Mizo National Front
General Headquarters
Mizoram : Aizawl
Press Release
MNF SITING MLA ZINGAH AN KHINGPUITE HNEHLO TUR AN AWM LO. -PP Thawla, Ex-MLA
Vawiin Febuary ni 10, 2023 Zirtawpni hian Mizo Hnam Run-ah chhung inkhawm neih a ni a. Hun hnihnaah hian MNF zawm tharte lawmluhna hun hman a ni a. Pu Vanlalzawma, Vice President, MNF chuan mitharte hi a lawmlut a ni.
He huna thusawitu, Pu PP Thawla, Ex-Minister, NCC member MNF Gen.Hqrs. chuan, “MNF hi hnam party awmchhun leh hlun ber a ni a, MNF nih hi a hahdamthlak hle a ni,” a ti.
Pu PP Thawla chuan, “High School Headmaster atangin a chhelai siamthatu nih tumin politics ah ka lut a. Politics hi mi thenkhatin infiamna bawlhhlawh ti thin mahse, Pathian leh ram rawngbawlna a ni tih ka hria a ni. Chuvangin, Pathian leh kan ram tan, tih thupuia neitu ngei MNF hi inthlahrung hauhloin ka zawm ta reng a ni, ” a ti.
Tunlai chhimlam politics virvelah, MNF atanga mi thahnem tak bang anga sawi ni mahse, Siaha bial hi MNF tan bial huphurhawm a nilo, a ti a.
MNF Adviser chuan, MNF sitting MLA zingah an khingpuite hnehlo tur anga ngaih theih an awmlo a, development sum lokal mek leh lokal zel tur avang leh SEDP vangin MNF hi a sorkar leh ngei a rinawm a ni, a ti a. Pathian leh kan ram tan, tih hi a taka kengkawh zel turin kalkhawm mipuite chu a fuih bawk.
Mizo Hnamrun chhung inkhawm hi Pu D.Thangliana, Ex MLA chuan kaihruaiin, Pi K. Remthangi, Adviser, MNF chuan hunserh a hmang a. Pu C. Zahmuaka, Adviser, MNF Gen. Hqrs.hnen atangin report ngaihthlak a ni a. Mithar lawmluh te hnen atangin thusawi ngaihthlak a ni bawk.
Sd/-
(PETER CHHANGTE)
Jt. Secretary
Media & Publicity Department
Mizo National Front
Memo No.MNF/Media/04/2023/601
Dt.10.02.2023