Mizo National Front
General Headquarters
Mizoram : Aizawl
Press Release
KOHHRAN CHAWK BUAI ZAWNGA POLITICS KHEL AN AWM A NIH CHUAN PATHIAN PAWISAWINA A NI ANG : J SAWMA VANCHHAWNG
Aizawl : 22.7.2023: Vawiin hian Ramhlun Venglai MNF Unit II te chuan Political Training an nei a. He hun hi Publicity Board Vice Chairman J Malsawmzuala Vanchhawngin a hmanpui a. Thusawiin, “Kohhran hote inlungrualna chawk buai zawnga politics khel kan awm anih chuan Pathian pawi sawina a ni ang tih kei chuan ka ring tlat a ni,” a ti.
Pu Sawma chuan thusawiin, “Politics hi mimal tin, chhungkua, khawtlang, ram leh kan sakhuana te nen veka min nghawngtu a nih avangin, ‘Kan ram dinhmunin a tlin tawk leh kan thlen phak chin zelah a dik thei ang ber leh a fel thei ang ber zela rorelna hmun a ni tur a ni,” a ti.
MNF Publicity Board Vice Chairman chuan, “A chhe lai siamthatu nih theuh kan tum tur a ni a, kan sakhaw hruaitute zingah pawh ram vei tak tak an pung chho zel hi hmasawnna lawmawm tak a ni. Chutihrual chuan kan kohhran hruaitu thenkhat thahnemngaihna aw te chu thiam taka ti punlun-a, mipuite rilru-a huatna tuhna hmanruaa hmang thin an awm niin a lang a. Chung mite chuan kan hruaitu lo ni tawhte leh ni mekte chu ram hmangaihna nei miah lo, thil tha tih tumna nei lo, state dang hruaitute aia chhe bik em em ang maiin an chhuah duh ta zel a. Chu politics bawlhhlawh tak chu Kohhran huang chhungah pawh ngampa taka sengluh an tum ta zel niin a lang a, Kohhran mipuite-ah ngaihdan inang lo a lo pian phah a, tun hmain heti ang taka Kohhran hote hmanruaa hman tumna hi a la thleng lo mai thei. Kohhran hote inlungrualna chawk buai zawnga politics khel kan awm anih chuan Pathian pawi sawina a ni ang tih kei chuan ka ring tlat a ni,” a ti bawk.
Pu MS Dawnga, General Secretary pawhin thusawiin, “Pathian leh kan ram tan, titu Party kan ni a, party dang tih anga mawi lo leh huamhap taka awm thei kan ni lo. Pathian hrereng chungin kan kal tur a ni a. Zofate insuihkhawm lehna atan beitu party kan ni a, kan unaute enkawl leh tuamhlawm kawngah pawh kan thinlung kan hawng tur a ni a, theih tawp kan chhuah tur a ni,” a ti.
Pu H Vanlalrawna, General Secretary pawhin thu a sawi a. Pu Lalremliana Ramhlun Venglai MNF Unit II President-in a kaihruai a ni.
Sd/-
(LALLENMAWIA JONGTE)
Secretary
Media & Publicity Department
Mizo National Front
Memo No.MNF/Media/04/2023/807
Dt 21.07.202