MNF CHU HISTORY ROPUI ZIAKTU LEH ZIAK MEKTU A NI: Dr. K. Pachhunga, MLA

Vawiin January ni 30, 2023 Thawhtanni hian Mizo Hnam Run inkhawm neih a ni a. He huna thusawitu Lunglei South MLA Dr. K. Pachhunga chuan MNF chu history ropui tak ziaktu leh ziak mektu a nih thu a sawi.

“MNF chu political party dangte aia danglam a ni a, Mizo history ropui tak a ziak teuh tawh a, a ziak mek zel a ni. Midangten MNF an tluk lohna chu Kohhran thianghlimna hmaikawra hmang kan ni ve lova, Mizo hnam leh sakhua humhalh tura independence movement nena beitu kan ni,” a ti.

State sorkar chu Delhi atanga (fund) lo kal ang zela inrelbawl a nih thu sawiin Dr. K. Pachhunga chuan, “Heti laia duhthu kan sam ang ngawt hi a ni lo. Delhi phal tawka nung kan ni tih hi kan hriat a ngai. Vawiina sorkar beitute hi sokarah awm ve ta se, kan hotute ne pawh ek lo tur an ni. Keini chu time tested leader nei kan ni a, hatsatna tinreng paltlang tawh hruaitu nei kan ni,” a ti.

MNF Sorkar chu sorkar tha a ni tiin – tui lak, gas leh buhfai supply bakah kawngpui tha kan nei. Tin, raltlan buaipui kawngah pawh sorkar tha a ni. “Kuhva leh smuggling thawm lo ri fote hi sorkar duh dan a ni bik lo, theihtawpa tanrual a ngai,” a ti.

Mau chungchang sawiin Bamboo Development Board Vice Chairman Dr. K. Pachhunga chuan: “Kan pu hi a advance em em a, mipuiin kan hriatthiam pui phak thin lo.”

Ram leilung hausaknate chu haichhuah chawp ngai a ni thin tih sawiin, “Mau erawh chu kan chin ni miah lovin kan ramah a tam, hengte hi technology thiamna hmanga hman tangkai theih a ni. Mizoram maute hi Taiwanah te, India institute-ahte kan thawn a, mau chi tha vek an ni (a tha ber chu mautak a ni),” a ti bawk.

Inkhawm hi MNF Adviser Pu HB Lianmunga’n a kaihruai a. Upa Lalrammawia Khiangte, MNF Adviser-in hunserh a hmang a ni.

Sd/-
MALSAWMPUIA RALTE
Joint Secretary
Media & Publicity Dept.
Mizo National Front
Memo No. MNF/Media/03/2022/595
Dt. 30.01.2023