Mizo National Front
General Headquarters
Mizoram : Aizawl

Press Release

‘Khawvelin Mizo hnam an hriatna chu hnam thinlung kan put vang a ni’-Zoramthanga, MNF President

Vawiin June ni 8, 2023 hian, MNF Hachhek Joint Block Meet leh mithar lawmluh runpui Lallianmawia Pachuau Hall, Zawlnuam Bawrai Vengah neih a ni.

He hunah hian MNF President Pu Zoramthanga chuan MNF party zawm thar mi 1391 MNF party ah a lawmlut.

Pu Zoramthanga chuan, ramri hrula awm opposition bial nichungin Hachhek bialin hmasawnna tamtak in hmu hi ka lawmpui che u a ni. Kum 60 a upa tawh MNF party hi Pathianin min kaihruai a. Kan zohnahthlak unau hmun hrang hranga awm ten Pathian ṭanpuinain a sorkar leh ngei aṭul thu leh MNF sorkar chu an thlamuanpui thu an sawi a. Hun harsa chi hrang hrang tawk ṭhin mah ila, kan sorkar leh ngei ang tih kan ring a ni. MNF policy, Zofate inpumkhatna leh rorelna pakhat hnuaia awm hi vawiin thlenga MNF party dinna a ni.

Khawvelin Mizo hnam min hriatna chu hnam thinlung kan put vang a ni a. Mizoram chauh nilo, hmun hrang hranga Zohnahthlakten Mizo Nationalism kan tuipui a ni. Hei hi kan vawn nun zel a pawimawh em em a ni.

Pu Zoramthanga chuan, MNF a sorkar leh ngei theih nan Hachhek bial mipuite sawmin party mipui kalkhawmte pawh insangmara theihtawpa ṭan la turin a fuih.

Khualzahawm, Pu Robert Romawia Royte chuan thusawiin, Hachhek bial khaw hrang hrangah hmasawnna thar kan nei tam hle a. Lawmthu i sawi ang u tiin hun lokal turah bial tana thawkho zel turin kalkhawmte a sawm bawk.

Vawiin inkhawm hi Pu Lalrovula, President Hachhek West Block in a kaihruai a. Rev.K. Lalrammawia, BCM in hunserh a hmang a. Dampa Bialtu MLA Pu Lalrintluanga Sailo, Mamit Bialtu MLA Er. Lalzirliana leh Mizo Hnam Run aṭangin party hruaitu ṭhahnem takin an hmanpui bawk a ni.

Sd/-
(LALVENHIMA RALTE)
Jt. Secretary
Media & Publicity Department
Mizo National Front
Memi No. MNF/Media/04/2023/730
Dt.08/06/2023