MKHC NGENNA SIAM LAWMAWM KAN TI

Mizo National Front
General Headquarters
Mizoram : Aizawl
Press Release
MKHC NGENNA SIAM LAWMAWM KAN TI
MNF chuan Mizoram Kohhran Hruaitute Committee (MKHC)-in Member of Parliament (Lok Sabha) Inthlan pui kan neih turah Party tin, Zoram mipuite hnena ngenna tha tak an siam hi lawmawm a tiin, mipuiten zawm theuh thei ila a duh takzet a. Ṭawngtaina nen Inthlan hmachhawn thei vek ila a duhawmin, an ngenna hian Inthlan kan neih turah rahtha chhuah ngei se a duh takzet a ni.
Kan Ram, Kan hnam leh Kan Sakhua himna tur ngaih pawimawh bera an rawn nei hi lawmawm a ti takzet a. Kan thenawmte zingah abikin Assam nena kan inrina lama BJP kaihhruai Sawrkarin min nek rengna do kawngah pawh huai taka dodal ngamtu Sawrkar kalta kan neih angin, kan sawrkar neih mek pawhin hei hi chhunzawm zel ngam se a duh a. An tha tichak tura BJP hmalakna do ngam MP kan neih zel a ngaiin, hemi kawnga a chet lak dan hmuhin Zoram Mipui Candidate Pu K. Vanlalvena thlantlin ngei a nih pawh MNF chuan beiseina sang tak a nei a ni.
Kil tin atanga kan unaute neksawrna tawk mek, kan chipui kan rama damkhawchhuah beiseia rawn tlulut, kan hum mekte dinhmun hre reng chunga MP huaisen kan thlanchhuah ngei hi a tul tak zet a. Central Sawrkar duhdan pawh palzut ngam sawrkar kan neih tawh angin kan neih chhunzawm zel a ṭulin, ram chhung mipui, kan hnamhimna ti derthawng zawnga Central Sawrkar chet lakna awm thei dodal ngam tur, tun dinhmunah kan thlanchhuah thiam a pawimawh lehzualah MNF chuan a ngai a ni.
India ram chhunga Sakhaw lian zawk nihna changchawia a tezawk te nekchepna thleng mek dodal ngam MP, a bik takin Kristianna humhim ngam tur, mitin tana chanchintha puanzar kawnga kan Missionary te thlavang hauh a, penchhuak ngam Parliament House a mahni Sakhaw nihna lanchhuah chhunzawm tir ngam kan thlanchhuah a tul tak zet a ni. MP Candidate kan neih tha tak tak te zingah a buzawla lo tal hrep tawh kan Sakhaw nihna a taka lantir ngam MP kan neih mek, thlanchhuah mai hi thil finthlak takah MNF chuan a ngai a ni.
Kan Ram, kan Hnam leh kan Sakhaw him nan kohhran leh pawl hrang hrang thliar bik nei lo Pu K. Vanlalvena Vote theuh turin MNF chuan Zoram mipui zawng zawng thinlung takin a ngen a ni.
Sd/-
(THANGKIMA)
Secretary
Media & Publicity Deptt
Mizo National Front
Memo No. 45/2024
Dt.28.03.2024

Leave a Reply

Your email address will not be published. Required fields are marked *