Press Release

MIZO HNAM RUN CHHUNG INKHAWMAH DR.C.LALSANGZUALA’N THUSAWIIN, REPORT NGAIHTHLAK A NI BAWK

Vawiin September ni 6, 2024 (Zirtawpni) hian Mizo Hnam Runah chhung inkhawm neih a ni a.

Hun hnihnaah Dr.C.Lalsangzuala Secretary, MNF General Headquarters chuan ZPM hotu tam tak hian an policy pakhat SDRP pawh a awmzia an hriat loh thu sawiin, tur (poison) bawmah chithlum (sweet) an tat a, chu chu an kalphung thar mipuiin kan hmuh chhun chu a nih thu a sawi a. ZPM chu an inzawrh angin enchhin lai an ni a, an chithlum hi kan ei hman hlauh chuan Mizoram hi kaihthawh leh theih tawh lohin kan awm thei a ti a. A tehkhin thu sawiin, mipui hi ICU-ah kan awm mek a, unconcious-a kan awm miau avangin nat leh nat loh pawh kan in hre lo a, taksa khawi lai pawh hi vih sawk sawk ang vela awmin nat leh nat loh pawh kan in hre lo a, kan na hi a na em em a ni a ti a. MNF chu an tho chhuak leh thuai dawn tih sawiin, hotute finna leh remhriatna an hmu chho zel a. Thalaite ngaithlain, hma hruaituah an dah a, naupang zawkte chher hriamin, hotu senior zawkten party khawlpui an vawng a, a khalhfung (steering) thailaite an humtir a, thalaite harh thar leh phur thar zel turin a sawm a ni.

Report pe in Pu Lalpianfela Chawngthu General Secretary & Vice Chairman, Legal Board MNF General Headquarters chuan report pein, a mimala huat vang ni lovin, vawiinah Officer-in-charge, Bawngkawn Police Station-ah Pu C.Lalrinpuia Advocate, Secretary MNF Gen.Hqrs.hmingin Pi C.Lalchhandami W/o Rothuama, H/N-C-69 Ramhlun North Biakin Mual, Aizawl chu Dan anga a kum bithliah pel tawh chunga Mizoram State Commission for Women (MSCW) a ruat chu FIR an thehluh thu a sawi.

Pu Zirsangzela Joint Secretary, MNF General Headquarters chuan MNF Senior Vice President, Dr.R.Lalthangliana hova Khawzawl leh Champhai an kal report a pe bawk.

Inkhawm hi Pu Vanlalruata Ralte Vice President, Ex-MNA Headquarters, Mizo Hnam Run Aizawl chuan a kaihruai a, Pu F.Lalthankhuma Secretary, MNF Gen.Hqrs.chuan hunserh a hmang.

Sd/-

(R.LALHMANGAIHA)

Secretary

Media & Publicity Deptt

Mizo National Front

Memo No.153/2024

Dt.06.09.2024