MNF hi sorkar leh turin chung lamin min buatsaih mek a ni – Prof F.Lalnunmawia, MLA & MNF Adviser

Mizo National Front
General Headquarters
Mizoram : Aizawl

Press Release

MNF hi sorkar leh turin chung lamin min buatsaih mek a ni – Prof F.Lalnunmawia, MLA & MNF Adviser

Vawiin July ni11, 2023 (Thawhlehni) hian Prof F.Lalnunmawia, MLA leh MNF Adviser chuan a bial Aizawl South III a Lungsei khuaah mithar 19 MNF-ah a lawmlut.

Prof.F.Lalnunmawia MLA chuan kumtawp inthlan lo awm turah MNF chu sorkar chhunzawm turin boruak a inher fuh chho zel tih sawiin, “Zoram hmun hrang hrangah nitin MNF zawm thar an awm a, chunglamin sorkar leh turin min buatsaih mek niin a lang; kan tih ni miah lovin kan elpui party-te tihbuaiin an awm a, hmasawn lam aiin hniam lam an pan zel a, mipuiin an lakah rinna an hloh mek a ni,” a ti.

MNF Adviser chuan, “Mi thenkhatten kan sorkar leh kan hotute hi thu belhchian dawllo hmanga beiin sawisel ṭhin mahse, Covid19 hrileng avanga kum 3 vel chauh a taka hna thawhna kan nei chung pawhin kan sorkar hnathawh leh thiltih ṭhat te mipuiin an hai lo va. Chuvang chuan nitin MNF zawm thartu kan nei zel a ni,” a ti.

Prof Mawitea MLA chuan, “Zo hnahthlak, hmun hrang hranga chengte chu ram buai avangin Mizoramah raltlanin an lo haw khawm a, chungte chu Pu Zoramthanga kaihhruai MNF sorkarin huaisen takin an thlavang hauhin alo kuahkhawm a, hei hi zoram chhung leh pawna zofaten thlamuanthlak an ti hle a ni. MNF sorkar leh hruaitute hian famkim lohna te chu an nei ve ngei ang. Chutih rual chuan kan sorkarin zofate leh zoram tana theihtawp a chhuahnate mipuiin an hmuhin MNF sorkar chungah rinna an nghat mek a ni,” a ti bawk.

Lawmluhte aiawha thusawitu Pu Ramlalthanga, Lungsei chuan, “Congress hi tunah chuan beisei san tur an awm lova, ZPM lah lui leh kawr té tui lian ang deuhin an thawm chiah a bengchheng a, MNF erawh chu lui lian angin a ngawi hmuk thung a, chuvang chuan MNF hi a sorkar leh ngei dawnin kan ring a, kan zawm ve ta a ni,” a ti.

Lungsei khuaa MNF a lawm luh thar te:

1.Pu Lalremruata (Cong Unit Secy)
2. Pu Zamliana (Cong)- voters 6
3. Pu Lalbiaktluanga (Cong)- voters 4
4. Pi Rinliani(Cong)- voters 3
5. Pu Ramlalthanga (Cong) – voters 5

*Total= 19 voters*

He hun hi Pu Lalrimawia Lungsei MNF Unit President-in a kaihruai a, Bialtu MLA hi Aizawl South III South Block MNF hruaituten an ṭawiawm a ni.

Sd/-

(R.LALHMANGAIHA)
Secretary
Media & Publicity Deptt
Mizo National Front
Memo No.MNF/Media/04/2023/763
Dt.11.07.2023

Leave a Reply

Your email address will not be published. Required fields are marked *