Mizo National Front
General Headquarters
Mizoram : Aizawl
PRESS RELEASE
Lehkhathiam nih vangin kan chemtum kan kalsan mai tur a nilo -Pu C. Lalrinsanga, Minister.
Dated, Saitual, 30th June, 2022(Ningani) Vawiin hian Zirlai titha chawimawina hun, Saitual MZP Hqrs. buatsaiha Govt. Saitual College Auditorium-a neihah, Pu C. Lalrinsanga, Minister, Agriculture, Irrigation & Water Resources chuan khuallian niin a hmanpui a ni.
Saitual MZP Hqrs. te hian an huamchhunga HSLC, HSSLC, BA leh a chunglama hlawhtlinna chang tharte hnenah chawimawina an hlan a ni.
He huna khuallian, Pu C. Lalrinsanga chuan, ” Lehkhathiam nih vangin kan chemtum kan dah mai a remlo a, kan theihna leh kan thiamna te hi kawng hrang hranga kan chhawr tangkai a, kan tihpun angai a ni, “a ti. Pathian leh kan ram tan tih hi MNF tan chauh niloin, kan zavaia kan nunpui a, zirna kawngah pawh kan changvawn tlat tur a ni. Central service lamah kan hming a lang hleithei ta lo a, international level phak tura, tumruhna nen kan beih a tul a ni. Thiamna bik nei tan sawrkar hna a awm a ni, tiin zirlaite a fuih a ni. Lehkha zir hi insen thlawnna niloin, investment/chitha tuhna a ni, Pathian tihna nen kan zir a tul a ni, a ti bawk.
Agriculture Minister chuan, agriculture department hnuaiah scientist, kuthna thawktute kilkawi a, kaihruaitu tur dah thar mek zel an ni a, hei hian hmasawnna a keng dawn a. Zau zawka kan thlaithar hralhchhuah anih theih nan hmalak mek zel, a ti a. Kuthnathawktu tam zawkten upat lam an pan mek a, thalai ten changkang leh awmze nei zawka hma kan lak a tul hle a ni. Tunhnaiah sawrkar hmalaknain vaimin metric ton 5000 tharchhuah anih beisei a ni a, hemi herna tur hian hmun hrang hrangah khawl dah anih tur thu a sawi bawk.
Zirlai titha chawimawina hun hi Tv C Lalrinchhana, Vice President, MZP Hqrs. Saitual chuan kaihruaiin, Rev Joseph Lalrammuana BCM, Saitual bial chuan hunserh a hmang a ni. He hunah hian MNF Gen. Hqrs. atangin hruaitu thenkhat te an tel a, Saitual District chhunga sawrkar department hotu pawimawh tak tak te leh zirlai thahnem tak an tel bawk a ni.
Minister Pu C. Lalrinsanga hian Remna Ni puala Saitual DC buatsaihah khuallian niin hun a hmang bawk.
Sd/-PETER CHHANGTE
Joint Secretary
Media & Publicity Dept.
Mizo National Front
Memo No.MNF/Media/03/2022/457
Dt.30.06.2022