MNF HI ZOHNAHTHLAK ZAWNG ZAWNG TE TAN AN HOMELAND NI TURIN KAN HNAM DIN CHHUAH NAN A DIN A NI -Pu Tawnluia, Dy.Chief Minister

Vawiin June ni 14 Zirtawpni, 2023 hian Mizo Hnam Runah chhung inkhawm neih a ni a, MNF Sr.Vice President, Pu Tawnluia Dy.Chief Minister chuan thusawiin, MNF hi Pathian tih leh rawn chung zela Mizo Nationalism hi tungding a, Mizo hnam humhim zel turin zoram rawngbawl turin kan ding a, Mizo Nationalism hi champion pui kan tûm a ni, party dangte neih ve loh hi kan constitution ah hian a awm bik a. MNF member kan nihna kan chian apawimawh a, lalna thuneihna vanga din a ni ve lo, Pathian leh kan ram tana din a ni, a ti.

Pu Tawna chuan, Kan constitution ah chuan kan ram huam chinin ahuam ram leilungte ram rorelna pakhat hnuaia inzawmkhawm hi kan party in a tum bul ber leh mizote sakhua humhim a ni, chu chu India article 371G ah chiang takin a inziak a ni. Mizote nun, sakhua, vantlang nun leh an ram leilung te hi aneitu bik an nihna ah India Parliament in a ti danglam thei lovang, tiin kan Constitution ah in ziak ngat a, he article 371G hi engtikawng zawng pawhin humhim turin a tawp thlengin kan bei ang tih hi kan chhinchhiah ka duh a ni a, a ti.

MNF Sr.Vice President chuan, kan remna thuthlungah khan ILP pawh Mizoram sawrkar rawn lo chuan India sawrkar hian athiat emaw apaih thei lo ang, tih a ni. India khua leh tui kan nih chuan keini erawh chuan khawiah pawh in leh lo kan nei thei, Mizoramah erawh ILP telloin hnamdangte Mizoramah an lolut theilo, kan remna thuthlung hian min humhim tlat a ni, tih te hi ka hriat thar atul a ni, a ti a.

MNF hi zohnahthlak zawng zawng te tan an _homeland_ ni turin, kan hnam dinchhuahnan a din a ni a, MNF hi Mizo hnam party a ni, party dang tan Mizo Nationalism hi sawi arem ve lo, keini erawh a neitu kan ni, a ti.

Dy.CM chuan, UCC chungchang sawiin India ram hi secularism, sakhaw zalenna ram a ni a, chutihlai chuan UCC hi chuan min chawhchawrawi ta a, inkhairual tum na dan hi siam tumna alian em em a, state thenkhatah phei chuan an pass hlawm tawh a, chutihlai chuan kan party erawh chuan Mizoram kohhran hruaitute leh YMA te nen chuan, he UCC hi a nihna ang anga hman chi a nilo, kan ti a. Keini chuan article 371G tanchhan khan hetia hrut rual ve pawrh chi kan nilo, kan dikna hi kan humhim zel dawn, kan dikna chanvo humhimnaah kan chian ve angai, politics chu ahranin lo kal rawh se, he UCC lakah erawh kan inhumhim angai a, kan party pawhin kan duhloh thu kan thlen tawh a, kan MP te, kan President leh sawrkar ang pawhin kan thlen tawh a, he UCC hi Mizorama hmang lo turin kan theih chhung chu kan bei zel dawn a ni, a ti. Kan hnam zalenna sualtu hnam martar te neitu party hian thangthar zel te dinchhuahna turin an lo bei tawh a, MNF te hian kan nihna a dingnghet tlat tur kan nihna hi i hre thar leh zual ang u, a ti bawk.

Pu Tawna chuan, kan zohnahthlak unaute kan ramah thlabarin an rawn tlanlut a, India sawrkarin refugee angin a pawm theilo, amaherawh chu kan Chief Minister chuan kan unaute an ni a, kan thlahthlam theilo a ti a, tunah hian party sawi loin a theih ang angin kan chhawmdawl ta a ni, a ti. Thisen a inzawmna thuk tak nei tlat kan zohnahthlak te tan hian khawthlang lam emaw khawchhak lam atanga rawn kal pawh ni sela Mizoram sawrkar chuan kan rammut lai pawh a min tuam hlawmtute hi kan thlahthlam dawn lo a ni, chung zawng zawng lo chhuahna bul chu Mizo Nationalism a ni, a ti.

MNF Sr.Vice President chuan, Manipur lama kan unaute awmna Meitei hoin luahlan tumin, an awmphal loin an bei a mi tam takin nunna an hlan tawh a, chung avang a rawn raltlan zohnahthlakte inpuiah kan lo kuahkhawm a, kan CM in ruahmanna fel tak neiin, tlawmngai pawl leh kohhran te nen pawh inhre pawh zelin hma kan la ho a, raltlante tawmhimna leh an mamawh te ngaihtuah thei a kan awm te nationalism in a ken tel zel ala a ni, a ti bawk.

Dy.CM chuan, Covid leng chung pawh kan hnathawhte min faka, tha takin hna kan thawk a ni tih thawktute pawhin min hriatpui a. Inthlan kan hmachhawn turah kan zavaiin kan inralrin atul a, party dang candidate leh campaign te thusawi hi za a sawmriat hi chu sawrkar sawiselna a ni a, hetianga midangte sawisel leh sawt na tam lutuk te hi mipuite hian an hne tawh, chuvangin keini chuan covid chung pawha kan hmalaknate hi kan sawi zel tur a ni, kan hmachhawp kal zel SEDP te pawh sawi tur tam tak kan nei tawh a, mi min beihna tur pawh tawngkam puitling takin kan sawrkar tihpuitlin tawh hmasawnnate kan sawi chuan mipuiin min dawngsawng thiam ang tih ka ring a ni, a ti.

MNF Sr.Vice President chuan, mipuiten MNF party an rinna chhan chu leadership ah kan party President that avangin kan bawr khawm tlat a, min sawiphel tum mahse an hlawhchham a, pialtlepa liluh tum ang mai MNF sawi phel tum chu an tla char char a, chutiang khawp chuan kan party hruaitute tan hona hi miin min rinna em em chu a ni. ZPM an chhuta, Cong an en a belh tur an hre lo, keini erawh sakhatin kan awm tlat a heti luai luai karah hi chuan Pu Zoramthanga sawrkar lo hi chu sawrkar leh tur an awm lo e, tih hi mi pangngai chhut dan a ni a, kan sawrkar leh dawn tih hi i ringhlel lovang u, a ti bawk.

Hnam Run chhung inkhawm hi Adviser, Pu Ramthanmawia MLA in kaihruaiin, Pu Rochhunga Ralte Adviser, Ex-MLA chuan hunserh hmangin Pu K.Kristiana Secretary hnen atang in Pu K.Lalrinliana Minister ho a Kolasib zin report ngaihthlak a ni bawk.

Sd/-

B.LALHMANGAIHZUALA

Jt. Secretary

Media & Publicity Department

Mizo National Front

Memo No. MNF/Media 04/2023/800

Dt. 14.07.2023