Mizo National Front
General Headquarters
Mizoram : Aizawl

Press Release

Kawnpui PHC Medical Officer Office & Laboratory Building Bialtu MLA-in hawng

Vawiin zirtawpni ni 11. 11. 2022 (Zirtawpni) hian Kawnpui PHC Medical Officer & Laboratory Building MLA Fund hmanga sak chu bialtu MLA, Pu K. Laldawngliana’n a hawng.

Bialtu MLA Pu K. Laldawngliana chuan thu sawiin, “Vawiin hunah Kawnpui PHC MO Office Cum Laboratory Room Building thar hawn theiha, peih a lo ni ta hi PHC Staff zawng zawngte leh he Damdawiin chhawrtu Kawnpui leh thenawm khua zawng zawngte ka lawmpui a che u. He building thar hi Staff-te leh mipui tan tangkai taka hman nise, khawtlang tana tangkai tur Building saknaah tha thawh ve theia ka awm hi a lawmawm ka ti takzet a ni,” a ti a.

Vanduaithlak taka he bial Bye – Election a lo ngaih takah leh he biala ding tura kan hotuten min thlan chhuah ve lai khan, engtinnge kan campaign ang, tih ngaihtuahna phak ang tawkin ka seng ve a, lo tling ta ila kan Party Manifesto/Flagship Programme mai nilo, he bial tana hmasawnna tur enge kan thawh ang, tih ngaihtuahnaah a lut zung zung a, chutihlaia ka rilru lian ber leh min kaptu ber chu ka unaupa Andrew H.Thangliana (L) in hma a lo lak mekna hi enge chhunzawm tur awm,
hna tha leh chhunzawm tlak chu a theih chin chin ah tihpuitlin kha ka rilru lian tak a ni a, NGO hruaitu ka nih ve hun lai ata tawh kan ram tana hnathawh tha, hmasawnna tur ang chi in chhunzawm sak hi ka rilru kaptu a ni ve thin a, chutiang chu a nih avangin vawiin ah MO Office-Cum-Laborratory Room building, Pu Andrew-a bul lo tan
chhunzawm theia ka awm leh sa puitling thei a kan awm hi a lawmawm ka ti a, amah tak khan vawiin hun hi hmu ve nise, a lawm ve hian ka ring a ni, Pu Andrew-a hma lo lakna Serkhan playground/field pawh kan lai chhunzawm nghal a, Khamrangah Futsal Ground kan peih fel tawh bawk a, vawiin hian Pu Andrew-a lo hmangaih a, lo ngainatu, lo zuittute hnenah sawmna ka siam duh a, inthlahrung miahlo a Pu Andrew-a bula khawtlang leh ram tana ngaihtuahna in lo senpui thin ang khan min thawhpui tur leh ka bulah inthlahrung lo turin ka sawm duh a ni che u a ni, a ti.

Pu Dawngtea chuan, “He bial MLA ka nih hnu hian bial tan phak ang tawkin hna kan thawk a, kan sorkar hotute leh department hrang hrang a kan thawk tute zarah bial pawhin hmasawnna
tam tak kan hmu ta, kan hmachhawp puitling mai tur tam tak a awm bawk, chung zingah chuan Kawnpui Playground Astro-Turf phah pawh bul kan tan thei dawn ta a, tin Khamrangah Eco-Tourism lamah hmalakna lian tak ruahman mek a ni bawk. Vawiin kan hun hmanna Kawnpui PHC ngei pawh hi kan campaign au hla leh Kawnpui mipuite duh ber CHC-ah hlankai a nih theih nan kan hotuten file kal tirin, an process mek a, a hlawhtlinna kan hmuh ngei pawh kan ring a, chutihrual chuan sorkar kalphung hi Maurawkela khuang ben anga ‘Hmin raw pip’ tih ang ngawt
a nih loh avangin mipuite pawhin dawhthei taka nghak hram hram turin kan in chah bawk a ni, a ti a, vawiin hun lawmawm tak hmang thei tura min hruaitu Pathian hnenah lawmthu awm se, he bial leh kan ram tana hnathawh tur tam tak awm thawk zel tura kan tan ho zel a pawimawh a ni,” a ti bawk.

Kawnpui PHC Medical Officer Office & Laboratory Building hawnna Programme hi Dr.Lalawmpuia Chhangte, Chief Medical Officer Kolasib District-in kaihruaiin, Rev. Lalengmawia’n hunserh a hmang a. Dr C. Lalnunpuia Medical Officer, PHC Kawnpui-in Technical Report pein Dr R.K Lalthlamuana Senior Medical Officer Kolasib District-in lawmthu sawiin hun a khar a ni.

Sd/-

(THANGKIMA)
Secretary
Media & Publicity Department
Mizo National Front
Memo No.MNF/Media/03/2022/551
Dt. 11.11.2022