Mizo National Front
General Headquarters
Mizoram : Aizawl
Press Release
DR.R.LALTHANGLIANA MINISTER-IN LALNU ROPUILIANI HALL-A BADMINTON CARPET PHAH THAR A HAWN HNUIN, DARBILHI FOOTBALL TOURNAMENT A KHAR
Vawiin April ni 15th, 2023 (Inrinni) hian Dr.R.Lalthangliana, H & FW; C & I leh H & TE Minister chuan Hnahthiala ‘Lalnu Ropuiliani Hall-a Badminton Carpet’ phah thar chu a hawng a. Hemi hnu hian ‘Darbilhi Football Tournament kharna hun Darzo-ah’ a hmanpui leh a ni.
Heng hmunahte hian khuallian Minister Dr.R.Lalthangliana chuan badminton chu kum 10 kal ta khan a khelh ve thin thu sawiin, exercise lak chu mihringte hrisel nan a pawimawh ber pakhat a ni, a ti. Carpet thar lawm nan hun remchang hmasa berah District huap inelna neih a rawt a. Hnahthial District chhunga Babminton court-ah carpet phah lohna a la awm nual tih a hriat thu a sawi a. A tul ang zela phah tur anih thu leh MNF sorkar chuan Mizo thalaite tan infiamna lamah hma an sawn zel theih nan theihtawp an chhuah tur thu a sawi bawk. Infiam mite chu rilru thianghlim tak pu turin a chah a, infiam hi damreina atan a tangkai hle bawk, football pawh a ti tak tak mite tan eizawnna tling tawh a tiin, tan la zel turin a fuih. “Mihringin hausakna a hloh chuan engmah a hloh lo a, hriselna a hloh chuan thil tam tak a hloh a, nungchang tha a hloh chuan engkim a hloh a ni,” a ti. Kan lo hrisel zawk nan infiamna lam uar taka kalpui zel turin kal khawmte a chah nghal.
SASCI atangin Hnahthial tlangdung lam power harsatna awm reng mai sutkian nan Chief Minister Pu Zoramthanga hnenah a thlen thu sawiin, cheng vaibelchhe 43 administrative approval pek an nih thu kalkhawmte a hrilh a. Kumin financial year-ah harsatna zual phuhruk nan cheng nuai 500 hman theih turin min pe a ni, a ti. Min petu Chief Minister Pu Zoramthanga, Finance changtu chungah a bik taka lawmawm a tih thu a sawi.
Kawlchaw lei dawh aia sei zawk mah ‘Tuipui D, Darzo Kai’ dawh tur pawh central border ministry atanga DPR leh revenue clearance an tihfel vek tawh a ni tiin; Siaha, Lawngtlai, Hnahthial District leh Myanmar inkalpawhna kawng pawimawh tak a nih tur thu a sawi a. Truck Lian ke 14 nei insulpel thei tura dawh a ni ang a, a project a len tham vangin kum li/nga vel chhung thawh tur a ni ang, Dr.R.Lalthangliana chuan a ti bawk.
Minister hi Aizawl atangin Er.Lalduhawma, SE, Project Circle-I, P & E Department leh Pu R.Lalthangliana Dy.DPC, SAMAGRA Shiksha, Aizawl District-ten an tawiawm a. Hnahthial atangin Pu R.Lalremsanga DC Hnahthial; Pu Lalremruata SDO (SADAR) Hnahthial leh official dangten an tawiawm bawk.
Hnahthial Babminton club carpet phah thar hawnna hi Pu V.Zairemthanga, Executive Committee HBC chuan a kaihruai a, Rev.K.Zoramchhanthanga Pastor, UPC (Mizoram) chuan hunserh a hmang. Darbilhi Football kharna hun hi F.Lalrozara, Darzo football club president in a kaihruai a, Rev.Vanlalsiama BCM Ebenezer Darzo chuan hunserh a hmang bawk. Infiammite tan hian Minister hian tangka fai leh infiamna bungraw hrang hrang a pe a ni.
Sd/-
(R.LALHMANGAIHA)
Secretary
Media & Publicity Deptt.
Mizo National Front
Memo No.MNF/Media/04/2023/658
Dt.15.04.2023.