leng chungin hmasawnna hna nasa takin kan thawk a, chu chu mipui hian an hria a ni,” a ti.

Pu Rama chuan, “He sorkar an beihna ber financial management thiam lo, tih a ni a. Kan sawi tawh angin Covid hripui avangin kan sum hmuh tur cheng vaibelchhe 3000 chuang kan hmu lo. Hei hian harsatna nasa tak min siam a ni,” a ti.

MNF President chuan, “Kan khingpuite en hian kan sorkar leh ngei a rinawm zual a. Congress hi Central-ah an tla chhe vek tawh a, Mizoramah pawh an tlachhe tawh a. An arte lukawn thei hialin ka hria. Tling an awm pawhin an tam lovang,” a ti a. “ZPM lah nise an din tirha an sawi zawng zawng an sawi ngam tawh lo a. ‘Movement kan ni, party kan ni lo’ an ti ṭhin a, party an ni chiang ta em em a. ‘Kohhran kan unit’ an tih ṭhinte pawh an sawi ngam tawh lo. A tira an sawi uar em em tuna sawi ngam tawh loh an ngah hle a ni,” a ti bawk.

National Executive Meeting hi Pu Zoramthanga President-in a kaihruai a. MNF Headquarters term tawp tawh chu inthan kum a nih avangin pawisei tih tluk a ni. Resolution 6 pass a ni bawk a ni.

Sd/-

(LALLENMAWIA JONGTE)
Secretary
Media & Publicity Department
Mizo National Front
Memo No.MNF/Media/04/2022/597
Dt.03.02.2022.

MIZO NATIONAL FRONT: GENERAL HEADQUARTERS
AIZAWL, MIZORAM

RESOLUTION

Ni 3.2.2023 a MNF Gen. Hqrs. National Executive Members Meeting, Jt.YMA Multipurpose Hall, Vaivakawn a neih chuan a hnuaia Resolution hi lungrual takin kan pass.

1. Khawvel pum Covid hripui lengin a tihbuai laia Mizoram Sawrkar Pu Zoramthanga kaihhruaiin rang taka hma la a, Pathian au chunga remhre taka Kohhran leh tlawmngai Pawl te thawhpui a, inven dan tur fel tak a duan vangin nasa lutuk lova hripui kan tuar ta hi a lawmawm kan tiin, chhuanawm kan ti a. Hripui leng kara inkalpawh hleih theih lova kan awm chung pawha nitin mamawh, ei leh bar, oil leh gas thleng pawha harsa lutuk lova
vawiin kan thleng thei hi lawmawm kan tiin, kan chhuang takzet a ni. He hripui dona a tha leh zung, sum leh pai seng a thawktu zawng zawng chungah lawmthu kan sawi a. Hripuiin min kiansan mek karah chak taka hmasawnna hna kalpui a ni zel hi kan lawm takzet a ni.

2. Mizoram leh Assam ramri buai meka Mizoram Sawrkar Pu Zoramthanga kaihhruai
sawrkarin huaisen taka a hmachhawn dan hi tha kan ti a, ramri chhehvela hmasawnna nasa tak a thlen mek hi ropui kan tiin, kan ram humhalhna tura a hmalakna hi kan thlawp tlat a ni. He ramri buai chingfel tura sorkar hotuten inbiakna hmang a hma an lakna hi tha kan ti.

3. Covid 19 hripui leng avanga khawvel pumpuiin sum leh paia nasa taka harsatna a tawh lai a, Pu Zoramthanga kaihhruai Sawrkarin mipui hnena SEDP sem theih a ni ta hi lawmawm kan ti a, chhungkaw tam tak tan malsawmna leh eizawnna kawng siam saktu a nih avang
leh huam zau zawk leh nasa zawka kalpui zel tura Sawrkar hmalakna hi kan chhuang takzet a.

4. MNF leh India Sawrkar inremna thuthlung anga Bangladesh Sawrkar nen Border Trade hmanga insumdawn tawnna tur Mizoram sorkarin chak taka hma a la zel hi tha kan ti a, Ram tan mellung pawimawh tak a nih dawn avangin lawmawm kan ti takzet a ni.

5. Myanmar leh Bangladesh atanga Mizorama kan unau raltlante Mizoram Sawrkar Pu
Zoramthanga kaihhruaiin tha taka lo dawngsawng a, ei leh bar, chenna leh zirna nen lam pe a, vawiin thlenga a lo kuangkuah hi tha kan tiin, chhuanawm kan ti takzet a ni.

6. Kan President Pu Zoramthanga hruaina hi kan chhuangin, kan ringtawk a, Kum 2023 a
MLA Inthlanpui lo awm turah pawh Pathian leh mipuite zarah a kaihhruaina hnuaiah kan
sawrkar leh ngei dawn nia lang hi lawmawm kan ti.

MNF GENERAL HEADQUARTERS
AIZAWL : MIZORAM