Mizo National Front
General Headquarters
Mizoram : Aizawl
Press Release
MNF VICE PRESIDENT PU VANLALZAWMA’N MNF SERLUI NORTH BLOCK POLITICAL CUM LEADERSHIP TRAINING A HMANPUI
Vawiin ni 16.11.2022 Nilaini hian Mizo National Front, Serlui North Block buatsaih Political Cum Leadership Training Vairengte Multipurpose Hall-a neih chu Pu Vanlalzawma, MNF Vice President chu khuallian niin MNF Adviser, Pu Lalrinsanga Ralte MLA chu khualzahawm niin an hmanpui.
Khuallian Pu Vanlalzawma chuan, “MNF hi Party dangte nen kan in ang lo, kan danglam bik a ni. MNF Party chu ram leh hnam tana rammu a, Martyr-te thisen a chawinun, Mizo hnam lungphuma innghat Party kan ni, kan mi hmasa ten he hnam tan falu hlohin mahni inphatin hrehawm tam tak an lo paltlang tawh a. Kan Contract hnathawhah te kan danglam bikna hi alang tur a ni, Party dangte aia kan danglam bikna hi mite’n an hmu tur a ni,” a ti a. Ramri a MNF Sorkar hmalakna te chu fakawm a tih thu leh huaisenthlak a tih thu a sawi.
MNF Vice President chuan, Nakum lawkah kan inthlang dawn a, Pu Zoramthanga kaihhruai sorkar hmalakna te miin an hmuhin belh tlakah an ngai a, kan sorkar leh ngei ang tih ka ring a, chumi tur chuan Block, Group leh Unit lama kan hruaitute’n ngaihtuahna thar an hman a tul hle a ni, a ti a. Tunlaiah mi thenkhat ten Social Media platform hrang hrangah mipui rilru hruai kawi tumin thuva-uk leh thudik chanve hmangin sorkar leh Party beihna te an tidarh țhin a, hengte hi thu dik zawk nena kan umzui a, mipuite hnena thudik hriattir thin hi party hruaitute’n kan tih tur a ni,” a ti bawk.
Khualzahawm Serlui bialtu MLA, Pu Lalrinsanga Ralte pawhin thusawiin, kan chief minister zahawmtak Pu Zoramthanga hmalakna azarah Vairengte-a Sport Training Centre bul tanna atan Artificial Turf siamna tur pawisa pawh Central chuan a sanction fel tawh a ni, a ti a. MNF Sorkar chuan ramri a ngaipawimawh hle a, a theihna kawng hrang hrangah tihhmasawn tumin theihtawp a chhuah zel a ni, a ti bawk. Pu Rinsanga chuan “Ka tih theih chu tlem mahse ka thinlung leh ngaihtuahna zawng zawng in tan, chhungkaw tin tan leh khaw tin tan hian ka seng zel dawn a. Chumi ah chuan theihtawp chhuahin min tawngtai pui ula. Vawiin a min support tlat ang hian min support zel rawh u. Pathianin hun tha min pe anga, a vur kum hi kan thleng ngei ngei dawn a ni. Kan hotuten SEDP sem a nih theih nan theihtawp an chhuah a, chumi azarah chuan first phase chu sem chhoh mek niin second phase pawh nakumah sem leh tumin ruahmanna an kalpui mek a ni,” a ti bawk.
MNF Serlui North Block Political Cum Leadership Training Vairengte Multipurpose Hall-a neih ah hian Pu PB Lalduhawma, Secretary, MNF Gen Hqrs pawhin thu sawina hun a nei bawk. He hun hi Pu B. Lalnuntluanga, President MNF Serlui North Block in a kaihruai a, party mi thahnem tak an kal a ni.
(F.LALBIAKZAMA)
Secretary
Media & Publicity Department
Mizo National Front
Memo No.MNF/Media/03/2022/556
Dt. 16.11.2022