Mizo National Front
General Headquarters
Mizoram : Aizawl

Press Release

MNF-IN MANIPUR ZOFATE CHUNGA MEITEI CHET DAN DEMIN, ZOFATE TANRUAL PUIAH SAWM

Manipura tlangmi, kan unaute chunga Meitei-in rawng tak maia nunau pawisawilote nen lam chunga an chet mekna chungchangah, demna leh kan unaute tawrhna tawmpui nana ZORO hmalakna hi a fakawm kan tiin, hei hian Zofate kan inunauna kawngah nasa lehzualin min phuarkhawm phah MNF chuan a ring tlat a. Huaisen taka kan unaute thlavang hauh hi Zofa kiltin ami ten kan tih tur, kan tih makmawhah a ngai a ni.

He buaina kal zelah kan unaute chhawmdawl kawngah te, puih an ngaihna kawngah leh neitu rilrua lo tuamhlawm kawngah MNF sorkar hnuaia Chief Minister, Minister leh MLA rualte hmalakna hi chhuanawm kan tiin, mi tinin kan phak ang tawk theuha ṭawngtaina nen kan unaute harsatna tawh mek hi thlir liam mai lova, an harsatna tawh mek chinfel a nih thuai theih nana theihtawp chhuah chhunzawm zel turin MNF chuan Zoram mipuite a ngen bawk a ni.

Remna avanga hmun ralmuanga cheng mek zoram mipuite hian kan unaute dinhmun hrehawmzia hi kan hre phak tawklo mai thei a, an tawrhna ṭawmpuitu leh an tana kan tih theihtawka tlanchhelo tur kan nihna hi hre thar leh ṭheuh ila, unau kan nih anga kan inpumkhat tlat hi min dotute hneh nana hmanraw hriam ber a ni, tih rilru pu chunga kan ram leh kan hnam dinchhuah zelna tura bei zel turin Zoram mipuite a ngen nghal bawk a ni.

Sd/-

(R.LALHMANGAIHA)
Secretary
Media & Publicity Deptt
Memo No.MNF/Media/04/2023/764
Dt.12.07.2023