Mizo National Front
General Headquarters
Mizoram : Aizawl

Press Release

MNF-IN MBBS ZIRCHHUAK THARTE LAWMPUI : MNF SORKAR HNUAIAH ZMC TIHCHANGTLUN ZEL A NI HI LAWMAWM KAN TI –MNF

Mizo National Front, General Headquarters, Mizoram Aizawl chuan Zoram Medical College (ZMC) tihchangtlun zel a ni chu lawmawm a ti takzet a. Hun rei tak hripuiin min tibuai chung pawha theihtawp chhuaha medical College tihpuitlin nana hmalatu Chief Minister Pu Zoramthanga kaihhruai sorkar leh Health Minister Dr.R.Lalthanglianate thawhrimna chhuanawm a ti hle a ni.

Eptu party thenkhatten ZMC chu sorkarin ngaihthah leh enkawl thaloah an puh thin laiin, nimin lawka ZMC -a MBBS zirlai hmasa ber (2018 batch)-te result tihchhuah a ni khan ZMC chu sorkarin a ngaihthah lohzia a tilang a, hei hi Mizoram tan mellung pawimawh tak a ni. Kha tah khan exam beitu zirlai 95 zingah mi 68-ten hlawhtlinna an chang kha MNF chuan a lawmpui hle bawk.

Covid-19 hripui vanga hun harsa leh khirh karah Zoram medical College chu Dedicated Covid Hospital-ah puan a niin, hemi avang hian MBBS Zirlaite pawhin harsatna tam tak an tawk a. Harsatna tam tak karah zirlai hlawhtling tate kal zelna turah MNF chuan duhsakna a hlan a. Hlawhtling ve lote tan Mizoram University-in exam a buatsaih leh turah hlawhtlinna chang ngei turin MNF chuan duhsakna a hlan nghal a. MBBS zirchhuak tharte hian internship an tan thuai theih nan Health Minister Dr.R.Lalthangliana chuan chak takin hma a la mek a, National Medical Council-te nen indawrna an kalpui mek a, hei hian kum tharah chuan Mizorama Doctor indaihlohna pawh engemaw chen a phuhruk dawn a ni.

Sd/-

(R.LALHMANGAIHA)
Secretary
Media & Publicity Dept.
Mizo National Front
Memo No.MNF/Media/04/2023/654
Dt.13.04.2023