KUM NGA A LIAM HNUAH KAN SORKAR LEH DAWN: Pu Vanlalzawma, MNF Vice President

KUM NGA A LIAM HNUAH KAN SORKAR LEH DAWN: Pu Vanlalzawma, MNF Vice President

Mizo National front
General Headquarters
Mizoram : Aizawl


PRESS RELEASE

KUM NGA A LIAM HNUAH KAN SORKAR LEH DAWN: Pu Vanlalzawma, MNF Vice President

Vawiin ni 18.03.2024 hian Mizo Hnam Run chhung inkhawm neih a ni a. Hun hnihna (political session)-a thusawitu MNF Vice President Pu Vanlalzawma chuan kum nga liam hnuah MNF kan sorkar leh dawn, a ti.

“Kum nga a liam leh meuh chuan kan sorkar leh dawn niin a lang,” Pu Zawma chuan a ti a. “Kan sukthlek en hian lehkhathiam tamna State ang deuhin kan kalphung hi a inher danglam dawn niin a lang.

“Kerela, Karnataka, Tamil Nadu-te thlirin kum nga zela roreltu inthlak chho ang deuhin Mizoram pawh hi kan kal chho dawn niin a lang. Tuna ZPM sorkar pawh hian thil a titha viau mai. Amaherawhchu, hun han kal deuh se mipuite sukthlek a danglam chho zel dawn a ni,” a ti.

“MP inthlan lo awm turah MNF party-ah buaina tur a awm lo. Kan hotuten uluk takin an ngaihtuah dawn a. Candidate an ruat dawn a, chu chu thuawih takin kan pawm mai tur a ni. MNF chu thuawih thei leh discipline nei tha kan ni,” Pu Zawma chuan a ti.

Inkhawm hi Pu Rochhunga Ralte, Adviser, MNF GHQ-in a kaihruai a. Upa V. Lallungmuana, Secretary, MNF GHQ-in hunserh a hmang bawk a ni.

Sd/-
(MALSAWMPUIA RALTE)
Jt. Secretary
Media & Publicity Department
Mizo National Front
PR No. 41/2024
Dt. 18.03.2024

Leave a Reply

Your email address will not be published. Required fields are marked *